Génesis 14:20 - Qullan Arunaca

²⁰ Alajjpachanquir Diosasti yupaychataraquïpan, jupaw enemigonacamarojj atipjaytam” sasa. Ucatsti Abramajj cuntejj aparancän ucanacatjja sapa tuncat maywa Melquisedecarojj churäna.

Aymar Bibliia 1986

²⁰ Alajjpachanquir Diosasti yupaychataraquïpan, jupaw enemigonacamarojj atipjaytam” sasa. Ucatsti Abramajj cuntejj aparancän ucanacatjja sapa tuncat maywa Melquisedecarojj churäna.

Qullan Arunaka DC

²⁰ Alaxpachankir Diosasti yupaychatäpan, jupaw uñisirinakamarux atipjaytam” sasa. Ukxarusti Abram chachax kuntix aparankän ukanakatxa, sapa tunkat maya Melquisedec reyir churäna.

Génesis 14:20 Jak'a apnaqawi uñst'ayäwi

Génesis 14:21

Ucatsti Sodomanquir reyejj Abramarojj saraquïnwa: —Jakenacajj churjjeta, ucatsti yänacampi jumajj kheparam —sasa.

Génesis 24:27

saraquïnwa: “¡Kollanäpan Abraham uywirejjan Diosapajja, jupajj chekapapuniwa, qhuyapayasiriraquiwa Abraham uywirejjataquejja, thaquinsa juparaquiw irpasinquitu, uywirejjan familianacapan utapar puriñajjcama!” sasa.

Génesis 28:22

Aca kala acqhar mä pilarar uñtata sayt'aycta ucasti Diosan utapäniwa. Dios Tata, cuntejj churquitäta ucatsti sapa tuncat maya churapunïmawa” sasa.

Génesis 47:24

ucampis faraonarojj cosechanacamatjja pheskëri parte churapjjäta; ucjjar pusi partëqui ucasti jathataquïniwa, jumanacana, wawanacamana, uqhamarac take qhitinacatejj jumanacampïqui ucanacan mank'añanacapataquiraqui —sasa.

Génesis 47:26

Uqhamwa Joseajj utt'ayäna take Egipto marcanjja cosechanacat pheskëri parte faraonar churasiñapa, aca leyisti jichhacamaw utjasqui, ucampis sacerdotenacajj janiw cunsa churapcaraquiti, orakenacapajj janipuni faraonancatap laycu.

Génesis 9:26

Ucatsti sascaquïnwa: “Tatitu Diosajjay Sem chacharojj bendispan, Canaanasti esclavoparaquïpan.

2 Samuel 18:28

Ahimaasasti niya jac'achasinjjaraquïnwa, reyi nayräjjan orakcama alt'asisinsti, reyirojj aruntänwa, saraquïnwa: —Bendicitäpan Tatitojja, juma jach'a reyin Diosapajja, jichhasti jupajj, qhitinacatejj juma, jach'a rey, contra sayt'asipcän ucanacarojj apakjjewa —sasa.

2 Crónicas 31:12

ucaruwa jan armasisa churäwinaca uchapjjäna, tuncat mayäqui uc churapcäna ucanaca, uqhamarac Tatitur loktatäcäna ucanacsa. Ucanaca uñjañapataquisti Conanías sat levitaruwa jilïrita utt'ayapjjäna, uqhamarac Simei jilaparuraqui jupar yanapt'añapataqui.

Nehemías 10:37

Uqhamaraquiw amtasipjjaracta apañataqui Diosasan templopan pirwanacaparu sacerdotenacaru churañataqui, sumïri jac'unacata, take kokanacan achunacapata, nayrïri vinota, uqhamarac aceitetsa. Ucatsti levitanacan ucaru apaña cosechanacasata tuncat mayïrïqui uca, jupanacawa catokerïpjjejja take yapunacasata tuncat mayïrïqui ucjja.

Nehemías 13:12

Ucatjja take Judänquirinacawa pirwanacaru apanipjjäna diezmonacapa trigota, vinota, uqhamarac aceitetsa.

