Génesis 17:7 - Qullan Arunaca

⁷ Cuna arust'äwtejj jumampi, uqhamarac acat kheparusa wawanacamampi lurcta ucajj acawa: Nayajj juman Diosamapunïyäwa, uqhamaraqui wawanacaman Diosapäyäwa, wiñayataqui.

Aymar Bibliia 1986

⁷ Cuna arust'äwtejj jumampi, uqhamarac acat kheparusa wawanacamampi lurcta ucajj acawa: Nayajj juman Diosamapunïyäwa, uqhamaraqui wawanacaman Diosapäyäwa, wiñayataqui.

Qullan Arunaka DC

⁷ Kuna arust'äwtix jumampix lurktxa, ukhamarak akat qhiparusa wawanakamampi lurkä ukax akawa: Nayax juman Diosamapunïyäwa, wawanakaman Diosaparakïyäwa.

Génesis 17:7 Jak'a apnaqawi uñst'ayäwi

Génesis 15:18

Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Génesis 17:13

Maynisa, maynisa circuncidatäñapapuniwa. Uqhamaw nayan arust'äwejjajj jumanacan janchiman mä chimpüniwa, wiñayataqui mä arust'äwiscapas uqhama.

Génesis 17:19

Diosasti saraquïnwa: —Sara warmimajj mä wawa wawacharapïtam sismawa. Jumasti Isaac sasaw sutichäta, jupampiw arust'äwejj-jja suma sayt'ayä, wawanacapampisti wiñayataquiw arust'äwejj-jja utjayaraquï.

Génesis 26:24

Uca arumasti Tatituw uñstäna, saraquïnwa: “Nayätwa Abraham awquiman Diosapajja. Jan ajjsaramti, nayaw jumampïscta. Abraham sirvirejja laycuw jumarojj bendicïma, wawanacamsa mirtayaraquïwa” sasa.

Génesis 28:13

Uqhamarus uñjaraquïnwa Tatitojj ucan jupa jac'ana sayt'atäsquiri, aqham sasa: “Nayätwa Tatitojja, Abraham achachilaman Diosapajja, uqhamaraqui Isaac awquiman Diosapa. Jumampiru, wawanacamampiruw cawqhantejj ict'atäcta uca orake churä.

Génesis 6:18

Ucampisa jumampejj mä suma arust'äwi lurä, uca arcarusti yokanacamampi, warmimampi, yojjch'anacamampi, uqhamarac jumampi ucanacaw mantapjjäta.

Génesis 9:16

Cunapachatejj cürmejj kenay taypin uñstani ucapachajj nayajj amtasïwa cuna amtäwtejj take jakenacampi, uqhamarac take aca oraken utjir animalanacampi lurcta ucata.

2 Samuel 7:24

Jumaraquiw amtaractajja Israelajj wiñayataqui juman marcamäñapataqui, jumasti Tatit Diosapäñamataquiraqui.

1 Crónicas 16:13

jumanaca, Israel sirviripan wawanacapa, jumanaca, Jacobon chhijllat wawanacapa.

1 Crónicas 16:14

“Jupawa jiwasana Tatit Diosasajja; ¡Jupawa take orakpacha apnakasqui!

Salmos 81:10

Nayaw Tatitu Diosamätjja, nayaw Egipto marcat irpsunsma, lacam jist'aram, nayasti phokt'ämawa, sasa.

Éxodo 3:15

Ucampis Diosajja Moisesarojj sascaquïnwa: —Israelitanacarojja aqham sätawa: ‘Abraham, Isaac, Jacob uca nayra awquinacaman Tatitu Diosapawa nayarojj jumanacan ucaru qhithanitu.’ —Jupajj siwa: —Acawa nayan wiñayatac amtasiña sutejjajja, uca sutejjawa takenitaquisa wiñayan wiñayapataquejja.

Éxodo 3:6

Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Éxodo 6:4

Uqhamarac jupanacampejja mä suma amtäwiruraquiw mantapjjaracta. Ucat arsuyätjja Canaán orake jupanacar churañataqui, cawqhantejj mä urunacajj jayanquir jakenacjama jacapcäna uca orake.

Éxodo 6:7

Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Isaías 61:8

“Tatitusti cunatejj chekapäqui ucwa muni, lunthatasiñampiru jake jiwayañampirusti uñisiraquiwa. Jupaw jumanacarojj cunatejj churañäqui ucjja take chuyma churapjjätam, mä wiñay arust'äwi jupanacampejj luraraquini.

Jeremías 31:1

Tatitojj siwa: “Uca urunacanjja nayaw take Israel tribunacan Diosapäyäjja, jupanacasti nayan marcajjäpjjaraquiniwa” sasa.

Ezequiel 28:26

Ucanwa suma samarata jacasipjjaraquini, utanaca utachasipjjaraquini, uva alinaca ayrusipjjaraquini. Nayaw juchañcharaquï take qhitinacatejj jac'anquiri marcanacatjja Israelar jisc'achapqui ucanacarojja. Ucapachaw yatisini nayajj Israelan Dios Tatitupätajja” sasa.

