Génesis 23:2 - Qullan Arunaca

² Quiriat-arba sisqui uca chekanwa jiwawayjjaraquïna, Hebrón marcana, Canaán orakena. Abrahamasti warmipan jiwatapatjja wal jacharaquïna, lutt'asiraquïnwa.

Aymar Bibliia 1986

² Quiriat-arba sisqui uca chekanwa jiwawayjjaraquïna, Hebrón marcana, Canaán orakena. Abrahamasti warmipan jiwatapatjja wal jacharaquïna, lutt'asiraquïnwa.

Qullan Arunaka DC

² jupasti Quiriat-arbá sat chiqan jiwxäna, Hebrón markana, Canaán uraqina. Abrahamasti warmipan jiwatap amtasax wal jachäna.

Génesis 23:2 Jak'a apnaqawi uñst'ayäwi

Génesis 13:18

Uqhamwa Abramajj carpapa apthapisiwayjjäna, ucatsti Mamre sat sutini mä jaken encinas kokanacani ch'umiparu jaquiriw sarjjäna, Hebrón marca jac'aru. Ucanwa Tatitun sutiparu mä altar sayt'ayaraquïna.

Génesis 23:1

Sara warmisti pataca pä tunca pakallkoni maraw jacawayäna.

Génesis 23:19

Uca pasatatsti Abrahamajj Sara warmiparojj Macpela oraken cuna pututejj utjcän ucaruw imjjäna, Mamret inti jalsu tokeru, cawqhatejj Hebrón satäcaraqui uca chekaru, ucasti Canaán orakenquiwa.

Génesis 24:67

Ucatsti Isaacajj Rebecarojj, Sara taycapan carpaparuw irpasjjäna, ucatsti jupampiw casarasiraquïna. Isaacasti walpun Rebecarojj munasïna, uqhamataracwa taycapan jiwatapatjja chuymachasïna.

Génesis 27:41

Ucat ucsarusti Esaojja Jacoborojj uñisïnwa, awquipajj bendición churatapata, saraquïnwa: “Awquejjajj niya jiwjjani, uca khepatsti, Jacob jilajjarojj jiwayäwa” sasaw amtascäna.

Génesis 35:27

Jacobosti Isaac awquipar uñjiriw Mamre sisqui uca chekar saräna, cawquïri marcatï Arba, jan ucajj Hebrón satäcaraqui ucaru. Ucanwa Abrahamasa, Isaacas jacapjjänjja.

Génesis 37:14

—Uqhamajj saram, ucatsti uñjt'anim cunjämäsquis jilanacamajja, uqhamarac ovejanacasa ucanaca, ucatsti janc'aqui nayar yatiyiri cuttanim —sasaw awquipajj saraquïna. Israelasti Josearojj Hebrón valletwa qhitatayna, Joseasti Siquem chekaru purisinsti,

Génesis 50:1

Joseasti awquipan jiwat amayaparuw khomantasi, ucat jacharaqui, jamp'att'araquïnwa.

Génesis 50:10

Cunapachatejj Goren-ha-atad sisqui uca chekar puripjjän ucqhasti, ucajj Jordán jawirat inti jalsu tokenquiwa, ucqhanwa mä suma jach'a tantachasïwi lurapjjaraquïnjja. Ucanwa Joseajj awquipatjja pakallko uru lutt'asiraquïnjja.

2 Samuel 1:12

Saúl reyimpina, Jonatán yokapampina jiwatapatsti wali jachapjjäna, wararipjjaraquïna, uqhamaraqui israelitanacajj atipjata uñjasipjjatapatsa. Dios Tatitun ejercitopajj atipjatätapata jayp'ucamaw ayunapjjaraquïna.

2 Samuel 1:17

Davidasti aca k'ochwa jacht'asisa k'ochüna, Saúl reyita, uqhamarac Jonatán yokapampina jiwatapatjja,

2 Samuel 2:11

Uqhamasti Davidajj Judá triburojj apnakaraquïnwa pakallko mara, sojjta phajjsini, jupasti Hebrón jach'a marcatwa apnakaraquïna.

2 Samuel 5:3

Uqhamaw Israelanquir take jilïri jakenacajj Hebrón chekan David reyimpi parliri sarapjjäna, jupasti mä arust'äwi luraraquïna jupanacampejja, Tatituru testigot uscusa. Uqhamasti jupanacajj uca urojj Davidarojj reyit utt'ayjjapjjäna, take Israel marcjjaru.

2 Samuel 5:5

Hebrón marcansti pakallko chicatani maraw Judá orakerojj reyit apnakäna, ucjjarusti Jerusalenan take Israel marcaru uqhamaraqui Judá marcarojj quimsa tunca quimsani mararaquiw apnakäna.

1 Crónicas 6:57

Aarón chachan wawanacaparusti churapjjänwa Hebrón sat imantasiña marca, ucjjarusti Libna, Jatir, Estemoa uca jisc'a marcanaca,

2 Crónicas 35:25

Jeremiasasti jupar jach'achañataquejja mä k'ochu arunacwa imäwipataqui waquicht'äna. Jichhürcamawa k'ochurinacajja chachatsa warmitsa Josiasatjja amtasipcaqui imäwitaqui k'ochunacapana. Aca k'ochunacsti Israel marcanjja k'ochusipcaquiwa, ucatsti ucanacajja kellkatawa k'ochunacajja waquichatäqui ucana.

