Génesis 28:13 - Qullan Arunaca

¹³ Uqhamarus uñjaraquïnwa Tatitojj ucan jupa jac'ana sayt'atäsquiri, aqham sasa: “Nayätwa Tatitojja, Abraham achachilaman Diosapajja, uqhamaraqui Isaac awquiman Diosapa. Jumampiru, wawanacamampiruw cawqhantejj ict'atäcta uca orake churä.

Aymar Bibliia 1986

¹³ Uqhamarus uñjaraquïnwa Tatitojj ucan jupa jac'ana sayt'atäsquiri, aqham sasa: “Nayätwa Tatitojja, Abraham achachilaman Diosapajja, uqhamaraqui Isaac awquiman Diosapa. Jumampiru, wawanacamampiruw cawqhantejj ict'atäcta uca orake churä.

Qullan Arunaka DC

¹³ Ukhamarus Tatituruw jupa jak'an sayt'atäskir uñjäna, akham jupar sarakïna: “Nayätwa Tatit Diosaxa, Abraham achachilaman Diosapa, Isaac awkiman Diosapaxa. Jumampiru, wawanakamampiruw kawkhantix ikt'atäkta uka uraqi churapxäma.

Génesis 28:13 Jak'a apnaqawi uñst'ayäwi

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 13:15

nayaw take uñjctas uca orake jumar churäma, wiñayataquiw jumancani, uqhamarac wawanacamancaraquinisa.

Génesis 13:17

¡Sartasim, ucatsti ucsaru acsaru uñatatas sararaquim, nayaw jumar aca orake churäma!” sasa.

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Génesis 26:24

Uca arumasti Tatituw uñstäna, saraquïnwa: “Nayätwa Abraham awquiman Diosapajja. Jan ajjsaramti, nayaw jumampïscta. Abraham sirvirejja laycuw jumarojj bendicïma, wawanacamsa mirtayaraquïwa” sasa.

Génesis 26:3

jichhasti aca marcan jacascaquim. Nayaw jumampïscä, bendiciraquïmawa, uqhamarus jumaru, wawanacamampiruw take aca orakenac churä. Uqhamwa cuntejj Abraham awquimar arscayät uca arsutajjarojj phokhäjja.

Génesis 28:4

Cuntejj Abraham awquisaru arsuwaycän uca bendicionanacsa jumaru, uqhamarac wawanacamaru churpan, aca orakena, cawqhantejj jichhajj sarir jakjama jacasctan ucat dueñöpjjañapataqui, Dios quipcaraquiw uqham sasajj Abrahamarojj arsuwayi” sasa.

Génesis 31:13

Nayasti Betelan uñstcsmas uca Diosätwa, cawqhantejj jumajj mä kala nayar loktasa sayt'aycta, ucatsti mä arsüwi arsuraquista. ¡Sartam! Aca chekat sarjjam, cawqhantejj nascta uca oraker cuttjjaraquim’ ” sasa.

Génesis 31:42

Janitejj Diosajjajja, Abraham, uqhamarac Isaac awquejjajj yupaychcäna uca Diosajj nayampïcasapäna ucqhajj jumajj jan cunani uqhampachaqui qhitanucutasamänjja. Ucampisa Diosajj t'akhesitajj-jja, uqhamarac irnakatajjsa uñjiwa, ucatwa masayp'ojj uñsttamjja —sasa.

Génesis 31:5

saraquïnwa: —Nayajj amuyasjjtwa, awquimajj janiw nayrjama sum uñjcjjetuti; ucampisa awquejjan Diosapajja nayampïscapuniwa.

Génesis 31:53

Jichhajj Abraham achachilaman, uqhamarac Nacor achachilajjan Diosapay uñjpan —sasa. Jacobosti uqhamajj cawquïri Diosarutejj Isaac awquipajj yupaychcäna ucan sutipjjaruw juramento luräna.

Génesis 32:10

Janiw cuna asquïctsa juman nayar qhuyapayasiñamampi, uqhamarac cheka cancañamampi uñjatäñataquejja. Nayajj aca Jordán jawira pasayäta, thujru ayt'ata mayaqui, jichhasti pä tama yänacaniw jicjjatasta.

Génesis 32:9

Ucjjarusti Diosat mayisiraquïna: “Dios Tata, Abraham achachilajjan Diosapa, uqhamarac Isaac awquejjan Diosapa, jumaw orakejjar cuttayanistajja, uqhamarac familianacajjan ucarusa, uqhamarac jumaraquiw take cunansa yanapasquistajja.

Génesis 35:1

Diosasti Jacoborojj sänwa: “Sartasim, ucatsti Betel chekaru jacasir sarjjam. Ucanwa mä altar luräta, cawquïri Diosatejj, Esaú jilamat jaltcayäta, ucqhajj uñstctam uca Diosaru” sasa.

