Génesis 26:18 - Qullan Arunaca

¹⁸ Ucatsti wasitatwa cawquïri phuch'unactejj Abraham awquipajj jaccasin allisïna uca phuch'unacjja allsuraquïna. Uca phuch'unacsti filisteo jakenacaw allthapipjjataynajja, Abrahaman jiwjjatapatjja, jichhasti Isaacajj cuna sutinactejj Abraham awquipajj uchcäna uca pachpa sutinacwa ucharaquïna.

Aymar Bibliia 1986

¹⁸ Ucatsti wasitatwa cawquïri phuch'unactejj Abraham awquipajj jaccasin allisïna uca phuch'unacjja allsuraquïna. Uca phuch'unacsti filisteo jakenacaw allthapipjjataynajja, Abrahaman jiwjjatapatjja, jichhasti Isaacajj cuna sutinactejj Abraham awquipajj uchcäna uca pachpa sutinacwa ucharaquïna.

Qullan Arunaka DC

¹⁸ Abrahamax jakaskasaw uka chiqan uma phuch'unak allsuyatayna, ukampis jiwxatap qhipatxa, filisteonakaw allthapipxatayna. Isaacasti wasitat uka phuch'unak allsurakïna, ukatsti kuna sutinaktix Abraham awkipax uchkatayna uka pachpa sutinak ucharakïna.

Génesis 26:18 Jak'a apnaqawi uñst'ayäwi

Génesis 21:25

Ucatsti Abrahamajj Abimelec chacharojj mä uma phuch'jjatwa arsusiraquïna, uca uma phuch'sti Abimelec chachan sirvirinacapaw Abrahamatjja aparapjjatayna.

Génesis 21:30

Abrahamasti saraquïnwa: —Aca pakallko ovejanac churcsma ucanacajj mä khanañchäwïniwa nayan aca uma phuch'u lurasiscatajja, —sasa.

Génesis 21:31

Ucatwa uca chekajj Beerseba sas sutichatajja, uca chekan panpachani juramento lurapjjatap laycu.

Génesis 26:17

Isaacasti sarjjänwa, ucatsti Gerar sat valleruw carpapa sayt'ayasïnjja, ucanwa jacjjaraquïnjja.

Génesis 26:19

Mä urusti uca vallenjja Isaacan sirvirinacapajj phuch'unacwa allisipcäna, ucatsti mä walja jalsusquir uma jicjjatapjjäna.

2 Crónicas 26:10

Ucjjarusti wasaranjja torrenacwa lurayäna, walja uywanacapa jupan utjatap laycusti walja uma phujunacwa jist'arayäna, pamparusa, uqhamarac kollurusa. Jupansti irnakeri jakenacapawa utjäna pampansa, uva yapunacansa. Ucanacasti jupanjja utjänwa kolluna, uqhamarac frutanac achuri alinacasa, jupajj yapu lurañaru munirïtap laycu.

Salmos 16:4

Jupanacajj cunayman diosanac uñstayapjje, ucanacarusti alt'at chuymampiw loktapjje. Ucampis nayajj janipuniw wilañcha loktäwinacapamp chicachascäti, janiraquiw sutinacaps aytascäti.

Oseas 2:17

Lacapatsti apakaraquïwa Baal diosanacan sutipjja, janiraquiw mayampsa ucanacan sutipjja arscjjaniti.

Zacarías 13:2

Take aca marcanjja nayajj yakha diosanacan sutinacapjja t'unjaraquïwa jan mayampi amtasiñataqui. Uca pachparaquiw apakäjja profetanacsa, take ñankha ajayunacsa. Naya Tatituw ucjja arsta.

Números 32:38

Nebo, Baal-meón, Sibma, yakha marcanacan sutinacapsa trocapjjänwa, ucatsti quipca sutinacapampiw uchapjjäna wasitat lurat marcanacarojja.