Génesis 43:23 - Qullan Arunaca

²³ Mayordomosti saraquïnwa: —Suyt'apjjaquim jan ajjsarapjjamti. Jumanacana, uqhamarac awquimana Diosapaw uca kollkjja costalanacamar uchpacha, nayasti cuntejj jumanacajj pagapcatäta uca kollkjja catoktwa —sasa. Mayordomosti Simeonarojj irpsuwayänwa, ucatsti cawqhanccäntejj jilanacapajj ucqharuw irparaquïna.

Aymar Bibliia 1986

²³ Mayordomosti saraquïnwa: —Suyt'apjjaquim jan ajjsarapjjamti. Jumanacana, uqhamarac awquimana Diosapaw uca kollkjja costalanacamar uchpacha, nayasti cuntejj jumanacajj pagapcatäta uca kollkjja catoktwa —sasa. Mayordomosti Simeonarojj irpsuwayänwa, ucatsti cawqhanccäntejj jilanacapajj ucqharuw irparaquïna.

Qullan Arunaka DC

²³ Uka jilïr jaqisti sarakïnwa: —Suyt'apxakim, jan llakisipxamti. Jumanakampina, awkimampin Diosapaw uka qullqxa costalanakamar uchpacha, nayasti kuntix jumanakax churapkatäta uka qullqxa katuqtwa —sasa. Jilïr jaqisti Simeonaruw irpsuwayäna, ukatsti kawkhankkäntix jilanakapax ukkharuw irpäna.

Génesis 43:23 Jak'a apnaqawi uñst'ayäwi

Génesis 42:24

Joseasti jupanacat sarjjasinjja, wal jachäna. Jupanacan ucar cuttanjjasinsti, jupanacan uñjcataw Simeonarojj wayokjje, ucatsti jupanacan uñjcatawa ñach'antayaraqui.

Génesis 42:28

Ucat jilanacapar saraqui: —¡Uñjapjjam, acajj kollkejjaraquisä! ¡Acajj costalajjancasquiwa! —sasa. Take jupanacasti wal sustjasipjjäna, ucatsti ajjsarañat qhathatipjjäna, jupanaccamasti sasipjjaraquïnwa: —¿Cuns uqham Diosajj luristu? —sasa.

Génesis 42:36

Jacobosti ucjjarojj sänwa: —Jumanacajj jan wawani uñjasiyapjjestajja. Joseajj janiw jiwasampïcjjeti, Simeonas uqhamaraqui. ¡Jichhasti Benjamín wawajjwa irpasjjapjjaraquïtajja! ¡Take acanacasti naya contracamaquiwa!

Génesis 43:14

Take ch'aman Diosasti uca jakerojj suma chuyma churpan jumanacar sumaqui uñjañapataqui, uqhamata mayni jilamaru, Benjaminarus libre antutaniñapataqui. Ucampisa, ¡nayan jan wawanïñajjatejj waquischi ucqhajj, uqhamäpanaya! —sasa.

Génesis 43:22

uqhamarus jichhajj mä juc'ampwa kollkjja apasinjjapjjta, trigo alt'asiñataquejja. Ucampisa janiw yatipcti ni qhitin uca kollke costalanacajjar uchatapsa —sasaw sapjjäna.

1 Crónicas 12:18

Ucatsti Amasai chachajj, quimsa tunca jakenacata jilïrïcäna, qhititï Diosan ajayupansa phokt'atäcäna ucajja aqham sasaw art'äna: “¡Sumancañäpan juma Davidampi, Isaí chachan yokapa! ¡Sumancañajja jumampïpan! ¡Sumancañäpan jumataquisa, uqhamarac yanapirinacamataquisa, Diosamaw jumar yanaptam uca laycu!” sasa. Davidasti jupanacarojj catokänwa, ucatsti tamapan jilïrinacapampi chicwa uchäna.

1 Crónicas 12:19

Uqhamaraquiw Manasés uca tributa yakhep jakenacajj Davidampïñataqui jutjjapjjatayna, cunapachatï jupajj filisteonac taypiru jaquiri sarjjäna Saúl reyimpi nuwasiñataqui ucqha. Chekpachansa Davidajj janiw filisteonacar yanapañ amtanicänti, jilïrinacapajja tantachasisinjja amtapjjänwa qhithanucjjaña, aqham sasa: “Jiwasanacaru jan walt'ayasaw Saúl jilïripan ucar jakcattjjaspan” sasa.

Esdras 4:17

Ucatsti Artajerjes reyejj aqham yatiyäwiracwa apayaraquïna: “Aruntanipjjsmawa Rehum sat comandanteru, Simsai sat secretarioru, uqhamarac Samarian jacapqui uca masinacaparu, uqhamarac Eufrates sat jawirat inti jalanta tokenquir ucat ucjjar provincianacaruraqui.

Lucas 10:5

Mä utar mantapcäta ucqhasti, nayrakat aruntapjjam: ‘Sumancañajj utjpan aca utana’ sasa.

Lucas 24:36

Jupanacasti parlasipcaquïnwa take acanacatjja, uqhamaruw Jesusajj acatjamat jupanac taypir sayt'asi ucat jupanacar arunti: —Samarañajj jumanacampïpan —sasa.

Juan 14:27

“Samarañwa jaytapjjsma. Nayan samarañajjwa churapjjsma, ucampis janiw nayajj samarañjj churcti cunjämtejj acapachajj churqui uqhama. Jan llaquisipjjamti ni ajjsarapjjaraquimsa.

Juan 20:19

Ucürojj semana kallta urünwa. Uca jayp'pachawa discipulonacajj tantacht'atäpjjäna, puncunacasti wali jist'antata judionacaru ajjsaratanacap laycu. Jesusasti mantasinwa jupanac taypiru sayt'asi, aruntaraquiwa: —Sumancañajj jumanacampïpan —sasa.

Juan 20:21

Jesusasti wasitampiw jupanacaru säna: —Sumancañajj jumanacampïpana. Cunjämtejj Awquejj nayaru qhitanquitu, uqhamaraquiw jumanacarojj qhitapjjsma —sasa.

Juan 20:26

Quimsakallko uru pasatatsti, discipulonacapasti wasitampiw mä utana tantachatäsipcäna, ucapachajj Tomasejj jupanacampïscänwa. Ucatsti puncunacajj jist'antatäsquïpansa, Jesusajj mantasinjja jupanac taypiruw sayt'asiraquïna, ucatsti aruntaraquïnwa: —Sumancañajj jumanacampïpan —sasa.

Jueces 19:20

Awquisti saraquïnwa: —Waliqui jutapjjtajja, nayaw churapjjäma cunanactejj munapcta ucanacjja. Nayasti janiw muncti jumanacana jichha aruma aca plazana iquipjjañamjja —sasa.

Jueces 6:23

Diosasti saraquïnwa: —Jan ajjsaramti, janiw jiwcätati. Nayana samarañajja catokam —sasa.

1 Samuel 25:6

uqhamaraqui aca arunaca sapjjañapataqui: “Munat jilata, nayajj muntwa sumana jicjjatasiñama, uqhamarac familiamasa, take qhitinacatejj jumampïqui ucanacasa.