Génesis 14:13 - Qullan Arunaca

¹³ Ucampisa mä jakew jaltjjasinjja, hebreo Abramar take ucanac avisiri jutäna, Abramasti Encinas de Mamre ch'uminwa jacasiraquïna, uca Mamresti amorreo jakënwa; Escol, uqhamarac Aner sisqui ucanacan jilaparaqui, jupanacasti Abramat arjjatasipjjaraquïna.

Aymar Bibliia 1986

¹³ Ucampisa mä jakew jaltjjasinjja, hebreo Abramar take ucanac avisiri jutäna, Abramasti Encinas de Mamre ch'uminwa jacasiraquïna, uca Mamresti amorreo jakënwa; Escol, uqhamarac Aner sisqui ucanacan jilaparaqui, jupanacasti Abramat arjjatasipjjaraquïna.

Qullan Arunaka DC

¹³ Ukampisa mä jaqiw uka nuwasïwit jaltanxatayna, Abramar taqi ukanak yatiyiri; Abram chachasti Mamré jaqin quqa ch'umipan jakasïna. Uka Mamré chachasti amorreo jaqïnwa; Escol, Aner chachanakan jilaparaki, jupanakasti Abram chachat arxatasipxarakïna.

Génesis 14:13 Jak'a apnaqawi uñst'ayäwi

Génesis 10:16

Canaanatwa jebuseonacajj sarakapjje, amorreonacasa, gergeseonacasa,

Génesis 13:18

Uqhamwa Abramajj carpapa apthapisiwayjjäna, ucatsti Mamre sat sutini mä jaken encinas kokanacani ch'umiparu jaquiriw sarjjäna, Hebrón marca jac'aru. Ucanwa Tatitun sutiparu mä altar sayt'ayaraquïna.

Génesis 14:24

Janiw nayajj cunsa nayatac muncti, cuntejj uywatanacajjajj mank'antapqui ucanacac catusëjja. Cawquïri jakenacatejj compañapquitu, Aner, Escol, Mamre ucanacasti cunatejj jupanacaru wact'qui ucjja catusjjapjjaniwa —sasa.

Génesis 18:1

Tatitusti Abrahamarojj Encinas de Mamre sat chekanwa wasitat uñstäna; Abrahamasti carpa puncun kont'atäscänwa, niya cheka ururaquïnwa.

Génesis 21:24

Abrahamasti —Jurarapsmawa —sasaw saraquïna.

Génesis 21:27

Abrahamasti ovejanaca, vacanacwa Abimelec reyirojj churäna, uca urpacharaquiw panpachanejj mä suma arust'äwiru mantapjjäna.

Génesis 21:32

Arust'äwi luratatsti Abimelec chachampi, ejercitopan jilïripa Ficol chachampisti filisteonacan orakeparuw cuttanjjapjjäna.

Génesis 39:14

utan uywatanacaruw jawsi, saraquïnwa: —Acajj uñjapjjam; chachajjajj mä hebreo jake acar irpasini, jichhasti jupajj jiwasat burlasiwa. Utaruw mantani, ucat nayampi iquintañ munejja, ucampis nayajj jach'at warartatta,

Génesis 40:15

Nayarojj hebreonacan orakepatwa lunthatanipjjetu, janiraquiw carcelancañajjas waquisquiti, janiraquiw cuna juchsa lurcti —sasa.

Génesis 41:12

Uca carcelan nanaca chica mä hebreo waynaw ucancascaraquïna, jupasti guardianacan capitanapan esclavopänwa. Nanacasti juparuw samcanacajj avist'apjjta, ucat jupajj sum khanañchapjjetu.

Génesis 43:32

Josearojj yakha mesaruw sirvt'apjjäna, Jacobon yokanacaparusti yakha mesaruraqui, yakha mesansti Joseampi chica mank'apjjerïcansa ucanacaruraqui, egipcionacajj hebreonacampejj janiw junto mank'apjjericänti uca laycu.

