Génesis 49:8 - Qullan Arunaca

⁸ “Judá, jilanacamasti jach'achapjjätamwa. Enemigonacamarusti cuncat waythapïta, pachpa jilanacamaw juman nayrakataman alt'asipjjaraquini.

Aymar Bibliia 1986

⁸ “Judá, jilanacamasti jach'achapjjätamwa. Enemigonacamarusti cuncat waythapïta, pachpa jilanacamaw juman nayrakataman alt'asipjjaraquini.

Qullan Arunaka DC

⁸ “Judá, uñisirinakamarux kunkat waythapïta. Jilanakamasti waqaychapxätamwa, juman nayraqataman alt'asipxarakini.

Génesis 49:8 Jak'a apnaqawi uñst'ayäwi

Génesis 27:29

Walja jakenaca jumarojj sirvpan, nacionanacasti juma nayrakatan quillt'aspan. Jilanacamarusti jumarac apnakam; ¡jupanacasti juma nayrakatan quillt'asipjjpan! Qhitinacatejj maldicipcätam ucanacasti maldicitäniwa. Qhitinacatejj bendicipcätam ucanacasti bendicitaraquïniwa” sasa.

Génesis 29:35

Leajj ucjjarus yakha wawampjja wawachasiscaquïnwa, ucarusti Judá sasaw suticharaquïna, saraquïnwa: “Jichhajj Tatituruw yupaychä” sasa. Ucatsti janiw juc'ampi wawanëcjjänti.

Génesis 42:6

Joseasti Egipto marcan gobernadorapänwa, uqhamaraqui jupaw trigo aljäna take chekata jakenacajj purinipcän ucanacaru. Cunapachatejj jilanacapajj uñstapjjän jupa nayrakataru ucapachasti, Josean nayrakataparuw alt'asipjjäna, ajanunacapas oraker puriñcama.

Génesis 46:12

Judän wawanacapasti: Er, Onán, Sela, Fares, Zara ucanaca. (Er, uqhamarac Onán sisqui ucanacasti Canaán orakenwa jiwjjapjjäna). Faresan wawanacapasti: Hezrón, Hamul ucanacänwa.

2 Samuel 22:41

nayrakatajjatsti timanacajjarojj chhuqhutataytawa, uqhamat nayar uñisirinacarojj tucusiytajja.

2 Samuel 24:9

Joab chachasti reyiruw catuyjjaraquïna kawkhatejj censon aptatäcäna take ucanaca, ucatsti yatisiraquïnwa, Israel marcanjja quimsakallko patac waranka jakenaca utjatapa, jupanacasti guerraru sarirjamäpjjaraquïnwa, Judá orakensti pheska pataca waranka jakenacaw utjaraquïna.

2 Samuel 5:3

Uqhamaw Israelanquir take jilïri jakenacajj Hebrón chekan David reyimpi parliri sarapjjäna, jupasti mä arust'äwi luraraquïna jupanacampejja, Tatituru testigot uscusa. Uqhamasti jupanacajj uca urojj Davidarojj reyit utt'ayjjapjjäna, take Israel marcjjaru.

1 Crónicas 28:4

Ucampis Israelan Tatit Diosapajja nayaruw ajllisitu take familiajja taypita Israelan wiñay reyïñajjataqui. Juparaquiw Judá tribu ajlliwayi apnakañapataqui uca tributa mistuñapataqui, uca Judá tributjja nayan familiajjaruw ajllisiwayi, uqhamarac jilanacajj taypitjja nayaruw ajllisiraquitu Israelan reyïñajjataqui.

2 Crónicas 14:8

Asan ejercitopasti quimsa pataca waranka Judá chekanquir soldadonacapampi waquicht'atänwa, escudonacampi, lanzanacampi armantasita, uqhamaraquiw Benjamín tributjja pä pataca quimsakallk waranka soldadonacanïna escudonacampi flecht'aña arconacampi suma waquicht'ata. Take jupanacasti jan ajjsariri soldadonacäpjjänwa.

2 Crónicas 15:9

Ucatsti tantachänwa Judá, uqhamarac Benjamín ucanquir take jakenacaru, uqhamarac jupanac taypiru Efraín, Manasés, Simeón ucanacat jutapcäna uca jakenacarusa, Israelanquirinacatjja waljaninacawa Asa reyiru jakcatjjapjjäna, Tatit Diosapajj jupampïtap uñjasina.

