Génesis 18:7 - Qullan Arunaca

⁷ Ucatsti Abrahamajj cawqhanccäntejj uywanacapajj ucaruw janc'aqui jalaraquïna, ucatsti cawquïritejj suma liq'ïcäna uca vaca kallwa irptanïna, ucatsti maynïri sirviriparuw churäna, uca sirviristi janc'aquiraquiw mank'añataqui waquicht'anïna.

Aymar Bibliia 1986

⁷ Ucatsti Abrahamajj cawqhanccäntejj uywanacapajj ucaruw janc'aqui jalaraquïna, ucatsti cawquïritejj suma liq'ïcäna uca vaca kallwa irptanïna, ucatsti maynïri sirviriparuw churäna, uca sirviristi janc'aquiraquiw mank'añataqui waquicht'anïna.

Qullan Arunaka DC

⁷ Ukatsti Abrahamax kawkhankkäntix uywanakapax ukaruw jank'ak jalarakïna, ukatsti lik'i vaca qallükis uk irptanïna, ukat maynïr uywataparuw churäna, jupasti jank'akiw manq'añatak wakicht'anïna.

Génesis 18:7 Jak'a apnaqawi uñst'ayäwi

Génesis 18:6

Abrahamasti carpaparuw mantawayäna, ucatsti Sara warmiparojj saraquïnwa: —Janc'aqui, mä pä tunca kilo jac'u aptasin t'ant'anac luram —sasa.

Génesis 18:8

Uca vaca kallut sipansa, Abrahamajj cuajat lechempi, jan cuajat lechempi churaraquïna, wali suma sirvt'araquïna jupanacan koka c'uchun mank'añapcamajja.

Génesis 19:3

Ucampisa Lot chachajj sascaquïnwa utapan korpachasipjjañapataqui, ucatsti jupanacajj jupampi chicaraquiw utapar sarjjapjjäna. Cunapachatejj puripjjän ucapachasti, Lot chachajj mä suma mank'a waquicht'ayaraquïna, jan levaduran t'ant'anaca, visitanacasti mank'apjjaraquïnwa.

Amós 6:4

Marfilat c'achachat suma iquiñanacan wincurapjje, suma konuñanacapjjaruw jipirapjjaraqui, ucatsti jach'a mank'äwinacapataquisti ovej kallunacampi, liq'ïri vaca kallunacampi qharsuyasipjjaraqui.

Malaquías 1:14

Ñankhachatäpan cawquïr jaketï suma k'omar uywa nayar sacrificion loktañatac arscasina mä usut uywaqui loktjjetu ucajja. Nayaw jach'a reyinsa Reyipäta, uqhamaraqui take marcanacan ajjsaratasa.” Uqham siw take ch'aman Diosajja.

Mateo 22:4

Yakha uywatanacaracwa wastata qhitaraqui jawsaniñapataqui: ‘Sapjjamaya, niyaw mank'ajj wali suma waquichata, suma vacanacasa, liq'i uywanacasa qhariratawa. Take cunaw waquichatäjje, casarasïwirusti jutapjjpan’ sasa.

Lucas 15:23

Suma liq'i vaca kall irptanisin qharsupjjam. ¡Mank'apjjañäni, uqhamarac fiesta luraraquiñäni!

Lucas 15:27

Uca uywatasti sänwa: ‘Jilamaw purinjje; ucatsti awquimajj mä liq'i vaca kall qharsuyaraqui, sumaqui c'umaraquirac purinitapata’ sasa.

Lucas 15:30

Jichhasti aca yokamajj puriniwa jan wali sarnaker warminacamp kollkemjj jan walir tucjasa, ucatsti jumajj mä liq'i vaca kall jupataquejj jiwayaraptajja’ sasa.

1 Samuel 28:24

Ucañcamasti, warmejj mä liq'i vaca kallu qharsuraquïna, cunatejj utapan utjcän uca, ucat jac'u chapuntaraqui jan levaduran t'ant'anaca phayañataqui.