Génesis 41:1 - Qullan Arunaca

¹ Pä maraw pasjjäna. Mä uruw faraonajj mä samca samcasïna, jupasti samcapanjja Nilo jawira thiyan sayt'atäscänwa,

Aymar Bibliia 1986

¹ Pä maraw pasjjäna. Mä uruw faraonajj mä samca samcasïna, jupasti samcapanjja Nilo jawira thiyan sayt'atäscänwa,

Qullan Arunaka DC

¹ Pä mara qhipatsti, mä urux, faraonax mä samka samkasïna, samkapansti jupax Nilo jawira thiyan sayt'atäskänwa,

Génesis 41:1 Jak'a apnaqawi uñst'ayäwi

Génesis 20:3

ucampisa uca arumajj Abimelec chachajj mä samca samcasïna, Diosasti uca samcanjja sänwa: “Jichhajj jiwätawa, cawquïri warmtejj irptayasincta uca warmejj casada warmïtap laycu” sasa.

Génesis 28:12

Ucansti mä samca samcasïna, uca samcansti mä escalera uñjäna aca oraketa alajjpachcama maqhatasquiri, uca escaleranjamsti Diosan angelanacapaw maqhatasipcäna, sarakasipcaraquïna.

Génesis 29:14

Labanasti saraquïnwa: “Chekpachapuniw jumajj nayan familiajjätajja” sasa. Jacobosti Labanan utapanjja mä phajjsiw kheparäna.

Génesis 31:21

Take cunapatejj utjqui ucanacwa apasjjäna. Janc'aquiraquiw Eufrates sat jawira pascatäna, ucatsti Galaad kollu tokenacaruw jutjjäna.

Génesis 40:23

Ucampisa coperojj janiw Joseatjja amtascjjataynati.

Génesis 40:5

Mä arumasti coperompi, panaderompejj mä samcanac samcasipjjatayna, sapa samcasti mä khanañchäwinïnwa.

Génesis 41:2

uca jawiratsti mistunipjjänwa pakallko suma liq'i vacanaca, ucanacasti uca chekan pasto mank'asipcaraquïna, junco sat alinac taypina.

Ester (hebreo) 6:1

Uca arumasti reyejj janiw icthapcänti, ucatjja marcan take jach'a luräwinacatejj librona kellkatäqui ucwa aptayani jupa nayrakatan leet'atäñapataqui.

Éxodo 1:22

Faraón reyejja take marcaparuw säna: “Take israelitanacan yokall wawanacapajj nasqui ucanacarojja jawirar jakontanipjjam, ucampis imilla wawanacasti jacascpan” sasa.

Éxodo 4:9

Ucampis aca pä unanchanac uñjcasasa janitejj iyawsapcätam, ni arunacamsa ist'apcaraquïtam ucajja, jawirat uma aptanisawa oraker wartäta uca umajja oraker purisajja wilaruw tucuni.

Isaías 19:5

Nilo jawiran umanacapajj wañt'jjaniwa, k'ala wañaraquiw tucuwayjjani;

Ezequiel 29:3

Jupanacarusti saraquim: “Aqham siw Tatitojja: ¡Nayasti juman uñisirimaw tucuracta! Faraón, Egiptonquir rey, mä jach'a lak'or uñtataw jawiramana wincusctajja, ucatsti saractawa: Nilo jawirajj nayanquiwa, nayaw lurasta, sasa.

Ezequiel 29:9

Mä wasarar tucutaw uñjasiraquïta, ucapachaw jakenacajj yatipjjani nayan Tatitu Diosätajja. Jumasti saractawa: ‘Nilo jawirajj nayanquiwa, nayaw uscusta,’ sasa.

Mateo 27:19

Jupajj uqham kont'atäscän tronopan ucapachajja, warmipaw aqham juparojj jamasat säna: —Jan cuns luramti uca jan juchan jakempejja, jichha arumaw jan wali samcasta uca jake laycu —sasa.

Deuteronomio 11:10

Cawquïri oraktï jumanacajj catuntapcäta ucajj janiw Egipto orakjamäquiti, cawqhattï jumanacajj mistunipcta. Qhä orakenjja jumanacajj yapuchapjjäyätawa, ucatsti cayumpiraquiw karpapjjäyäta, cunjämatï huertanacan lurasqui uqhama.