Génesis 15:6 - Qullan Arunaca

⁶ Abramasti Tatiturojj iyawsänwa, ucatwa Tatitojj juparojj asqui jaket catokäna,

Aymar Bibliia 1986

⁶ Abramasti Tatiturojj iyawsänwa, ucatwa Tatitojj juparojj asqui jaket catokäna,

Qullan Arunaka DC

⁶ Abram chachasti Tatiturux iyawsänwa, ukat Tatitux jupar aski jaqit katuqäna,

Génesis 15:6 Jak'a apnaqawi uñst'ayäwi

Nehemías 9:8

Jumasti uñjtawa jupajj jumar iyawsatama, uqhamarac jupampejj mä suma amtäwiruw mantapjjtajja; juman churañamataqui jupat sarakeri jakenacaru cananeonacana, hititanacana, amorreonacana, ferezeonacana, jebuseonacana, uqhamarac gergeseonacana orakenacapa. ¡Ucatsti jumajj phoktawa arsutamarojj, jumajj wiñay phokhañpuni yattajja, uca laycu!

Salmos 106:31

Tatitusti qhä asqui luräwip aytapunïnwa, khepa mita jakenac taypina.

Romanos 4:11

Abrahamajj uca khepatwa circuncidañ luräwjja catokäna, mä chimpücaspas uqhama, cunapachatejj iyawsasin asquit catokatäcäna ucqha. Ucatpï Abrahamajj take qhitinacatejj iyawsäwi laycu Diosampi catokatäpqui ucanacan awquipajja, jan circuncisión catokcchi ucasa.

Romanos 4:9

¿Chekäspati aca cusisiña utjatapa qhitinacatejj circuncidatäpqui ucanacataquiqui? ¿Jan ucajj jan circuncidatäquis ucanacataquis utjaraquispacha? Jiwasanacajj sayätanwa: “Diosajj Abrahamarojj iyawsäwi tokew catokatayna” sasa.

2 Corintios 5:19

Diosajj acapachampejj Cristo tokwa sumancthapiscäna, jakenacan juchanacapat jan amtasisa. Jiwasarusti uca sumancthapiñ arunacwa jaytawayaraquistu mayninacar churañasataqui.

Hebreos 11:8

Iyawsäwi tokeraquiw Abrahamajj cunapachatejj Diosajj jawscäna ucqhajj ist'äna, ucatsti jupajj mistuwayjjänwa cawqharutejj Diosajj orak churañapäcäna ucaru. Orakepat mistusinsti janiw cawcsar sarataps yatiscaraquïnti.

Santiago 2:23

Uqhamatwa Diosan arupan kellkatajj phokhasïna: “Abrahamajj Diosaruw iyawsäna, Diosasti ucatjj ‘Waliquiw’ sasaw catokäna.” Abrahamasti Diosan amigopa sataraquïnwa.