Génesis 37:8 - Qullan Arunaca

⁸ Jilanacapasti ucjjarojj sapjjaraquïnwa: —¿Jumajj nanacan reyejjäsmati, ucatti nanacarusti apnakapjjetäta? —sasa. Ucatsti juc'ampiw uñisipjjäna, samcasitapatjja, uqhamarac cunjämtï cuentcatayna ucatsa.

Aymar Bibliia 1986

⁸ Jilanacapasti ucjjarojj sapjjaraquïnwa: —¿Jumajj nanacan reyejjäsmati, ucatti nanacarusti apnakapjjetäta? —sasa. Ucatsti juc'ampiw uñisipjjäna, samcasitapatjja, uqhamarac cunjämtï cuentcatayna ucatsa.

Qullan Arunaka DC

⁸ Jilanakapasti ukxaruw sapxäna: —¿Nanakan reyixar tukusati munañamar nanakar apnaqapxitäta? —sasa. Josean ukham samkasitap jupanakar yatiyatapat juk'amp jupar uñisipxäna.

Génesis 37:8 Jak'a apnaqawi uñst'ayäwi

Génesis 27:41

Ucat ucsarusti Esaojja Jacoborojj uñisïnwa, awquipajj bendición churatapata, saraquïnwa: “Awquejjajj niya jiwjjani, uca khepatsti, Jacob jilajjarojj jiwayäwa” sasaw amtascäna.

Génesis 37:4

Jilanacapasti awquipan Josearu sinti munatapatsti uñisipjjänwa, janiraquiw Josearojj aruntapjjerïcänsa.

Génesis 37:9

Uca khepatsti Joseajj yakha samcampi samcasjjaraquiquïnwa, jilanacaparusti cuentt'araquïnwa: —Yakha samca samcasiraquictwa. Ucansti nayajj uñjtwa intimpi, phajjsimpi, tunca mayani warawaranacampisti nayaruw alt'asipjjetu —sasa.

Génesis 42:10

—¡Janiw, tata! Nanaca sirvirimajj trigo alt'asiriw jutapjjta. Nanacajj mä sapa awquiniquïpjjtwa. Suma chekapa jakenacäpjjtwa, janipuniw cunapachas uñakatjja sarnakapjjerïcti —sasaw jilanacapajj sapjjaraquïna.

Génesis 44:18

Ucatsti Judäjj Josear jac'achasisinjja sänwa: —Nayajj achict'assmaw, tata, jumampiw parlt'asiñ munta. Janiquiy nayataquejj colerasimti, jumajj pachpa faraonäcasmas uqhamätawa.

Génesis 49:26

Awquimasti juc'ampwa bendistamjja, awquinacajjajj bendicipquitän ucat sipansa. Wiñaya montenacan tucusiñapcama, aca bendicionanacajj Josean p'ekepjjancaniwa, jupasti jilanacap taypita ajllitänwa.

Génesis 50:18

Ucatsti pachpa jilanacapaw purinipjjäna, oraker puriñcamaw alt'asipjjäna, sapjjaraquïnwa: —Acancapjjtwa, juman esclavomäpjjaractwa —sasa.

Salmos 118:22

Utachirinacan jakonucut kalajja, esquina kalaruw tucjje.

Éxodo 2:14

Ucatsti uca hebreojj Moisesarojj sänwa: —¿Qhitisa jumarojj nanac taypiru jilïrita uchtam, jan ucajj cunatejj walïqui, janis walïqui ucanac uñjiritsa? ¿Nayarojj jiwayañti munista, cunjämatejj masüru mayni egipcior jiwaycta uqhama? —sasa. Moisesasti uca arunac ist'asinjja wali ajjsarthapïna, egipcio jakeru jiwayatapsa yatipjjatapa amuyasina.

Lucas 19:14

Ucampis uca marcapanquir jakenacajj juparojj uñisipjjänwa, ucatwa jupan khepapat mä qhitanaca qhitapjjäna sapjjañapataqui: ‘Janiw munapcti aca jakejj nanacan reyïñapa’ sasa.

Lucas 20:17

Jesusasti jupanacar uñcatasin saraquïnwa: —Uqhamasti ¿cun sañarac munisti cunatejj Kellkatanacan sisqui ucanacasti? Aqham siwa: ‘Cawquïr kaltejj utachirinacajj apanucupcän, uca kalajj suma munat kalaw tucuwayjje.’

Hechos 7:35

“Egiptonquir israelitanacajj Moisesarojj jan yäkapcchïnsa: ‘¿Qhitis jumarojj jilïritsa juesatsa nanacjjaru uchtam?’ sapcchïnsa, Diosajj juparuw qhiti, mä jilïrita uqhamarac khespiyirita. Ucatwa Diosajj angelap qhitanïna, mä nina akquir jisc'a kokan jupar uñstasa.

Deuteronomio 33:16

Suma achunacajj aca orake phokt'quis ucanacampi, take chuymapampi jacpan ch'aphinac taypin jacquis ucataqui. Take acanac José chachataquejj jutpan, cawquïritejj jilanacap taypit ajllitäqui ucataqui.

Hebreos 10:29

Uqhamajj ¿cunja jach'a mutuñsa catokañapäni qhitinacatejj Diosan Yokaparu, uqhamarac wilaparus jisc'achapjje, munasir Diosan Ajayuparus jisc'achapjje ucanacajja? Uca wilaw arust'äwi cheka tucuyejja, ucampiraquiw jupanacajj Diosatac yakhachatäpjje.

1 Samuel 10:27

Ucampisa utjaraquïnwa jan wali parliri jakenacajja, aqham sasaw sapjjaraquïna: “¿Acat khespiyistaspasti?” sasa. Ucat jisc'achapjjaraquïnwa, janiraquiw cunjämatejj mä reyir suma uñjañajj waquisqui uqhamar uñjapcänti; ucampisa Saúl waynajj jan uñjiriw tucuraquïna.

1 Samuel 17:28

Ucampisa Eliab sata Davidan jilïri jilapajj, uqham jakenacampi parlasquiri ist'asinjja wali colerasïna, ucat saraquïna: —¿Cunarus acar jutta? ¿Qhitirus uca mä kawkha ovejanaca wasaran jaytaniwayta? Nayajj jumarojj uñt'smawa jach'achasiñ munirïtama, uqhamarac jan wali amtatanacamsa, jumasti soldadonacar nuwasisquiri uñjiriquiw juttajja —sasa.

1 Samuel 18:8

Uca arunacajj Saúl reyirojj wali colerayäna, ucat arsu: “Davidajj tunca waranka jakenaca jiwarayi sapjjewa, nayasti waranka jakenaca jiwarayatajjaquiraqui. ¡Reyit utt'ayasjjapjjañapaquiw waquisjjejja!” sasaw Saúl reyejj saraquïna.