Génesis 35:12

Abrahamaru, Isaacaru churcta uca oraksti, jumaruw churaracsma, ucjjarusti wawanacamaruw churaraquï” sasa.

Génesis 35:15

Uca chekarusti Jacobojj Betel sasaw sutichäna.

Génesis 35:17

Wali ch'ama tucuñ horasansti, partera warmejj saraquïnwa: “Jan ajjsaramti, mä yokall wawampi wawachastajja” sasa.

Génesis 46:3

Diosasti juparojj saraquïnwa: —Nayajj Diosätwa, awquiman Diosapätwa. Egiptor sarañjja jan ajjsaramti, ucanwa nayajj wawanacamarojj mä jach'a marca tucuyä.

Génesis 48:3

Josearusti saraquïnwa: —Take ch'amani Diosaw nayarojj Luz sisqui uca marcan uñstitu, Canaán orakena, ucatsti aca arunacampiw bendiciraquitu:

1 Crónicas 16:16

Abrahamampi suma arust'äwir mantatapjja, juramento Isaacampi luratapsa,

1 Crónicas 16:18

cunapachatï aqham siscäna: ‘Nayajj Canaán orakwa churäma, jumar wact'ctam uca herenciata.’

Salmos 105:11

Jupajj sänwa: “Jumaruw Canaán orak churjjäma, jumar wact'ir churäwimjam catuyjjäma” sasa.

Éxodo 2:24

Ucampis Diosajja jupanacan mayisitanacapa ist'asinjja amtasïnwa Abrahamampi, Isaacampi, Jacobompi cuna amtäwinacarutejj mantcäna ucanacata.

Éxodo 3:6

Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Éxodo 4:5

—Uqhamatwa iyawsapjjani Abraham, Isaac, Jacob uca nayra awquinacaman Tatitu Diosapajj jumaru uñstatapatjja.

Éxodo 6:4

Uqhamarac jupanacampejja mä suma amtäwiruraquiw mantapjjaracta. Ucat arsuyätjja Canaán orake jupanacar churañataqui, cawqhantejj mä urunacajj jayanquir jakenacjama jacapcäna uca orake.

Éxodo 6:7

Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Ezequiel 28:25

Tatitusti aqham siwa: “Nayaw Israel marcaru tantachthapiraquï yakha marcanac taypinjja, cawquïri marcanacarutejj ananuccta uca taypitjja, ucatsti nayan k'oma cancañajj uñacht'ayaraquï take marcanac nayrakatanjja. Israel marcasti pachpa orakeparuw utjantasjjani, cawquïri oraktejj Jacob sirvirejjaru churcta ucana.

Amós 7:7

Acwa Tatitojj uñacht'ayaraquitu: Jupasti mä uyu perka jac'ancascänwa, mä albañil plomada apt'ata.

Mateo 22:32

‘Nayajj Abrahaman, Isaacan, Jacobompin Diosapätwa’ sasa. ¡Diosajj janiw jiwatanacan Diosapäquiti, jan ucasti jaquirinacan Diosapawa!

Hechos 7:5

Ucatsti janiraquiw cuna herencia uca orakenjj churcänti, ni mä jisc'a oraksa. Ucampisa Diosajj orak churañataquiw arsuwayäna: ‘Jumajj jiwjjät ucajja, aca orakejj wawanacamancaniwa’ sasa. Ucürunacanjja Abrahamajj janïraw wawanïcänti.

Deuteronomio 1:8

Nayaw take uca orakenac amparamarcam catuyapjjsma, jichhasti sarapjjamay uca orakenac catuntiri, cawquïrtï naya Diosajj juramentompi arsusina churta nayra awquinacamaru; Abrahamaru, Isaacaru, Jacoboru, uqhamarac wawanacaparusa’ sasa.

Deuteronomio 34:4

Ucatsti Tatitu Diosajj sänwa: “Aca orakenacwa nayajj arojjampi arsusina churä sayäta Abrahamaru, Isaacaru, Jacoboru, uqhamaraqui wawanacaparusa. Nayaw munta quipca nayranacamampi uñjañama, ucampis janiraquiw ucarojj mantcätati” sasa.

Deuteronomio 9:5

Janiw jumanacan asqui luratanacam laycuti uca orakenaca catuntapctajja, Diosasti uca marcanacarojj jumanac nayräjjatjja jakonucuwa jupanacan jucha luratanacap laycu, ucatsti nayra Abraham, Isaac, Jacob awquinacamar arsutap phokhañ laycu.

Hebreos 11:16

Ucampis jupanacajj mä suma orak munapjjäna, ucasti alajjpach marcawa. Ucatwa Diosajj jan p'enkasquiti, jupanacan Diosapa sayasiñjja, jupanacataquisti mä marcaw waquichata utji.