Génesis 43:9 - Qullan Arunaca

⁹ Nayaw juparu uñjascäjja, cunatejj pasani ucsa, nayampiw parlascäta. Janitejj acawjar cuttayanirapcäm ucqhajj nayaw juchanïscäjj wiñayataqui.

Aymar Bibliia 1986

⁹ Nayaw juparu uñjascäjja, cunatejj pasani ucsa, nayampiw parlascäta. Janitejj acawjar cuttayanirapcäm ucqhajj nayaw juchanïscäjj wiñayataqui.

Qullan Arunaka DC

⁹ Nayaw jupar uñjaskä; kunäxani ukasa nayampiw parlaskäta. Janitix aka chiqar kuttayanirapkäm ukaxa, nayaw wiñayatak juchanïskä.

Génesis 43:9 Jak'a apnaqawi uñst'ayäwi

Génesis 31:39

Janipuniw cuntejj pampanquir animalanacajj mank'antapcän uca uywanacamjja apancayätti, jan ucasti nayaw ucanacjja pagueriyätjja, arumas jan ucajj urus uywanacam lunthatapjjän ucjja nayat jumajj cobrasiriyätajja.

Génesis 42:37

Ucat Rubenajj awquipar saraquïna: —Benjaminjja nayar catuyita, nayaw cuttayanirapjjäma. Janitejj cuttayanirapïm ucqhasti, pani wawajja jiwarayäta —sasa.

Génesis 43:10

Janitejj acqham kheparapquiriscäyät ucqhajja, niyaw sarasinjja mayampi cuttanjjapjjeriscäyäta —sasa.

Génesis 9:5

Nayaraquiw cuenta mayëjja sapakat jakeru, uqhamarac animalanacarusa, jumanacan wilanacamatjja. Sapakat jakeruw cuenta mayëjja jake masipan wilapatjja.

2 Samuel 14:9

Warmisti saraquïnwa: —Nayan reyejja, uqhamaraqui nayan apnakerejja, maynin aca jucha apañapatejj waquischejja, nayampi, awquejjan familiapampiw apapjjä, ucampisa janiw juma jach'a reyina apañamajj waquisquiti —sasa.

1 Reyes 1:21

Janitejj uqham utt'aycäta ucajja, cunapachatï juma jach'a reyejj jiwjjäta ucqhajja, Salomón yokajjasa, nayasa jiwayañataqui juchañchatäpjjäwa —sasa.

Job 17:3

“Ucampisa jumajj Tata, nayatjja arjjatasitasmawa. ¿Qhitirac nayatsti jan jumäquipan arjjatitaspasti?

Salmos 119:122

Jumaquiy cusisit jacayita, khoru jakenacajj janiquiy t'akhesiyitpati.

Ezequiel 3:18

Inampisa nayajj mä khoru jake toke arsurista jiwañapataqui uqham khorütap laycu; jichhajj waliquiwa, jumatejj jan uca khoru jakeru parljjaycasmajja, uca khoru cancañapa apanucuñapataqui, uqhamat uca jakejj jacascañapataqui, jupajj juchap laycuw jiwani, ucampisa nayajj jumaruw uca jaken jiwatapatjja wayt'äma.

Ezequiel 3:20

Uqhamaraquiw utjaspa asqui jakejj uca asqui cancañapa apanucjjaspa, ucatsti jan walinaca lurañaru uscusjjaspa, nayasa juparojj liwisiyañaru uscuraquirista; ucampisa jumatejj jan uca jakerojj amuyt'aycäta ucapachajj jupajj jiwaniwa. Nayataquisti uca asqui luratapajj janiw cunäcanisa, juchap laycuw jiwascaraquini, ucampisa jiwatapatjja jumaruw wayt'araquïma.

Ezequiel 33:6

Ucampisa uñch'uquiritejj uñisiriru jutasquiri uñjascchi, ucatsti janiraqui trompeta phust'caniti marcanquiri jakenacan amuyasipjjañapataqui, ucat uñisirinacajj purinisina mayniru jiwayani ucapachajja, uca jiwirejj juchap laycuw jiwascani; ucampisa nayajj ucan jiwatapatjja uñch'uquiriruwa wayt'araquëjja.’

Ezequiel 33:8

Inampisa nayajj mä jucharar jake toke juchañchäwi aru arsurista jupan jiwañapataqui, ucatsti jumatejj jan jupampi parlcäta amuyt'asiñapataqui ucat uca jan wali jacäwipa apanukoñapataqui, ucatjja janitejj amuyt'ascani, uca jucharar jakejj juchap laycuw jiwascani, ucampisa nayajj jumaruw wayt'äma jupan jiwatapatjja.

Lucas 11:50

Ucampis Diosajj jichha jakenacarojj mayiniwa take profetanacajj jiwayatäpqui ucanaca churapjjañapa, aca orake kalltatpacha,

Hebreos 7:22

Ucatwa Jesusajj nayrïrit sipansa juc'amp suma arust'äwiru sayt'awayejja.