Nehemías 11:25

Yakhepanacajj Judá marcatjja jacapjjänwa Quiriat-arba, Dibón, Jecabseel ucanacana,

Jeremías 22:10

Jan jachapjjamti Josías reyitjja, jiwatapatsa janiraqui jachapjjamti; jan ucasti Salum yokapata jachapjjam, jupasti jan cuttaniñataquiw sarjje; janiraquiw mayampsa nacïwipa orakjja uñjcjjaniti. Tatitusti Judá oraken rey Josiasan Salum yokapatjja saraquiwa, cawquïritï awquipa khepatjja reyïcaraquïna ucarojja, uqhamaraqui cawquïritï aca chekatjja mistqui ucarojja: “Janiw jupajj cuttancjjaniti,

Jeremías 22:18

Tatitusti Judá orakenquiri Josías reyin Joacim yokapjjatjja aqham siwa: “Janiw qhitis jupan jiwatapatjja jachcaniti. Janiw qhiti jachiris utjcaniti ni qhitis siscaraquiniti; ‘¡Ay, jilata, ay, jilata! ¡Ay, Tata, ay, jach'a rey!’ sasajja.

Números 13:22

Néguev sat chekanjam mantasinjja Hebrón sat chekacamaw puripjjäna. Ucanwa jacapjjäna Ahimán, Sesai, Talmai, Anac chachanacan wawanacapajja. Hebronasti luratänwa pakallko mara nayräjja Egiptonquir Zoán marcat sipansa.

Números 20:29

Israelitanacasti Aaronan jiwatap yatisajj quimsa tunca urunacaw jupatjja jachapjjäna.

Juan 11:31

Mariaru jalsuwayiri uñjasinjja, chuymachapcäna uca judionacajj Mariaruw arcapjjäna: “Imäwiruch jachir sarpacha” sasa.

Juan 11:35

Jesusasti jachänwa.

Hechos 8:2

Estebanarusti Dios chuyma jakenacaw imjjapjjäna. Jupatsti wal jachapjjaraquïna.

Deuteronomio 34:8

Israelitanacajj quimsa tunca uruw Moisesat jachapjjäna, Moab wasarana, uqhamat uca jachaña, lutosiñ urunacaw jiwatapatjja phokhasïna.

Josué 10:39

Israelit jakenacajj cunjamtï Hebrón marcaru, uqhamaraqui Libna marcarus lurapcäna, uca quipcaraquic Debir marcan jakenacaparojj jiwarayapjjäna jan mayniru, reyiparus uqhamarac marca masinacaparusa.

Josué 15:13

Josué chachasti Jefone jaken Caleb yokaparojj Judá tribun orakenacapatjja churaraquïnwa cunjämtï Diosajj Josué chacharojj siscatayna uqhama, ucatsti churänwa Quiriat-arba Hebrón sutini marca, cawquïritï anaquitas jach'a jakenacan wali aytat marcapäcän uca.

Josué 15:54

Humta, Quiriat-arba, (cawquïritï Hebrón satäcaraqui) Sior marca cuna, juntorusti llätunca marcanacänwa jisc'a marcanacampi cuna.

Josué 20:7

Ucatsti israelit jakenacajj acnïri marcanacwa ajllipjjäna imantasiñataquejja, Cedes sat marca Galilea orakena, cawquïritï Neftalí tribun kollunacapanccäna uca, Siquem sat marca Efraín tribun collunacapana, uqhamaraqui Quiriat-arba sat marca, cawquïritï Hebrón sutinïcaraquïna, Judá tribun kollunacapana.

Josué 21:11

Judá oraken kollunacapanjja Quiriat-arba sutini marca churapjjäna, cawquïritï Hebrón sutinïcaraquïna, uqhamaraqui anaquita sat jach'a jakenacan wali aytat marcaparaquïnwa, paston orakenacampi cuna.

Jueces 1:10

Ucat sarapjjaraquïnwa Hebrón marcan jaquir cananeonacar catuntañataqui. Nayrasti aca marcajja Quiriat-arba satänwa. Ucjjarusti atipjasinjja catuntasipjjaraquïnwa Sesai, Ahimán Talmai sat marcanacaru.

1 Samuel 20:31

Jupan aca oraken jacañapcamasti, jumasa uqhamarac reinomasa janiw jumataquïcaniti. ¡Uqhamajj jichhajj saram, ucatsti thaktayanim, acaru irptayaniraquim, jiwañapajj waquisipuniwa! —sasa.

1 Samuel 25:1

Samuelosti jiwjjänwa. Take israelita jakenacaw tantacht'asisina jachapjjäna jiwatapata. Ucatsti Ramá cheka utaparuw imjjapjjaraquïna. Uca khepatsti Davidajj Parán sata wasararuw sarjjaraquïna.

1 Samuel 28:3

Ucapachasti Samuelojj jiwjjataynawa, israelitanacasti takeniraquiw jupan jiwatapatjja jachapjjatayna. Ucatsti Ramá sisqui uca chekaruw imjjapjjaraquitayna, cawqhantejj nascatayna uca marcaru. Saúl reyisti, Israel oraketjja take yatirinacaru, uqhamarac jiwatanacaru mayisiri ch'amacani jakenacarusa, ananucuraquitaynawa.