Job 1:15

ucatsti acatjamatwa sabeo sat jakenacajja jutasinjja uywanaca lunthatawayapjjetu, jakenacarus jiwarayawayapjjaraqui. Ucampis naya sapaquiwa jaltanjjta jumaru yatiyañataqui —sasa.

Éxodo 2:11

Moisesasti wali waynäjjänwa, ucatsti mä urojja marca masinacap uñjiriw saräna, ucampis cawqhantejj irnakapcäna ucar jicjjatasinjja uñjänwa, jupanacajj ch'ama irnakañanacana wali t'akhesiñampi lurasipcatapa. Uqhamarac uñjaraquïnwa mä egipciojja maynïr marca masiparu nuwjasquiri.

Éxodo 2:6

Apsunisasti faraonan phuchapajja uca canasta jist'aräna, ucampis uca mankhena wawajj wali jachatap laycusti qhuyapt'ayasaw arsüna: —¡Acajj hebreonacan wawaparaquisä! —sasa.

Éxodo 3:18

Israelitanacan jilïrinacapasti arunacam ist'asinjja jaysapjjätamwa. Ucatsti jumajja jupanacampiw saräta Egiptonquir reyin ucaru, sätawa: ‘Hebreonacan Tatitu Diosapawa nanacar jicjjatapjjetu. Jichhasti antutjjapjjita wasararu sarjjañanacajjataqui quimsür sararu, ucana nanacan Tatitu Diosajjaru sacrificionac loktapjjañanacajjataqui.’

Jeremías 34:9

Uca arust'äwisti aqhamänwa: Qhitinacatejj judío esclavonïpjje, chachäpasa, warmïpasa, jupanacaru antutnucjjapjjañapänwa, uqhamat jan qhitisa pachpa marca masiparu esclavot sirviyasiñapataqui.

Jonás 1:9

Jonasasti saraquïnwa: —Nayajj hebreötwa, kotanacsa, oraksa luriri alajjpachanquir Tatit Diosaru yupaychirïtwa —sasa.

Números 13:23

Puripjjänwa Escol sat uma jalscama; ucansti mä uva ali qhuchokapjjäna, ucsti paniniw mä lawar warcuntata apapjjäna. Uqhamaraquiwa granadanaca, higonacsa apthapipjjäna.

Números 21:21

Israelitanacajj jakenacwa qhitapjjäna amorreonacan Sehón sat reyiparu aqham sañapataqui:

2 Corintios 11:22

¿Hebreöpjjeti jupanacajja? Nayajj hebreoraquïtwa. ¿Israel marcanquirïpjjeti? Nayas uca marcanquiriraquïtwa; ¿Abrahaman wawanacapäpjjeti? Nayas ucaraquïtwa.

Filipenses 2:5

Cunjäm amuyunïcäntejj Cristojj uca pachpa amuyunïpjjaraquim.

1 Samuel 29:3

Ucatwa filisteonacan jilïrinacapajj Aquis reyirojj jisct'apjjäna: —¿Cunsa lurapjje uca hebreo jakenacajja? —sasa. Aquis reyisti saraquïnwa: —Acajj Davidawa, jupasti Saúl reyin oficialapänwa, uca Saúl reyisti Israel marcan reyipawa. Ucampisa aca Davidajj niya mä kawkha maranacawa nayampi chicaraqui, ucatsti cunüruttejj nayan jac'ajjan sarnakqui ucat jichhacamajj janiw cuna jan walsa jupanjja jicjjatcti —sasa.

1 Samuel 4:12

Ucampisa Benjamín tribunquiri mä soldadow uca nuwasïwitjja jaltjjäna, ucatsti jalasinjja uca urpachaw Silo sat uca chekaru purïna. Isinacapas ch'iyanokataraquïnwa, p'ekepas lak'acamaquiraquïnwa.