Génesis 3:1 - Qullan Arunaca

¹ Diosasti take animalanac lurcatayna ucanac taypinjja catarejj wali ch'iqhïnwa take animalanacat sipansa, ucatsti warmiruw jisct'äna aqham sasa: —¿Uqhamajj Diosajj sapjjtamti: ‘Janiw cawquïri kokan achunacapsa mank'apjjätati’ sasa?

Aymar Bibliia 1986

¹ Diosasti take animalanac lurcatayna ucanac taypinjja catarejj wali ch'iqhïnwa take animalanacat sipansa, ucatsti warmiruw jisct'äna aqham sasa: —¿Uqhamajj Diosajj sapjjtamti: “Janiw cawquïri kokan achunacapsa mank'apjjätati” sasa?

Qullan Arunaka DC

¹ Diosasti taqi laq'unak lurkatayna uka taypinxa, asirux taqi uka laq'unakat sipan wali sallqänwa, ukatsti warmirux akham sasaw jiskt'äna: —¿Ukhamasti Diosax sapxtamti: “Janiw kawkïri quqan achunakapsa manq'apxätati” sasa?

Génesis 3:1 Jak'a apnaqawi uñst'ayäwi

Eclesiastés 4:10

Maynitejj jupanacat liwischi ucajja, mayniwa wayti. ¡Ucampis llaquisiñawa qhititejj sapäcasina liwisqui ucajja, janiw qhiti waytiripas utjcaniti!

Isaías 27:1

Uca urunjja Tatitojj mutuyaniwa, ajjsarcaña, jach'a ch'amani espadapampi, Leviatanaru jaltiri catariru, Leviatanaru, k'ewinaktir catariru, jach'a kotanquir dragonarus jiwayaraquiniwa.

Mateo 10:16

“¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.

Mateo 4:3

Supayasti ucapachajj jac'achasiraquïnwa Jesusar yant'añataqui, aqham sasa: —Jumatejj Diosan yokapästa ucajja, aca kalanacarojj t'ant'ar tucuyam —sasa.

Mateo 4:6

Saraquïnwa: —Jumatejj Diosan yokapästa ucajja, aca patatpacha jakoktam, Diosan arupansti siwa: ‘Diosasti angelanacaparuw qhitanini jumaru uñjañataqui, amparapampisti catokaraquïtamwa, cayunacamajj jan uca kalanacampi usuchjasiñapataqui’ sasa.

Mateo 4:9

Ucatsti sänwa: —Take acanac nayajj churäma, jumatejj quillt'asisin nayar yupaychitäta ucajja —sasa.

2 Corintios 11:14

Acajj janiw cunäquisa; pachpa Supayapuniw uqham mä khana angeläcaspas uqham tucujja.

2 Corintios 11:3

Cunjämatejj catarejj Eva warmirojj wali c'arinacapampi sallkjänjja, uqhamaraquiw nayajj jumanacatjja llaquista: “Acanacajj amtäwinacapan sallkjayasipcanicha” sasa, uqhamäspa ucajj jumanacajj saraktasjjapjjasmawa, Cristor k'oma chuymampi sirviñatjja.

1 Pedro 3:7

Chachanacasti warminacamampejj suma chuymanïpjjaraquim. Jumanacasti jach'aru aptapjjam, cunjämarutejj waquisqui uqhamaru, janiw warmin pisi ch'amätap laycuquiti, jan ucasti Diosajj munasiñapanjja mayacwa jacañjj churapjjtam uca laycu. Uqham lurapjjam Diosat mayisitanacamajj ist'atäñapataqui.

Apocalipsis 12:15

Uca cataristi lacapatjja umwa mistuyäna mä jawirjama, uqhamat warmiru uca jawirampi apayañataqui.

Apocalipsis 12:9

Uqhamajj uca dragonajj jakonucutäjjänwa alajjpachatjja. Uca dragonapï nayrapacha uca jach'a catarïnjja, ucasti Supaya, Satanás sataraquiwa, juparaquiw aca oraken jakenacarojj wali sallkjañanac luri. Jupampi angelanacapampisti aca orakeru jaktanitäjjapjjänwa.

Apocalipsis 20:2

Aca angelasti dragonaruw catuntäna. Uca dragonasti nayrapacha catari pachpa Supayawa. Catuntasinsti waranka marataquiw ñach'antaraquïna.