Génesis 47:19 - Qullan Arunaca

¹⁹ Jumay jichhajj orakenacajjsa, nanacsa alasjjapjjeta, mä kawkha trigompi. Faraonan esclavopäpjjäwa, jupataquiraquiw orakenacajjsa yapuchapjjäjja, jumajj jathaqui churapjjetajja, nanacan jacañanacajjataqui, uqhamarac orakenacajjas jan inamayaquïñapataqui. ¿Cunatarac jumasti nanacaru orakenacajjampi chica jiwarasquir dejapjjetätasti? —sasa.

Aymar Bibliia 1986

¹⁹ Jumay jichhajj orakenacajjsa, nanacsa alasjjapjjeta, mä kawkha trigompi. Faraonan esclavopäpjjäwa, jupataquiraquiw orakenacajjsa yapuchapjjäjja, jumajj jathaqui churapjjetajja, nanacan jacañanacajjataqui, uqhamarac orakenacajjas jan inamayaquïñapataqui. ¿Cunatarac jumasti nanacaru orakenacajjampi chica jiwarasquir dejapjjetätasti? —sasa.

Qullan Arunaka DC

¹⁹ Jumay jichhax trigo lanti uraqinakaxsa, nanaksa alasxapxita. Nanakasti faraonan t'aqhisiyat luqtiripäpxäwa, jupatakirakiw uraqinakaxsa yapuchapxä, jumax jathaki yapuchañatak churapxita, nanakan jakañanakaxataki, uraqinakaxan jan inamayakïñapataki ¿Kunatarak jumasti nanakar uraqinakaxamp chika jiwaraskir uñjapxitätasti? —sasa.

Génesis 47:19 Jak'a apnaqawi uñst'ayäwi

Génesis 41:36

Uqhamaw trigojj take marcpachataqui imatäni, jakejj uca mach'a maranacan jan mank'at jiwarascäñapataqui, cuna mach'a maranacatejj Egiptor jutcani ucapacha.

Génesis 47:15

Cunapachatejj kollkejj Egiptonsa, Canaán orakensa jan utjcjjän ucqhasti, egipcionacajj Josear jicjjatiriw sarapjjäna, sapjjaraquïnwa: —¡Jumay mank'añjja churapjjeta! Janiw waquisquiti juman uqhama nanacan mank'atjam jiwarasquir uñch'uquiñamajja, jan kollkenïpjjatajj laycuqui —sasa.

Génesis 47:18

Uca mara pasjjepansti, khepa marajj Josean ucarojj sarjjapjjaraquiquïnwa, aqham sasa: —Tata, janiw jumarojj c'arintapquirismati, janiw kollkejj utjcjjapjjetuti, uqhamarus animalanacajjas jumancjjaraquiwa. Janiw cunas churañataquejj utjcjjapjjetuti, orakenacajjampi, uqhamaraqui nanacpachaquiw jumaru churasjjapjjerismajja.

Génesis 47:20

Uqhamasti Joseajj take Egiptonquir orakenacwa aläna faraonataqui, egiptonquir jakenacasti orakenacapjja, mank'a laycojj aljarasjjapjjänwa. Uqhamaw orakenacajj faraonancamaquëjjäna,

Job 2:4

Ucat Supayajj Tatiturojj saraquïnwa: —Mayni jaketaquejja janchipatejj waliquïscchi jan cuna camachata ucajja take cunasa waliquïsquiwa. Ucampis mä jakejja jacañapa khespiyasiña laycojja cunsa luraquispawa.

Lamentaciones 1:11

Take jakenacapaw jichhajj wali jachapjje, mank'añ thakasaw sarnakasipcaraqui; kamir cancañanacapsti mank'ampiquiw trocasjjapjje, uqhamat jan mank'atjama jiwascañataqui. ¡Tata, nayan aynacht'atajj uñtanimaya, ñankht'atajjsa amuyaraquimaya!

Lamentaciones 5:6

T'ant'a mayt'asiñataquisti Egiptonquiri, Asirianquiri jakenacaruquiw mayisjjtanjja.

Lamentaciones 5:9

T'ant'a jicjjatañ munasasti niyapuniw jiwaractanjja, wasara tokenquiri nuwasirinaca utjquipansa.

Mateo 16:26

¿Cuna asquirac jaketaquisti aca orakpacha jupancjjaspa, ucat almap chhakayasispa ucasti? Jan ucajj ¿kawkhsa pagaspa jakejj almapatjja?