Génesis 14:14 - Qullan Arunaca

¹⁴ Cunapachatejj Abramajj sobrinopan preso catutätap yatïn ucqhasti take cawquïri uywatanacatejj Abraman utapan nacipcatayna ucanacaruw tantacht'i, jupanacasti quimsa pataca tunca quimsakallkoni jakenacänwa junturojja, ucatsti ucanacampiw reyinacar arctäna, Dan sisqui uca marccama.

Aymar Bibliia 1986

¹⁴ Cunapachatejj Abramajj sobrinopan preso catutätap yatïn ucqhasti take cawquïri uywatanacatejj Abraman utapan nacipcatayna ucanacaruw tantacht'i, jupanacasti quimsa pataca tunca quimsakallkoni jakenacänwa junturojja, ucatsti ucanacampiw reyinacar arctäna, Dan sisqui uca marccama.

Qullan Arunaka DC

¹⁴ Kunapachatix Abram chachax sobrinopan katuntatätap yatïn ukkhasti, kawkïr uywatanakatix utapan yuripkatayna, nuwasiñatakis wakicht'atäpkarakïna ukanakaruw tantacht'äna, jupanakasti taqpachanix kimsa pataka tunka kimsaqallqunïpxänwa, ukatsti jupanakampiw uka pusi reyir arktäna, Dan markakama.

Génesis 14:14 Jak'a apnaqawi uñst'ayäwi

Génesis 12:16

Sarai laycusti faraonajj Abramarojj wali sumwa uñjäna. Ucatsti ovejanaca, vacanaca, esclavonaca, esclavanaca, asnonaca, camellonaca cunwa Abramarojj churaraquïna.

Génesis 12:5

Jupampi chicsti irpasjjaraquïnwa Sarai warmiparu, Lot sobrinopar cuna, take yänacapampi, uqhamarac kawkha jakenactejj Harán chekan jicjjatcatayna uca jakenacampi cuna. Cunapachatejj Canaán oraker puripcän,

Génesis 13:8

Uqhamasti Abramajj mä urojj Lot sobrinoparojj sänwa: “Jumampi nayampejj familiatanwa, uqhamasti janiw walïquiti jiwasa taypin jan walt'añanaca utjañapajja, uqhamaraqui awatirinacasan ch'ajjwascañanacapasa.

Génesis 14:12

Cunjämatejj Sodoma marcan Abraman sobrinopa Lot chachajj jacänjja, juparus preso apasjjapjjaraquïnjja, take utjirinacapampi cuna.

Génesis 14:16

ucatsti take cuntejj apapcatayna ucanacwa aparanipjjäna. Uqhamwa Abramajj Lot sobrinoparojj khespiyanïna, ucatsti take cunatejj sobrinopancqui ucanacwa cuttayanjjäna. Uqhamaraqui warminacarusa, yakha jakenacarusa khespiyanjjäna.

Génesis 17:12

Jichhat ucsarojja take yokall wawaw circuncidatäñapa, nacitapat quimsakallko ururu, uqhamarac utaman nasqui kollkempi jaya jaket alascta ucan wawapasa.

Génesis 17:23

Ucürpacharaquiw Abrahamajj Ismael wawaparojj circuncidäna, uqhamarac kawkha sirvirinacapatejj utapan nascatayna ucanacarusa, uqhamarac cawquïri jakenactejj kollkempi alascatayna ucanacarusa circuncidaraquïnwa. Take jakenaca utapan jacapcäna, uqhamarac sirvipcäna ucanacasa circuncidataraquïnwa, cunjämtejj Diosajj siscatayna uqhamarjama.

Génesis 17:27

utapan utjir take jakenacampi, utapan nacit sirvirinacampi, kollkempi alat jaya jakenacampi cuna. Takpachaniw circuncidatäpjjänjja.

Génesis 18:19

Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.

Génesis 23:6

—Tata, ist'apjjeta, jumajj nanac taypinjja Diosan mä ajllit wawapätawa. Uca laycu warmimarojj cawquïri sepulturarus munta ucar ajllt'asisin imt'asiscaquim, janiraquiw cawquïrisa nanacatjja “Janiw” sapquirismati jumar sepultura churañatjja —sasa.

1 Reyes 15:20

Ben-adad reyisti iyaw sänwa Asa reyin arunacaparojja, ucatsti qhitänwa ejercitopan jilïrinacaparu Israelan marcanacaparu nuwantiri. Uqhamatwa catuntasïna Ijón, Dan, Abel-bet-Maaca chekanaca, uqhamarac take Cineret, ucatsti Neftalí take orakpacha.

Salmos 68:12

“Reyinacamp nuwasir tamanacampejj jaltjjapjjewa, warminacajj catuntat yänac jalanokasipjje.

Proverbios 17:17

Mä amigojj take horasan munasiripuniwa; llaquisiñansti mä jiljamaw chuymachasi.

Eclesiastés 2:7

alasiractwa sirvirinaca chachatsa warmitsa, utjaraquituwa utajjan nacit sirvirinacajjasa; uqhamaraquiw utjitu walja vacanacasa, ovejanacasa, nayat juc'amp nayra Jerusalenan utjapcäna ucanacat sipansa.

Jeremías 41:12

take jakenacaparuw tantacht'apjjäna ucatsti uca Ismael jakempi nuwasiriw mistuwayapjjäna. Gabaón chekan mä jach'a estanque utjquis uca chekaruw jicjjatapjjäna.

Deuteronomio 34:1

Moisesasti Moab sat wasaratjja, Nebo sat kolluruwa maqhatäna, Pisga sutini kollu pataru, cawquïritejj Jericó marca uñcatasincqui ucaru. Uca chekatwa Diosajj uñtayäna takpach Galaad sat orakenaca Dan tribun orakenacapcama;

1 Juan 2:18

Wawanaca, khepa urunacajj purinjjewa. Jumanacajj ist'apjjäyätawa: “Anticristojj jutaniw” siri; cunjämatejj jichhajj Cristo toke parlirinacajj wali uñstawayejja, uqhamatwa yattanjja khepa urunacäjjatapa.

Jueces 18:29

Uca marcasti Lais satänwa, ucampis jupanacajja machak marcarojj Dan sasaw sutichapjjäna nayra awquipan sutipampi, uca awquipasti Israelan yokapänwa.

Jueces 20:1

Ucatsti take israelitanacajj Dan, Beerseba, Galaad sat chekanquirinacajj mayaquiw tantacht'asipjjäna Mizpa sat chekana Diosan nayrakatapana.

1 Samuel 30:19

Take cunanactejj amalecitanacajj lunthatawayapcatayna, ucanacatjja jan maynis chhakhat jicjjatjjäna. Janiraquiwa ni mä wawasa, ni mä jakesa chhakhatäcänti; Davidajj take cunwa jan cunas chhakhata jicjjatjjaraquïna.