Génesis 7:23 - Qullan Arunaca

²³ Noempi, qhitinacatejj jupampi chica arcancapcän ucanacaquiw khespipjjäna, ucat ucsarusti k'ala tucjatänwa, jakesa, animalanacasa, jamach'inacasa, orakenjam katatnaktir animalanacasa.

Aymar Bibliia 1986

²³ Noempi, qhitinacatejj jupampi chica arcancapcän ucanacaquiw khespipjjäna, ucat ucsarusti k'ala tucjatänwa, jakesa, animalanacasa, jamach'inacasa, orakenjam katatnaktir animalanacasa.

Qullan Arunaka DC

²³ Khitinakatix Noé chachampi arcankapkän jupanakakiw qhispipxäna, ukat uksarusti, jaqisa, uywañ animalanakasa, jamach'inakasa, uraqinjam qatatnaqtir animalanakas q'ala tukjataw uñjasipxäna.

Génesis 7:23 Jak'a apnaqawi uñst'ayäwi

Génesis 6:17

Nayasti mä jach'a jallu apayanï, ucasti take aca orakpachwa chhaktayani, uqhamarac aca orakenjja take cunatejj jacqui ucsa k'alwa t'unjaraquini. Take cunatejj aca oraken utjqui ucanacasti jiwarapjjaniwa.

Génesis 8:18

Uqhamasti Noesa, warmipasa, yokanacapasa, yojjch'anacapasa arcatjja mistunjjapjjänwa.

Job 5:19

Mayampsa, mayampsa jan walt'añatjja khespiyascaquïtamwa, janiraquiw ñankhan jumjjaru jutañapsa muncaniti.

Salmos 91:1

Alajjpachanquir Take atipirin imat sarnaker jakejja,

Salmos 91:7

ch'ekäjjamanjja, warankaw jiwarani, cupëjjamansti tunca warankaw tucusini, jumarusti janiw cunas camächcätamti.

Proverbios 11:4

Taripäwi urun kamir cancañajj maynirojj janiw yanapcaniti, ucampis cheka cancañajja jiwañatwa khespiyani.

Mateo 25:46

Jichhajj wiñay t'akhesiñaruw jupanacajj sarapjjaraquini, asqui jakenacasti wiñay jacañaruraquiw sarapjjani.”

Hebreos 11:7

Iyawsäwi laycuw Noé chachajj Diosarojj ist'äna uqhamarac arcsa luräna familiapan khespiyasiñapataqui, cunapachatejj Diosajj jan uñjatäcäns ucanacan pasañap yatiycän ucqhajja. Uca iyawsäwi laycuraquiw Noé chachan acaorakenquirinacarojj juchañchäna, uqham iyawsatap laycuraquiw Diosampejj catokatäna.

1 Pedro 3:20

Jupanacasti nayrajj jan ist'asiriw tucupjjäna cunapachatï Noé chachajj arca lurascän ucqhajj janiw jaysapcataynati, Diosajj jupanacar suyt'ascchïna ucasa. Uca arcansti quimsakallkoniquiraquiw uma toke khespiyasipjjäna.

2 Pedro 2:5

Janiraquiw Diosajj nayra jakenacarus perdoncaraquïnti, jan ucasti uca jan wali jakenacjjarojj uma juicio puriyanïna. Noé saparuquiraquiw khespiyänjja cheka arunac parlatapata, jupamp chicasti pakallkoniquiw khespiyasïnjja.

2 Pedro 2:9

Uqhampï Tatitojj wawanacapar jan walinacat khespiyañ yatejja, uqhamarac jan wali jakenacar taripäwi urutac imañsa, mutuyatäpjjañapataqui.

2 Pedro 3:6

Ucatsti uca orakejja uma juiciompi t'unjatäjjaraquïnwa.