Génesis 4:8 - Qullan Arunaca

⁸ Mä uruw Cainajj Abel jilaparojj saraquïna: “Pampar sarascañäni” sasa. Cunapachatejj panpachani pampancasipcän ucqhajj, Cainajj Abel jilaparuw nuwjäna, jiwayañcama.

Aymar Bibliia 1986

⁸ Mä uruw Cainajj Abel jilaparojj saraquïna: “Pampar sarascañäni” sasa. Cunapachatejj panpachani pampancasipcän ucqhajj, Cainajj Abel jilaparuw nuwjäna, jiwayañcama.

Qullan Arunaka DC

⁸ Mä urusti, Cainax Abel jilaparuw säna: “Pampar saraskañäni” sasa. Kunapachatix panpachani pampankasipkän ukkhaxa, Cainax Abel jilaparuw jiwayañkam nuwjäna.

Génesis 4:8 Jak'a apnaqawi uñst'ayäwi

Génesis 4:25

Adanampi, Evampisti wastatwa wawanejjapjjäna, uca wawasti Set satänwa, ucatsti saraquïnwa: “Diosajj yakha wawa churjjetu, cawquïrirutejj Cainajj jiwaycänsa uca Abel lanti” sasa.

2 Samuel 14:6

Aca sirvirimansti pani wawanacapaw utjäna, jupanacasti pampanwa nuwasipjjatayna, janiraquiw qhiti jaljtayiris jupanacarojj utjcataynati, ucatwa maynïrejj jilaparojj jiwayatayna.

2 Samuel 3:27

Cunapachatejj Abnerajj Hebronar purinïna ucqhasti, Joab jakejj marcat mistuña puncut qhursa tokeruw irpäna, jupa sapampiqui parlañataqui, ucanwa puracat chhokhontasin jiwayäna, Asael jilaparu jiwayatapat phoksusisa.

2 Crónicas 21:4

Ucampis Joram chachajj awquipana tronopana suma utt'asisinjja, take jilanacaparuwa cuchillompcama jiwarayäna, uqhamarac Israelana yakhep jilïrinacarusa.

Nehemías 6:2

mä yatiyäwi apayanipjjetäna Sanbalat, uqhamarac Gesem sat chachampi nayampi jiquisiñataqui Ono sat vallena mä cawqha jisc'a marcansa. Ucampisa jupanacajja amtasipcänwa nayaru ñankha lurañataqui.

Job 11:15

Ucapachaw jan qhitinsa cuna sata sayt'asïta, janiw cuna ajjsarañamas utjcjjaraquiniti;

Salmos 139:19

Diosajjay, ñankha luririnacarojj tucusiyamaya, jake jiwayirinacarusti nayat jithektayam,

Salmos 36:3

K'añu arunac parliriwa, c'ariraquiwa, suma amuy chhakayasjje, asqui lurañ apanucjje;

Salmos 55:21

Arunacapajj liq'it sipan juc'amp koñawa, amuyunacapasti nuwasiñ amuyunacawa, arsutanacapajj aceitet sipan juc'amp koñawa, ucanacasti ari espadanacar uñtatawa.

Oseas 4:2

C'ari juramentompi, c'arisiñampiquiw utjasqui, jake jiwayañampi, lunthatasiñampi, wachoka jucha lurañampi, nuwasiñampi; jakenac puraw jiwarayasisipcaraqui.

Miqueas 7:6

Wawanacasti awquinacaparojj jisc'achapjjewa, imill wawanacasa taycap contraraquiw sayt'asipjje, yojjch'anacasti taycch'inacap contraraquiw sayt'asipjje, sapa maynin uñisirinacapasti pachpa familianacapaquiraquiwa.

Números 35:20

“Cawquïritejj mayniru uñisiñat nuct'ani, uqhamaraqui cunampisa jakt'araquini jan wali amuyumpi,

Mateo 23:35

Uca laycupï take suma jakenacan jiwayatäpqui ucanacajj jumanacjjancanejja, Abel sat asqui jaket kalltasina, Berequiasan Zacarías sat yokapcama, qhitirutejj jumanacajj Diosan templopan jiwayapctas uca.

Lucas 11:51

Abel chachan jiwatapat Zacariasan jiwatapcama. Zacariasarusti templompi altarampi jaljqui ucqhanwa jiwayapjjäna. Uqhamajj sapjjsmawa, Diosajj mayiniwa aca jakenacarojj ucanacan jiwatapatjja.

Lucas 22:48

Ucapachasti Jesusajj juparojj sänwa: —Judas, ¿mä jamp'att'ampiti Jaken Yokaparojj aljanttajja? —sasa.

Hebreos 11:4

Iyawsäwi laycuw Abel chachajj Caín jilapat sipansa suma sacrificio Diosarojj loktäna, ucatwa Diosajj catokäna jupan ofrendapjja. Abel satäcäns ucajj jiwatäcchisa, parlascaquiwa iyawsäwip utjatap laycojja.

Hebreos 12:24

Uqhamarac Jesusarusa, jupawa machak arust'äwin arjjatiripajja, jupan k'omanchir wilapaw juc'amp suma parljjayistu Abel chachan wilapat sipansa.

Judas 1:11

¡Ay cunancapcaquini! Cainan thaquip arquirinacajja Kollke jicjjatañ laycuw maysar saranucupjje, Balaamjama. Coré chachjamaw amuyasipjje, qhititejj juchapat jiwayatäcäna uqhama.