Levítico 11:45

Nayätwa jumanacan Tatitu Diosamajja, nayaraquiw jumanacarojj Egipto marcat apsunipjjsma, jumanacan Diosamäñajjataqui. Uca laycu jumanacasti kollanäpjjañamawa, nayan kollanätajj laycu.”

Levítico 25:38

Nayätwa jumanacan Tatitu Diosamajja, nayaw jumanacarojj Egipto oraket apsunipjjsma, ucatsti aca Canaán orake churapjjaracsma, nayajj jumanacan Diosamäñajjataqui.

Levítico 26:12

jumanac taypinpunwa sarnakasiraquëjja, nayajj jumanacan Diosamäyäwa, jumanacasti nayan marcajjäpjjaraquïtawa.

Levítico 26:44

“Take ucanaca pasquipansa uqhamarac jumanacajj uñisirinacaman marcapana jacapcäta ucasa, janiw nayajj jumanacarojj apanucupcämati, janiraquiw jisc'achapcämasa; janiraquiw jumanacarojj t'unjapcämati, uqhamarac cuna amtäwinacarutejj nayra awquinacamampi purcäyätjja ucanacatsa amtasipuniraquïwa, nayätwa jumanacan Tatitu Diosamajj uca laycu.

Levítico 26:45

Ucampisa cuna arust'äwtejj jupanacampi lurcäyätjja cunapachatejj Egiptot jupanacar apsuncta ucapachajja take ucanacatjja amtasiraquïwa, jupanacarusti take marcanac nayrakatanwa apsuntjja, nayajj jupanacan Diosapäñajjataqui. Nayätwa Tatitojja.”

Levítico 26:9

Jumanacarusti suma uñjapjjaraquïma, uqhamarac waljaniruwa mirtayapjjaraquïma; jumanacampi arust'äwi luratajjsti sumwa imaraquëjja.

Miqueas 7:20

¡Tata munasiñamampi, cheka cancañamampjja janiquiy armasimti, Abraham, Jacob uca nayra awquinacajjaru arscäyätas ucanacjja!”

Mateo 22:32

‘Nayajj Abrahaman, Isaacan, Jacobompin Diosapätwa’ sasa. ¡Diosajj janiw jiwatanacan Diosapäquiti, jan ucasti jaquirinacan Diosapawa!

Marcos 10:14

Jesusasti uc uñjasinjja colerasïnwa, ucatsti saraquïnwa: —Wawanacajj nayan ucar jutasipcpan sam, jan jarc'apjjamti, jupanacjamanquiwa Diosan reinopajja.

Hechos 2:39

Diosan aca arsüwipasti jumanacataquiwa, uqhamarac wawanacamampitaqui, jayanquirinacampitaqui, kawkhanirutejj Dios Tatitusajj jawscaraquini ucanacampitaqui —sasa.

Romanos 9:4

Jupanacajj israelitanacäpjjewa, jupanacarusti wawapatwa Diosajj catokasjje. Diosasti wali ch'aman cancañapanjja jupanac taypincaraquïnwa arust'äwinacsa Moisesan leyinacapsa churaraquïnwa, templon culto lurañsa uqhamarac arsutanacapsa.

Efesios 2:2

Acapachan sarnakäwinacaparjamaw jacasipcäyäta, cawquïri ajayutejj ñankha ajayunacaru apnakqui, uqhamarac ch'amañchqui Diosar jan ist'irinacarusa, uca ajayun munañap lurasina.

Deuteronomio 29:13

Jichhüruwa uñt'ayasi jumanacajj jupan marcapäpjjatama, jupasti jumanacan Diosamaraqui, cunjämatejj arupampi arsüna Abraham, Isaac, uqhamaraqui Jacob uca awquinacamaru.

Hebreos 11:16

Ucampis jupanacajj mä suma orak munapjjäna, ucasti alajjpach marcawa. Ucatwa Diosajj jan p'enkasquiti, jupanacan Diosapa sayasiñjja, jupanacataquisti mä marcaw waquichata utji.

Hebreos 8:10

Israel marcampi mä arust'äwi lurcä qhaya urunac khepata ucajja aqhamäniw, siw Tatitojja: Jupanacan p'ekeparuw camachi arunacajj uchä, chuymaparuw kellkantaraquï. Ucapachaw nayajj jupanacan Diosapäyäjja, jupanacasti nayan marcajjäpjjaraquiniwa.

Jueces 2:1

Diosan angelapasti Gilgal chekata Boquim sat chekaru sarasinjja israelitanacarojj sänwa: “Nayawa jumanacarojj Egipto marcata irpsunisajj aca orakeru irpanipjjsma, cawquïr oraketejj nayra awquinacamaru churañatac arsutacäna, aqham sasa: ‘Nayan arsutajjsti janipuniw jumanacampejj p'acjcäti,