Génesis 13:7 - Qullan Arunaca

⁷ Abraman uywap awatirinacasti, Lot sobrinopan awatirinacampiw jan walt'cjjapjjänti. Uqhamarusa uca tiemponjja cananeo jakenacasa, ferezeo jakenacasa ucsa tokenacanjja jacasipcaraquïnwa.

Aymar Bibliia 1986

⁷ Abraman uywap awatirinacasti, Lot sobrinopan awatirinacampiw jan walt'cjjapjjänti. Uqhamarusa uca tiemponjja cananeo jakenacasa, ferezeo jakenacasa ucsa tokenacanjja jacasipcaraquïnwa.

Qullan Arunaka DC

⁷ Abram chachan uywap awatirinakasti, Lot sobrinopan awatirinakapampiw jan walt'ayasipkänti. Ukhamarus uka urunakan cananeo, ferezeo jaqinakaw uksa tuqinakan jakasipkäna.

Génesis 13:7 Jak'a apnaqawi uñst'ayäwi

Génesis 10:19

Cananeonacan orakenacapasti, Gerar tokerojj juc'ampwa jiltäna, Sidón marcatpacha, Gaza sisqui uca marcacama, uqhamarac Sodoma, Gomorra, Adma, Zeboim marcanac tokerusa, Lasa sisqui uca marccama.

Génesis 12:6

ucqhasti Abramajj take ucsa orakenacsa pasascaquïnwa, Siquem sisqui uca chekar puriñcama, cawqhanccäntejj encina kollan kokajj More sat chekana. Uca orakenacansti cananeo jakenacaw jacapjjaraquïna.

Génesis 21:25

Ucatsti Abrahamajj Abimelec chacharojj mä uma phuch'jjatwa arsusiraquïna, uca uma phuch'sti Abimelec chachan sirvirinacapaw Abrahamatjja aparapjjatayna.

Génesis 26:20

Ucampisa cawquïri awatirinacatejj ovejanac awatisipcäna uca Gerar vallena, ucanacasti Isaacan awatirinacapampiw ch'ajjwapjjäna, uca umasti “Nanacanquiw” sasaw sapjjaraquïna. Ucatwa Isaacajj uca phuch'urojj “Ch'ajjwaña” sasa sutichänjja, uqham ch'ajjwatätap laycu.

Génesis 34:30

Ucatsti Jacobojj Simeonampiru, Levimpirojj sänwa: —Jumanacajj jan walt'añaruw uscuntapjjestajja, jichhajj aca oraken jaquir jakenacajj cananeonacasa, uqhamarac ferezeonacasa, nayarojj uñisipjjetaniwa. Naya contra mayacht'asisinsti nuwañataquiw jutapjjanejja, juc'a chachanacaqui nayan utjatap laycusti, nayarusa, familiajjarusa jiwarayapjjaniwa —sasa.

Génesis 46:34

ucapachasti jumanacajj sapjjamaya: ‘Nanacajj oveja awatirïpjjtwa nayra tiempotpacha’ sasa. Uqhamatwa Gosén sisqui ucsa tokenacar jacasiñataqui kheparjjapjjäta. Egipcionacasti janiw oveja awatirinacampi mayaqui jacapjjam satäquiti.

Nehemías 5:9

Ucjjarusti nayajj sascactwa: —Cuntï lurapcta ucanacjja janiw wal lurapctati. Jumanacajj Diosasataquejj ajjsarapjjañanacamänwa, ucatsti janiw munapjjañanacamäcänti jucharar uñisirinacasan larusipjjañanacapjja.

Éxodo 2:17

Ucampis yakha awatirinacaw jutasina uca tawakonacarojj phuch'uta alisnucuña munapjjäna. Uqham uñjasinsti Moisesajj tawakonacatwa arjjatäna, ucatsti uma apsusaraquiw ovejanacapar umarayaraquïna.

Proverbios 20:3

Mä suma jach'añchäwiwa qhititejj ch'ajjwañanacaru jan mantqui ucataquejja; ucampis jan amuyt'an jakejja uca ch'ajjwañanacarojja mantañ munaquiwa.

Marcos 3:25

Mä familiatejj jaljtaspajja, uca familiajj janiw jaypachatac sayt'apcaspati.

1 Corintios 3:3

Jumanacajj janchin munañanacaparuquiw sarnakasipcta, ucatwa jumanac taypin envidiasiñanacasa, ch'ajjwañanacasa, jaljtañanacasa utjasqui. Ucanac lurasajj alek jakenacaquïsipctawa, mayninacar uñtataraquiw cunsa lurasipctajja.

Gálatas 5:20

yakha diosanacaru yupaychañanaca, laykasiñanaca, uñisisiñanaca, quejanacan sarnakañanaca, celasiñanaca, colerasiñanaca, jupa pachpatac munañanaca, t'akaktasin yakha tamanaca tucuñanaca,

Colosenses 4:5

Qhitinacatejj jan iyawsirïpqui ucanacampejj suma amuyt'ampi sarnakapjjam, take horasanacansa asquinac lurapjjam.

1 Tesalonicenses 4:12

jan iyawsirïpqui ucanacajj jumanacar suman uñjapjjañapataqui, uqhamarac jumanacan pist'ayasiñanacajj jan utjañapataqui.

Tito 3:3

Jiwasajj nayrajj uqham jan amuyt'anïpjjaraquïyätanwa, Diosar jan jaysiri, chhaktata, uqhamarac cunayman jan wali munañanacan esclavopäyätanwa. Ñankha lurañanacana, envidiasiñanacana jacascaraquïyätan uñisita, uqhamaraqui jiwascam uñisisisa.

Santiago 3:16

Cawqhantejj envidiasiñas, jiwasataquic munañas utjqui ucqhanjja, pejjtusiñanacampi jan walt'añanacampiquiw utji.

Santiago 4:1

¿Cawquitsa juti jumanac taypin jan walt'añanacajja, uqhamarac guerranacasa? Jan wali amtatanacamajj chuymanacaman nuwasisqui, ucatwa juti.

1 Pedro 2:12

Diosar jan uñt'ir jakenac taypinsti sum sarnakapjjam. Jupanacajj jichhajj jan wali jakenacatjamsa jumanac toke parlapcchi ucasa, jumanacan asqui luratanacam uñjasasti, Diosaruw yupaychapjjaraquini cunürutejj jupajj luräwinacat wayt'ir jutcani ucürojja.