Génesis 16:11 - Qullan Arunaca

¹¹ Usur jakëtawa, ucatsti mä yokall wawa wawachasiraquïta, Ismael sasaw suticharaquïta, Tatitojj t'akhesitam ist'atap laycu.

Aymar Bibliia 1986

¹¹ Usur jakëtawa, ucatsti mä yokall wawa wawachasiraquïta, Ismael sasaw suticharaquïta, Tatitojj t'akhesitam ist'atap laycu.

Qullan Arunaka DC

¹¹ Usur jaqïtawa, ukatsti mä yuqall wawa wawachasïta, juparusti Ismael sasaw sutichäta, Tatitun juman t'aqhisitam ist'atap layku.

Génesis 16:11 Jak'a apnaqawi uñst'ayäwi

Génesis 17:19

Diosasti saraquïnwa: —Sara warmimajj mä wawa wawacharapïtam sismawa. Jumasti Isaac sasaw sutichäta, jupampiw arust'äwejj-jja suma sayt'ayä, wawanacapampisti wiñayataquiw arust'äwejj-jja utjayaraquï.

Génesis 21:17

Ucampisa Diosajj uca wawan jachatapjja ist'araquïnwa, Diosan angelapasti alajjpachatpachwa Agar warmirojj jawsaraquïna, saraquïnwa: “¿Cunas pastam, Agar? Jan ajjsaramti, Diosasti wawaman jachatapjja ist'iwa cawqhancquitejj ucqhatpacha.

Génesis 37:25

Ucjjarusti mank'asiñataquiw kont'asipjjaraquïna. Uqhamäquipanwa uñjapjjän mä viajero jakenac jutasquiri, ucanacasti ismaelitanacänwa, Galaad toketwa jutasipcaraquïna, camellonacatsti suma k'apquir perfumenaca, bálsamo, mirra ucanaca Egiptor apasipcaraquïna.

Job 38:41

¿Qhitis cuervo sat jamach'inacan wawanacaparojj mank'ayejja, cunapachatejj mank'a thakasa aywinakapjje, uqhamaraqui jach'at warart'asisa nayat mank'aña mayipjjaraquitu ucapachajja?

Salmos 22:24

Jupajj janiw jan utjirin jakenacarojj jisc'achquiti, janiw jupanacat ajjtasquiti; janiraquiw jupanacataquejj ajanup imantasquiti: yanap mayipqui ucapachajj, jupajj ist'iwa.

Éxodo 3:7

Ucat Tatitojj saraquïnwa: —Nayajja sumwa uñjta, cunjämtejj marcajjajja, Egipton t'akhesipqui ucjja. Uqhamarac uca wali munañani jakenac causa arnakasipjjatanacapsa ist'aractwa, ucampis nayajj sum yatta jupanacan t'akhesitanacapjja.

Éxodo 3:9

Jichhasti, israelitanacan arnakasipjjatanacapsti nayajj ist'twa. Uqhamarac uñjaractwa egipcionacajj cunjämtejj t'akhesiyapqui ucanacsa.

Isaías 7:14

Tatitu quipcaw jumanacarojj mä chimpu churasipcätam: Uñtapjjam, mä tawakow usur jakeptata, mä yokall wawa wawachasiraquini, Emanuel sasaraquiw sutichani.

Lucas 1:13

Angelasti juparojj sänwa: —Zacarías, jan ajjsaramti, juman mayisitamarojj Diosajj ist'tamwa, Elisabet warmimasti mä yokall wawa wawachasini. Ucarusti “Juan” sasaw sutichäta.

Lucas 1:31

Jichhajj usur jakeptätawa, ucatsti mä yokall waw wawachasïta; juparusti JESÚS sasaw sutichäta.

Lucas 1:63

Awquipasti jupanacat mä jisc'a tabla mayisin ucaruw kellkanti: “Sutipajj Juan satäniw” sasa. Ucatsti takeniw muspharasipjjäna.

1 Samuel 1:20

Uqhamatwa Anajj usur jakeptawayi, wawachasiñ horasa purinjjepansti, mä yokall wawa wawachasïna, Samuel sasaw uca wawarojj suticharaquïna, Tatitut uca wawjja mayitap laycu.