Génesis 16:6 - Qullan Arunaca

⁶ Abramasti warmiparojj saraquïnwa: —Acajjay esclavamajj amparamanquiwa, cuns munta uc jupampejj lurascaquim —sasa. Sarai warmisti esclavaparojj sinti jan walpun uñj-jjäna, uqhamïpansti Agarajj jaltjjänwa.

Aymar Bibliia 1986

⁶ Abramasti warmiparojj saraquïnwa: —Acajjay esclavamajj amparamanquiwa, cuns munta uc jupampejj lurascaquim —sasa. Sarai warmisti esclavaparojj sinti jan walpun uñj-jjäna, uqhamïpansti Agarajj jaltjjänwa.

Qullan Arunaka DC

⁶ Abramasti warmiparux sarakïnwa: —Akaxay uywatamax amparamankiwa, kuntix munta uk jupampix luraskakim —sasa. Sarai warmisti uywataparux sinti jan walpun uñjxäna, ukat Agar warmix sarxäna.

Génesis 16:6 Jak'a apnaqawi uñst'ayäwi

Génesis 16:9

Tatitun angelapasti saraquïnwa: —Patronaman utaparu cuttam, ucatsti take cunansa jupar ist'araquim —sasa.

Génesis 24:10

Ucatsti cawquïrinacatejj Abrahamanjja suma yänacapajj utjcän ucanac taypitjja suma regalonacwa ajlliwayi, tunca camellompi cunaw Nacoran marcaparojj sari, ucasti Mesopotamia tokencänwa.

Job 2:6

Ucat Diosasti Supayarojj saraquïnwa: —Waliquiwa, jichhasti jupampejj jumajja cunjämtejj muncta uqhamaru luram, ucampis jacañapaqui jan apakamti —sasa.

Éxodo 2:15

Faraonasti, Moisesan mayni egipcior jiwayatap yatisinjja, jiwayañataqui thakayiriw qhithäna. Ucampis Moisesajj jan jiwayatäñ laycojja Egipto marcat sarawayjjänwa, ucat Madián sat chekaruw purïna ucan jacjjañataqui.

Proverbios 14:29

Wali llamp'u chuymanïñajj wali ch'iqhi cancañ uñacht'ayi; jan paciencianïñasti t'ajjmarätapwa uñacht'ayaraqui.

Proverbios 15:1

Suma arumpi cutt'ayañajja colerañjja apakewa, ucampis jan wali arumpi cutt'ayañajja, juc'ampwa colerasiyi.

Proverbios 27:8

Cunjämatï mä jamach'ejj tapapata jayana sarnakejja, uqhamawa qhititï nacïwipat jayana sarnakqui ucajja.

Proverbios 29:19

Mä esclavorojj janiw arumpiqui chekachañjamäquiti, jupajj amuyasquiwa, ucampis janiw lurañ munquiti.

Eclesiastés 10:4

Reyitejj jumataqui coleraschi ucajja, jan amuyumjja mayjt'ayascamti; jach'a pantjasïwinacarojja llamp'u chuymampiwa atipjätajja.

Jeremías 38:5

Sedequías reyisti jupanacarojj saraquïnwa: “Waliquiwa, cuntejj jumanacajj uca jakempi lurañ munapjjta uc lurapjjam, janiw jumanacampi cunas lurañjamäcjjeti” sasa.

Josué 9:25

Jichhasti nanacajj juman amparamancapjjtwa, nanacampisti cunjämtejj munta uqhamar luram —sasa.

1 Pedro 3:7

Chachanacasti warminacamampejj suma chuymanïpjjaraquim. Jumanacasti jach'aru aptapjjam, cunjämarutejj waquisqui uqhamaru, janiw warmin pisi ch'amätap laycuquiti, jan ucasti Diosajj munasiñapanjja mayacwa jacañjj churapjjtam uca laycu. Uqham lurapjjam Diosat mayisitanacamajj ist'atäñapataqui.