Génesis 24:10 - Qullan Arunaca

¹⁰ Ucatsti cawquïrinacatejj Abrahamanjja suma yänacapajj utjcän ucanac taypitjja suma regalonacwa ajlliwayi, tunca camellompi cunaw Nacoran marcaparojj sari, ucasti Mesopotamia tokencänwa.

Aymar Bibliia 1986

¹⁰ Ucatsti cawquïrinacatejj Abrahamanjja suma yänacapajj utjcän ucanac taypitjja suma regalonacwa ajlliwayi, tunca camellompi cunaw Nacoran marcaparojj sari, ucasti Mesopotamia tokencänwa.

Qullan Arunaka DC

¹⁰ Ukatsti uywiripan utjkäna uka suma yänakat ajlliwayäna, ukatsti tunka camellompi irpxaruwayasin Mesopotamia tuqinkir Nahor markaruw saräna.

Génesis 24:10 Jak'a apnaqawi uñst'ayäwi

Génesis 11:26

Taresti pakallk tunca maranïnwa cunapachatejj Abram, Nacor, uqhamarac Harán wawanacapajj nascän ucapachajja.

Génesis 11:29

Abramasti Sarai sat warmimpiw casarasiraquïna, Nacorasti Milcampiw casarasiraquïna, ucasti Haranan phuchapänwa, Iscana cullacapa.

Génesis 11:31

Taré chachasti Ur de los Caldeos sat oraketjja, Canaán orakeruw sarjjäna, jupampi chicsti Abram wawaparuw irpasjjaraquïnjja, Lot allchhipampi, Sarai yojjch'apampi cuna. Ucatsti jupanacajj Harán sat marcar purisinjja, ucan jacañataquiw kheparjjapjjäna.

Génesis 11:32

Harán chekanwa Taré chachajj jiwjjäna cunapachatejj pä pataca pheskani maranïcän ucapacha.

Génesis 22:20

Take acanac pasatatsti Abrahamajj yatiraquïnwa Nacor jilapan Milca warmipajj wawanacanïtaparaqui.

Génesis 24:2

Mä urusti cawquïri sirviripatejj chuymanëjjaraquïna, uqhamarac cawquïritejj take cunanaca uñjirïcan ucaruw jawsi, saraquïnwa: —Amparam ucham lanqhu chara mankhäjjaru,

Génesis 24:22

Cunapachatejj camellonacajj umañ tucuyjjapjjän ucqhasti, sirvirejj mä kori anillo tawakorojj churäna, uca anillon pesopasti sojjta gramönwa, ucatsti nasaparuw ucharaquïna, uqhamarus pä brazaletenac churaraquïna, ucanacasti korit luratänwa, pesopasti pataca gramoniraquïnwa,

Génesis 24:53

Ucatsti walja yänaca, korit lurata, kollket lurata yänaca, uqhamarac isinac apsusisinwa Rebecar churäna. Jilaparus, taycaparus regalonacjja churaraquïnwa.

Génesis 27:43

Ucatpï, wawa, sum ist'ita. Jichpach Labán jilajjan utapar sarjjam, jupasti Harán tokenwa jacaraqui.

Génesis 29:1

Jacobojj thaquinjam sarascaquïnwa, ucatsti inti jalsu token utjir jakenacan orakeparuw sarjjäna.

Génesis 29:2

Uca pampansti mä uma phuch'u uñji, uca jac'ansti quimsa tama ovejanacaw samarascaraquïna. Uca ovejanacasti uca phuch'utwa umasipjjerïna, uca phuch'usti mä jach'a kalampi atjjatataraquïnwa.

1 Crónicas 19:6

Amonita jakenacasti yatipjjänwa Davidampi uñisiyasipjjatapa, ucatsti Hanún chachajj, amonita jakenacampejja apayapjjänwa quimsa tunca quimsani tonelada kollkenaca pagasina, apanipjjañapataqui nuwasiña carronaca, uqhamarac caballería soldadonaca Mesopotamia, Siria, Maaca, uqhamarac Soba uca orakenacata.

Hechos 2:9

Aca marcanacatjjay acancapjjstanjja: Partia, Media, Elam, Mesopotamia, Judea, Capadocia, Ponto, Asia,

Deuteronomio 23:4

Cunapachatejj jumanacajj jupanacan orakepanjama pasanipcäyäta ucapachajj Egipto marcat mistunisinjja, janiw cuna mank'añsa, umañsa wajjt'apcäyätamti; ucat sipansa jupanacajj Balaam sat Beor chachan yokaparuw pagapjjäna, cawquïritejj jutascäna Petor sat Mesopotamia oraketa, jumanacar ñankha arunacampi ñankhachañataqui.