Génesis 45:5 - Qullan Arunaca

⁵ Ucampisa, jan jichhajj llaquisipjjamti, janirac jumanacpachas colerasipjjamti nayar aljapjjatamatjja, ucampis Diosaw jumanacan nayrama qhitanitu, jacañanac khespiyañajjataqui.

Aymar Bibliia 1986

⁵ Ucampisa, jan jichhajj llaquisipjjamti, janirac jumanacpachas colerasipjjamti nayar aljapjjatamatjja, ucampis Diosaw jumanacan nayrama qhitanitu, jacañanac khespiyañajjataqui.

Qullan Arunaka DC

⁵ ukampis jichhax jan llakisipxamti, janirak jumanakpachas nayar aljapxatamat juchañchasipxamti, Diosaw jumanakat nayra khithanitu, jakañanak qhispiyañaxataki.

Génesis 45:5 Jak'a apnaqawi uñst'ayäwi

Génesis 37:28

Madianita, alaquipa jakenacajj uca cheka pasquipansti, jilanacapajj uca phuch'ut Josearojj irpsunipjjäna, uca ismaelita jakenacaruw pä tunca kollkeru alj-jjapjjäna. Uqhamwa Josearojj Egipto marcar irpasjjapjjäna.

Génesis 47:25

Jupanacasti sapjjaraquïnwa: —Jumajj wali suma jakëtaw nanacataquejja, jacañanacajjsa khespiyapjjaraquistawa. ¡Faraonan esclavopäpjjayäwa! —sasa.

Génesis 50:19

Joseasti saraquïnwa: —Jan ajjsarapjjamti. Janiw nayajj Dios lanti tucquiristti.

Génesis 50:20

Jumanacajj nayarojj jan walinac lurañ munapjjäyätajja, ucampis Diosaw uca jan waljja asquiru tucuyjje, cuntejj jichhajj uñjctan uca lurañataqui: walja jakenacan jacañanacapa khespiyañataqui.

Génesis 50:21

Uqhamajj jan ajjsarapjjamti. Nayaw jumanacarusa, wawanacamarusa mank'añjja churasipcäma —sasa. Uqhamwa Joseajj jilanacaparojj chuymachjjäna, wali suma arunacampiw parlt'araquïnjja.

2 Samuel 12:12

Jumajj jaken jan uñjcata jamasan ucanacjja lurtajja, nayasti take Israel marcan uñjcañaw lurä uqhamaraqui uruwa, khanan luraraquï’ —sasa.

2 Samuel 17:14

Absalonampi take israelitanacampisti, Husai chachan arunacaparojj: “Waliquiw” sapjjaraquïnwa, Ahitofel jaken amtäwipatsa juc'ampi sumaraquïnwa. (Tatitusti Ahitofel jaken amtäwinacapjja t'unjaraquitaynawa uqhamat Absalonarojj jan walt'añaru uscuñataqui.)

Ester (hebreo) 4:14

Jichhasti jumatejj amuct'asïta, janitejj cunsa camscäta ucajja judionacan khespiyasiñapajja yakha toketwa jutani. Ucampis jumasa, uqhamarac awquiman familianacapasa jiwarayatäsipcaquïtawa. ¡Inasa jumajja reinaru puriscsta jiwasanacaru aqham llaquisiña horasana yanapt'añataqui!” sasa.

Job 1:21

Jupasti sänwa: “Nayajj taycajjan puracapatjja k'alalaquiw nasta, k'alalaquiraquiw cuttjjaraquëjja. Tatitu Diosaw take cunsa churitu, ucatsti jupaw apakasjjaraquitu. Ucampis ¡Tatitun sutipajj jach'añchatäpan!” sasa.

Lucas 23:34

Ch'accatasipcän ucqhajj [Jesusajj sänwa: —Awquejja, perdonam, jupanacajj janiw cuna luratanacaps yatipquiti —sasa.] Soldadonacasti suerte jaktapjjäna Jesusan isip jupanaccam jaljasiñataqui.

2 Corintios 2:11

uqhamata Supayajj jan jiwasar atipjañapataqui. Yatiractanwa cunja jach'a sallkäquitejj Supayajj ucjja.

2 Corintios 2:7

Jichhajj uca jakerojj perdonjjapjjam chuymachapjjaraquim inampis llaquisiñatjja sinti mayjt'asispa.

Filemón 1:15

Inas ucataqui Onesimojj jumat saracchïyätam mä kawkha urunacataqui, jichhat ucsaru jumampipunëjjañapataqui,

1 Samuel 1:19

Khepärmanthisti wali alwat sartasïna, Tatituru yupaychasinsti, Ramá chekancqui uca utaparuw cuttanjjapjjäna. Ucatsti Elcanajj Ana warmipampiw mayachasi, Tatitusti mayisitaparojj ist'araquïnwa.