Génesis 23:9 - Qullan Arunaca

⁹ nayaru Macpela chekancqui uca putup alj-jjañapataqui, cawquïritï orakep thiyancqui uca. Nayasti uca putun alapjja pagascäwa, uqhamat nayajj aca chekan sepulturanïñajjataqui —sasa.

Aymar Bibliia 1986

⁹ nayaru Macpela chekancqui uca putup alj-jjañapataqui, cawquïritï orakep thiyancqui uca. Nayasti uca putun alapjja pagascäwa, uqhamat nayajj aca chekan sepulturanïñajjataqui —sasa.

Qullan Arunaka DC

⁹ Macpelá chiqankki uka putup nayar aljañapataki, uraqinakap thiyankki uka. Nayasti uka putun alapxa churaskäwa, ukhamat aka chiqan amay imäwix nayan utjani —sasa.

Génesis 23:9 Jak'a apnaqawi uñst'ayäwi

Génesis 23:10

Efronasti uca hitita jakenac taypincascaraquïnwa uca horasajja, ucatsti Abrahamarojj take jakenacana, uqhamarac marca mantaña cheka pasasipcäna ucanacan ist'cañaraquiw aqham saraquïna:

Génesis 23:4

—Nayajj jumanac taypinjja yakha marcat jutir jakëcta ucasa, mä sepulturay aljt'apjjeta, warmejja imt'asiñataqui —sasa.

Génesis 23:8

ucatsti aqham saraquïnwa: —Chekpachapunitejj jumanacajj nayan warmejjaru aca chekar imt'asiñajj munapjjsta ucqhajj, Zohar chachan Efrón yokaparuy sarapipjjeta,

Génesis 25:10

Aca oraksti Abrahamaw hitita jakenacat alatayna. Ucqhanwa Abrahamajj imt'atäjjäna, Sara warmipampi chica.

Génesis 49:29

Mä urusti Jacobojj aca arunacwa wawanacaparu churäna: “Jiwañajjajj sinti jac'ancjjewa, nayarusti nayra awquinacajjampi chica imt'jjapjjeta, cawquïri cuevatejj Efrón, hitita jaken orakepancqui ucaru,

Génesis 50:13

Canaán orakeruw apjjapjjaraquïna, Macpela sisqui uca puturuw imantjjapjjaraquïna, ucasti Abrahaman alatänwa Efrón sata hitita jaketa, familiapan sepulturapäñapataqui. Aca orakesa, uqhamaraqui uca putusa, Mamretjja inti jalsu tokenquiwa.

1 Crónicas 21:22

ucatsti Davidajj Ornán chacharojj sänwa: —Trigo jawk'aña orakem aljita, ucawjaru mä altar Tatitutaqui sayt'ayañajjataqui. Uqhamata jach'a usojja marcat saracjjañapataqui —sasa.

1 Crónicas 21:24

Ucampis David reyejj sänwa: —Janipuniw uqhamäcaspati. Jan ucasti nayajj cunatejj alapäqui ucampiw alañajjajja, nayasti janiw jumat aparcämati cunatejj jumäncqui uc Tatitur churañataquejja, nact'ayat ofrendanaca loktasina cunatejj jan nayancqui ucjja —sasa.

Romanos 12:17

Janiraqui ñankhat ñankha cutt'ayapjjamti; cunatejj asquïqui ucrac take jakenacan nayrakatapanjj lurapjjam.

Romanos 13:8

Janipun qhitirus manüpjjamti, jan ucasti jumanac pura munasiñanac manüpjjam. Jake masipar munirejja cuntejj leyejj sisqui ucwa phokhe.