Salmos 144:1

Nayar arjjatir Tatitojj kollanäpan. Jupaw ch'ajjwañatac amparanacajj waquichi, luc'ananacajjarus nuwasiñatac waquicharaqui,

Salmos 44:3

Janiw espadapamp orak catuntasipquiti, janiraquiw ch'amapampis atipjapquiti; jan ucasti, amparamampi, ch'amamampi, khanamampiw atipjapjje, jupanacar munasitam laycu.

Salmos 68:19

Tatitojj sapür jach'añchatäpan, Diosaw jan walt'añanacas apasqui, jupaw Diosasajja, khespiyasiñasasa.

Éxodo 18:10

Ucat Jetrojj sänwa: —Bendicitäpan Tatitojj, jupawa juma israelitanacarojj khespiyapjjtamjja faraonana, uqhamarac egipcionacan ch'amapampi t'akhesiyatäñatjja.

Amós 4:4

“Sarapjjam Betel marcampiru, Gilgal marcampiru, ¡ucansti juc'ampi juchanac lurapjjam! Alwanacasti sacrificionacamjja apapjjaraquim, sapa quimsa ururaqui diezmonacamsa churapjjam.

Malaquías 3:10

Diezmonacsti phokhatpach apanipjjam nayan utajjaru, uqhamat utajjan mank'añajj utjañapataqui. Ucatsti jichhajj yant'apjjaraquita, nayaw jumanacaru alajjpach ventananac jist'aranisina walja bendicionanac apayanipjjäma jilarquiriraqui.

Malaquías 3:8

Nayasti jumanacarojj sapjjsmawa: ‘¿Jakesti Diosatjja lunthataspati?’ ¡Jumanacasti nayatjja lunthatapjjestawa! Ucatsti sapjjaractawa: ‘¿Cunanaraqui nanacasti lunthatapjjsma?’ sasa. ¡Jumanacasti diezmonacana, ofrendanacanwa nayatjja lunthatapjjestajja!

Números 28:26

“Nayra achunacan fiestapanjja, cunapachatejj Tatitu Diosarojj machak cosechanacaman achunacap loktasipcäta, Semanas sat fiestapana, ucqhajj mä k'oma tantachäwi lurapjjaraquïta. Uca urusti janiw cuna casta irnakañanacsa lurapjjätati.

Lucas 18:12

Nayajj semananjja pä cutiw ayunta, churaracsmawa sapa tuncat maya cuntejj jicjjatta ucanacata’ sasa.

Romanos 15:16

Jesucristor sirviñataqui jan judiöpquis ucanac taypina. Sirvcta ucasti Diosan khespiyasiñ arunacap jupanacar khanañchcta ucawa, uqhamat jan judiöpquis ucanacar Diosajj mä ofrendjama catokañapataqui, ucanacasti Kollan Ajayun k'oma tucuyatawa.

Efesios 1:3

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

Deuteronomio 12:17

“Jumanacasti janiraquiw marcanacamanjja: Trigo, vino, aceite uca diezmonacjja, ni vacanacamana, ovejanacamana jilïri kallunacapsa ni jumanacas chuymanacamat ofrendanac churä sapcta ucanac mank'apjjañamäquiti.

Deuteronomio 14:23

Sapa tuncat mayäquis ucanacjja trigota, vinota, aceiteta yakhachatjja, uqhamaraqui vacanacamana, ovejanacamana nayrïri wawachat kallunacapata jumanacajj Tatitu Diosaman nayrakatapan mank'apjjäta, cawqha chekarutejj Tatitu Diosamajj ajlliscani utjäwipataqui uca chekana, uqhamata jumanacan Diosaru yupaychaña yatekapjjañamataqui.

Deuteronomio 14:28

“Sapa quimsa maraw jumanacajj cosechanacamat diezmonac apakapjjäta, ucatsti marcanacamaruwa imapjjaraquïta,

Josué 10:42

Diosaraquiw Israel marcat arjjatasina nuwasiscäna.