Génesis 49:6 - Qullan Arunaca

⁶ ¡Janipuniw cunäquipansa tantachasïwinacapancañ muncti! Cunapachatejj coleratäpcän ucqhasti, jakenac jiwarayapjjäna. Jan wali amtañapansti, vacanacan cayunacapsa p'aquirawayapjjänwa.

Aymar Bibliia 1986

⁶ ¡Janipuniw cunäquipansa tantachasïwinacapancañ muncti! Cunapachatejj coleratäpcän ucqhasti, jakenac jiwarayapjjäna. Jan wali amtañapansti, vacanacan cayunacapsa p'aquirawayapjjänwa.

Qullan Arunaka DC

⁶ ¡Janipuniw kunäkipansa jupanakamp chik sarnaqañ munkti! Q'apisiñapan jaqinak jiwarayapxäna, munañanakapampikiw vacanakan kayunakapsa p'akirawayapxäna.

Génesis 49:6 Jak'a apnaqawi uñst'ayäwi

Génesis 34:30

Ucatsti Jacobojj Simeonampiru, Levimpirojj sänwa: —Jumanacajj jan walt'añaruw uscuntapjjestajja, jichhajj aca oraken jaquir jakenacajj cananeonacasa, uqhamarac ferezeonacasa, nayarojj uñisipjjetaniwa. Naya contra mayacht'asisinsti nuwañataquiw jutapjjanejja, juc'a chachanacaqui nayan utjatap laycusti, nayarusa, familiajjarusa jiwarayapjjaniwa —sasa.

2 Samuel 8:4

Jupanacatsti Davidajj waranka pakallk patacani caballería soldadonac apakanïna, pä tunca waranka infantería soldadonacampi; uqhamarusa caballonacan cayunacapsti k'alwa p'aquiraniraquïna, pataca caballonacaqui carronacapataqui jilt'ayanjjäna.

1 Crónicas 18:4

Jupanacatjja Davidajj apakänwa waranka nuwasiñ carronaca, presonacjja catuntänwa pakallk waranka caballería soldadonaca, pä tunca waranka infantería soldadonacaraqui; ucjjarusti nuwasiñ carronacan caballonacapan cayunacapjja p'aquirayänwa, ucampis cawquïr caballonacatï patac carrotacjamäqui ucanacacwa jan camachaycänsa.

Salmos 1:1

Qhititejj ñankha lurir jakenacan amtayataparjam jan sarnakqui ucajj cusisiñan jakewa. Jupajj janiw jucharar jakenacan thaquipan sarnakquiti, janiraquiw Diosamp sawcasirinacampis chicachasquiti,

Salmos 103:1

Takpach chuymajjampiw Tatitur jach'añchä, takpach chuymajjampiw kollan sutip jach'ar aptä.

Salmos 139:19

Diosajjay, ñankha luririnacarojj tucusiyamaya, jake jiwayirinacarusti nayat jithektayam,

Salmos 16:9

Ucat chuymajjajj walpun cusisi, ajayojjas cusisi, janchejjas samararaqui.

Salmos 26:9

Janiquiy jucharar jakenacarjamajj jacañajj apakestati, janirac jake jiwayirinacarjamas puriyistati,

Salmos 28:3

Janiquiy khoru jakenacamp chicajj apistati, janirac ñankha luririnacampis chicachasiyistati, laka chuymaquiw jake masipamp sumanquirejj tucupjje, chuymapasti ñankhan phokhantatawa.

Salmos 30:12

Dios Tatay, ucat ajayojjajj jan amuct'as jach'añchañ k'ochunac k'ochuni, jumarusti wiñayaw yuspagaräma.

Salmos 42:11

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta: ¡Jupaw cusisiñajjasa, Diosajjasa!

Salmos 42:5

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta: ¡Jupaw khespiyirejjasa, Diosajjasa!

Salmos 43:5

Almajjay, ¿cunatarac llacthapistasti?, ¿cunatarac ajjsarthaptasti? Diosaruc suyt'am, wasitat jach'añchjjäta. ¡Jupaw cusisiñajjasa, Diosajjasa!

Salmos 5:10

¡Diosajjay, jupanacarojj! mutuyamaya, amtatanacaparojj aynacht'ayamaya; jumar kallcatapjjatap laycusti, ñankha luratanacapat jakonucum.

Salmos 57:8

Almajjay, p'arjjtasimaya; arpamp salteriompi, p'arjjtasipjjam, nayasti machak khantatiruw p'arjjtaraquï.

Salmos 64:2

Ñankha lurir jakenacat imantita, nayatac ñankha amtir jakenacat jarc'aketa, nayar jiwayañ munirinacat khespiyita.

Proverbios 1:11

Inas sapjjaracchïtam ‘Jutam, nanacampi chica sararaquim, ucatsti munañasaru mä sipita waquichañäni, mä qhiti jan juchani pasasquiri jakeru jiwayañataqui.

Proverbios 12:5

Asqui jakenacan amtäwipajj cheka lurañawa, ucampis ñankha lurir jakenacan amtäwipajja ñankha lurañaquiwa.

Jeremías 15:17

Qhitinacatejj aleka cusist'añaqui munapjje, ucanacampi chicachasiñsti janiw muncaractti; cunapachattejj jumajj nayaru catuntasista ucat acsarusti, sapaquiw sarnakjjta, colerasiñamampi nayar phokhantatam laycu.

Jeremías 4:19

¡Usutuw ucat k'ewinaktta! ¡Chuymajjas walpun putuquiraqui! ¡Janiw inact'irjamäcti, janiraquiw amuct'irjamäctsa! Mä trompetan phust'asitapwa ist'ta, guerran arnakasiñanacampi cuna.

Lucas 12:19

Ucatsti saraquïwa: Walja yänacaw jichhajj utjitu, walja maranacatac imata, ucatsti samarasï, mank'asï, umasï, cusisiraquï’ sasa.

2 Corintios 6:14

Jan jumanacajj Tatitur jan iyawsirinacampejj chicachasipjjamti, jupanacampi chicachasipjjasmajja, mä ch'ulla ch'ulla yuntar uñtatäpjjasmawa. ¿Cuna lurañaparac utji asquimpi ñankhampisti? Jan ucajj ¿cunjämaraqui khanasti ch'amacampïspasti?

Deuteronomio 27:24

‘Maldicitäpan cawquïritejj jake masiparu ch'ojjña lurasina jiwaycani ucajja.’ Ucatsti takpach marcaw sani: ‘Uqhamäpan’ sasa.

Josué 11:9

Josué chachasti Diosan arsutaparjamajj phokhänwa, caballonacan cayunacap p'aquirasa ucatsti ninampiw carronacaparu phichhantaraquïna.

Jueces 5:21

Jichha jawirasa, nayra jawirasa, uqhamarac Cisón sat jawirasa take jupanacaruw chhaktayi. ¡Ucampis jumajja ch'amaninacarojja janiw arsuycätati!