Génesis 16:4 - Qullan Arunaca

⁴ Abramasti Agar warmimpiw mayachasjjäna, ucatsti Agarajj usur jakeptjjänwa, ucampisa cunapachatejj jupajj usur jakëjjatapa amuyasjjän ucqhajja Sarai warmirojj jisc'achañampiw uñj-jjäna.

Aymar Bibliia 1986

⁴ Abramasti Agar warmimpiw mayachasjjäna, ucatsti Agarajj usur jakeptjjänwa, ucampisa cunapachatejj jupajj usur jakëjjatapa amuyasjjän ucqhajja Sarai warmirojj jisc'achañampiw uñj-jjäna.

Qullan Arunaka DC

⁴ Abram chachasti Agar warmimpiw mayachasxäna, ukatsti Agar warmix usur jaqiptxänwa, ukampisa kunapachatix jupax usur jaqiptxatap amuyasxän ukkhaxa, Sarai warmirux jisk'achañampiw uñjxäna.

Génesis 16:4 Jak'a apnaqawi uñst'ayäwi

Génesis 16:3

Ucatsti Sarai warmejj Egiptonquir Agar esclavaparusti Abramaruw irpcatäna warmipäñapataqui, ucasti lurasïnwa cunapachatejj jupanacajj Canaán oraken niya tunca mara jacjjapjjän ucapacha.

Génesis 16:5

Ucatsti Sarai warmejj Abramarojj sänwa: —¡Jumaw juchanïtajj Agaran nayar jisc'achañapataquejja! Naya quicpaw juparojj warmimat chursma, jichhasti wawanëjjasinsti nayatsa juc'ampïcjjaspas uqhamwa amuyasjjejja. Tatituy sispan qhitis juchanïtan ucjja, jumati jan ucajj nayacha —sasa.

Génesis 19:31

Mä urusti jilïri phuchajj sullca phucharojj sänwa: —Awquisajj chuymanëjjewa, take acsa tokenacansti janiraquiw mä chachas utjquiti jiwasan casarasiñasataquejja, cunjämatejj waquisqui uqhama.

Génesis 21:9

Ucampisa Sara warmejj uñjaraquïnwa, Egiptonquir Agar warmin Ismael wawapajj Isaacat larusisquiri. Uca Ismaelasti Abrahaman wawaparaquïnwa.

Génesis 30:4

Uqhamwa Raquelajj Bilha esclavaparojj Jacobor warmipat churäna. Jacobosti Bilha warmimpiw mayachasïna,

2 Samuel 6:16

Cunapachatejj Tatitun arcapajj Davidan Marcaparu purjjän ucapachasti, Saúl reyin phuchapa Mical warmejj ventanatwa uñtasinïna, rey Davidaru cusisitapata, uqhamarac thokhotapatsa Tatitun nayrakatapana, Davidarojj wali chuymapanjja jisc'achäna.

Proverbios 30:23

jisc'achat warmin casarasitapa, uqhamarac mä uywata warmin warmi lanti kheparjjatapa.

1 Corintios 4:6

Jilatanaca, acanacsti jumanacan asquimataquiw parlapjjsma, Apolosampita naya pachpampita amuyt'ayasa. Acjja sistwa jumanacajj jan cunatejj kellkatäqui ucatjja inampst'apjjañanacamataqui, uqhamata jan qhitis mayniru jisc'achañapataqui ni maynirusa wal jach'achañapataqui.