Génesis 27:35 - Qullan Arunaca

³⁵ Isaacasti juparojj saraquïnwa: —Jilamaw jutasin nayar engañitu, ucatsti cunatejj jumataquïcän uca bendición jupataqui apasjjaraqui —sasa.

Aymar Bibliia 1986

³⁵ Isaacasti juparojj saraquïnwa: —Jilamaw jutasin nayar engañitu, ucatsti cunatejj jumataquïcän uca bendición jupataqui apasjjaraqui —sasa.

Qullan Arunaka DC

³⁵ Ukampis Isaacax ukxaruw sarakïna: —Jilamaw jutasin nayar sallqjitu, ukatsti jupaw kunatix jumatakïkän uka aski waxt'äwinak katuqxi —sasa.

Génesis 27:35 Jak'a apnaqawi uñst'ayäwi

Génesis 27:33

Isaac awquipasti wali sustjataw saraqui qhathatt'asis cuna: —¿Uqhamasti qhitirac mä animal jiwayir saristi, ucat nayatac mä suma mank'a phayt'araquisti? Nayasti janïra juma purinquipanwa take mank'antjjta, uqhamarus bendición churjjaractwa, jupasti jichhajj bendicitäjjewa —sasa.

Génesis 29:25

Khepärmanthisti Jacobojj, ucqhaquiw amuyasi Leampi iquitapa, ucat Labanan ucar sari, aqham sasa: —¿Cuns lurista? ¿Janit nayajj Raquel laycu irnaktjja? ¿Cunatsa sallkjjesta? —sasa.

2 Reyes 10:19

Ucatsti jichhajj jawsanipjjam Baal diosan take profetanacaparu, yupaychirinacaru, uqhamarac sacerdotenacaparusa, jan qhitis janiw sispati nayajj mä jach'a sacrificio waquichta Baal diosar loktañataqui. Qhititejj jan jutcani ucasti juchañchatäniwa.” Ucampis Jehú reyejj waquichänwa aca c'ari arunaca, Baal diosar yupaychiri jakenacar jiwarayañataqui;

Job 13:7

¿Jumanacasti amuyapjjtati Diosar c'arisitanacamampi arjjataña? ¿Jan ucajj amuyapjjaractacha c'arisitanacamampejj mä cuna ascsa Diosar lurapcasma uqhama?

Jeremías 9:4

Wali suma amigos janiw alcatasiñjamäquiti; pachpa jilas janiraquiw confiasiñjamäquiti, jilanacasti jupanacpachaw lunthatjasipjje, amigonacas jupanaccamaw maynit mayniru c'arintasipjje.

Malaquías 2:10

¿Janiti jiwasasti mä sapa awquiniquïctansti? ¿Janiti mä sapa Diosan uscutäctansti? ¿Cunataraqui jiwasasti maynit maynicama sallkjasisa sarnakasctansti, uqhamaraqui cawquïri suma arust'äwirutï Diosampi awquinacasampejj mantawäpqui uca arunac p'aquintasajja?

2 Corintios 4:7

Diosan aca jach'a churäwipasti janchinacasanjja mä ñek'e phuqhun imatjamawa, uqhamata jach'a ch'amajj Diosat jutatapa yatisiñapataqui, jan jiwasatjja.

1 Tesalonicenses 4:6

Aca luräwinjja jan qhitis jilapar sallkjpati, Tatitojj walwa mutuyi aca luräwinacatjja, cunjämtejj ewjjt'apjjsma uqhama.