2 Crónicas 17:2

Jupasti Judá chekanquiri sayt'asiñataqui lurayata take marcanacaruwa soldadonaca uchäna, uqhamarac take Judá orakerusa walja soldadonaca ucharaquïna, Asa awquipajj Efraín oraken marcanaca catuntcäna ucanacarusa.

2 Crónicas 30:11

Ucampis yakhep jakenacajja Aser, Manasés, Zabulón uca tribunacatjja Diosan nayrakatapanjja jisc'aruwa tuct'apjjäna, ucatsti Jerusalenarojj jutapjjänwa.

Salmos 76:1

Diosajj Judá oraken uñt'atawa, sutipajj Israel marcan wali aytatawa;

Isaías 9:7

Davidan tronopanwa kont'asiraquini, jupan reyïñ ch'amapasti take chekancaraquiniwa, suman sarnakasiñasti janipuniw tucuscaniti. Jupan reinopasti suma utjnokatäniwa, cheka asqui cancañjjaru, uqhamaraqui cunatejj chekapäqui ucjjaru utt'ayataraquïniwa, jichhüruta wiñaycama. Acsti take ch'aman Tatitun sinti jach'a munasiñapaw uqhamjja lurani.

Ezequiel 21:29

Unañchäwi uñjatanacapasti c'ariwa, cunatejj acat kheparu pascani ucanacat parlatanacapas c'ariraquiwa. Espadasti uca ñankha jake jiwayiri jakenacjjaruw puriraquini. Khepa mutuyäwi catokaña horasapasti niya jac'ancjjewa.

Números 10:14

Nayrakatasti cawquïri ejercitotejj Judá tribun wiphalapanïcäna ucanacaw sarantapjjäna, jupanacan jilïripasti Naasón sat Aminadab chachan wawapänwa.

Números 26:20

Uqhamasti Judá tribun familianacapan wawanacapajj Sela, Fares, Zara ucanacänwa.

Números 26:22

Censo aptatarjamajj Judá tribun wawanacapajj pakallko tunca sojjtan waranka pheska patacani jakenacänwa.

Deuteronomio 33:7

Judá triburusti aca bendicionwa churaraquïna: “Dios Tata, ist'am Judá tribun arunacapa; marcapampisti tantachasjjaracpan, ch'amamampi arjjataraquim, uñisirinacap contras yanapt'araquim” sasa.

Hebreos 10:13

Ucanwa jichhajj suyasqui take uñisirinacapajj cayupar uchatäñapcama.

Hebreos 7:14

Suma yatitawa, Tatitusajj Judá tributwa juti. Cunapachatï Moisesajj sacerdotenacat parlcän ucqhajj janiw cuns siscänti aca tributjja.

Josué 10:24

Cunapachatejj Josué chachan nayrakataparu irpanipjjän ucqhajj Josué chachajj take israelit jakenacaruw jawsayäna ucatsti jilïri jakenacarojj aqham sänwa: “Jac'aru maqhatanipjjam ucatsti aca reyinacan cuncanacaparu cayunacamampi takjjatapjjam” sasa. Jupanacasti uqhamwa lurapjjäna.

Josué 15:20

Judá tribojj acnïri orakenacwa jaljasipjjäna kawkha familiatï utjcän uqhamarjama.

Apocalipsis 11:15

Pakallköri angelasti trompetapwa phust'asïna, ucatsti mä arunacaraquiw alajjpachana jach'at ist'asïna, aqham sasa: “Acapach marcanacajj Tatit Cristosaruw jakcatjjapjje. Jichhajj juparaquiw wiñayan wiñayapataqui apnakani” sasa.

Apocalipsis 5:5

Ucampis uca jilïrinacat maynïriw aqham situ: “Jan juc'ampi jachcjjamti. Judá orakenquir Leonaw, qhititejj Davidan wawanacapan wawapäqui, ucaw atipji. Jupajj ch'amaniwa uca libro jist'arañataquejja, uqhamarac uca pakallko sellonaca ch'iyarañataquisa” sasa.

Jueces 20:18

Ucampis israelitanacajja Betel marcaru sarasinjja Diosaruw jisct'apjjänjja cawquïr tribusa nayrakata saraspa Benjamín sat tribunquirinacampi nuwasirejja. Ucatsti Diosajj yatiyänwa Judá sat tribuna nayrakata sarañapa.