Génesis 13:12 - Qullan Arunaca

¹² Abramasti Canaán orakeruw kheparjjäna, Lot chachasti valle tokenquir marcanacar jaquiriw sarjjaraquïna, Sodoma marca jac'aru,

Aymar Bibliia 1986

¹² Abramasti Canaán orakeruw kheparjjäna, Lot chachasti valle tokenquir marcanacar jaquiriw sarjjaraquïna, Sodoma marca jac'aru,

Qullan Arunaka DC

¹² Abram chachax Canaán uraqiruw qhiparxäna, Lot chachasti qhirwa tuqinkir markanakar jakiriw sarxarakïna, Sodoma marka jak'aru,

Génesis 13:12 Jak'a apnaqawi uñst'ayäwi

Génesis 13:11

Lot chachasti take uca Jordán tokenquir vallenacwa ajllisïna, cawqhanccäntejj ucatjja inti jalsu tokeruw sarawayjjaraquïna. Uqhamwa Abramampi Lot sobrinopampejj jaljtjjapjjäna.

Génesis 14:12

Cunjämatejj Sodoma marcan Abraman sobrinopa Lot chachajj jacänjja, juparus preso apasjjapjjaraquïnjja, take utjirinacapampi cuna.

Génesis 14:2

Acanacasti Sodoma marcan Bera reyipampi, Gomorra marcan Birsa reyipampi, Adma marcan Sinab reyipampi, Zeboim marcan Semeber reyipampi, uqhamarac Bela marcan reyipampi, cawquïri marcatejj Zoar satäcaraqui take ucanacampiw nuwasisipcäna.

Génesis 19:1

Cunapachatejj uca pä angelanacajj Sodoma marcaru puripcän ucapachajj niya ch'amacthapjjänwa, Lot chachasti marcar mantañ puncun kont'atäscänwa, cawqhantejj jakenacajj tantachasipjjerïna ucqhana. Uca pani angelar uñjasasti catokañataquiw sayt'asi, ucatsti orakcamaw alt'asi,

Génesis 19:24

Tatitusti ninampi, azufrempwa Sodoma, uqhamarac Gomorra marcanacjjarojj puriyanïna,

Génesis 19:25

ucatsti take qhitinacatejj uca marcanacan jacapcäna ucanacampwa t'unjäna, uqhamarac take cunatejj uca vallen jilcäna ucanacsa k'alwa t'unjäna.

Génesis 19:29

Uqhamwa Diosajj uca valle tokenquir marcanac t'unjäna, cawqhantejj Lot chachajj jaccän uca marcanaca, ucampis Abrahamat amtasïnwa, ucatwa Lot chacharojj uca chekatjja irpsuwayjjaraquïnjja.

Salmos 26:5

ñankha lurir jakenacan tantachasïwinacaparojj uñistwa, janipuniw ñankha luririnacampejj utjascti.

1 Corintios 15:33

Jan sallkjayasipjjamti. Cunjämtejj säwejj sisqui: “Jan wali jakenacampi sarnakañajj suma luräwinaca chhakhayañawa” sasa.