Génesis 12:5 - Qullan Arunaca

⁵ Jupampi chicsti irpasjjaraquïnwa Sarai warmiparu, Lot sobrinopar cuna, take yänacapampi, uqhamarac kawkha jakenactejj Harán chekan jicjjatcatayna uca jakenacampi cuna. Cunapachatejj Canaán oraker puripcän,

Aymar Bibliia 1986

⁵ Jupampi chicsti irpasjjaraquïnwa Sarai warmiparu, Lot sobrinopar cuna, take yänacapampi, uqhamarac kawkha jakenactejj Harán chekan jicjjatcatayna uca jakenacampi cuna. Cunapachatejj Canaán oraker puripcän,

Qullan Arunaka DC

⁵ Jupampi chiksti, Sarai warmiparu, Lot sobrinoparu, qawqha jaqinaktix Harán chiqan jikxatkatayna taqi jupanakaruw irpxäna, yänakapsa taqi apasxäna. Kunapachatix Canaán uraqir puripkän ukkhasti,

Génesis 12:5 Jak'a apnaqawi uñst'ayäwi

Génesis 10:19

Cananeonacan orakenacapasti, Gerar tokerojj juc'ampwa jiltäna, Sidón marcatpacha, Gaza sisqui uca marcacama, uqhamarac Sodoma, Gomorra, Adma, Zeboim marcanac tokerusa, Lasa sisqui uca marccama.

Génesis 11:27

Acanacaw Taré chachan wawanacapajja, jupasti Abram, Nacor, uqhamarac Harán ucanacan awquipänwa. Lot chachan Harán awquipasti,

Génesis 11:31

Taré chachasti Ur de los Caldeos sat oraketjja, Canaán orakeruw sarjjäna, jupampi chicsti Abram wawaparuw irpasjjaraquïnjja, Lot allchhipampi, Sarai yojjch'apampi cuna. Ucatsti jupanacajj Harán sat marcar purisinjja, ucan jacañataquiw kheparjjapjjäna.

Génesis 13:5

Lot sobrinopasti, Abram tíopjama wali kamiriraquiquïnwa, walja jakenacaraquiw carpancapjjänjja;

Génesis 13:6

ucampis cawqhancapcäntejj uca orakejj pisïnwa uca walja uywanacataquejja. Janiw juntu jacañjja puedcjjapjjänti.

Génesis 14:14

Cunapachatejj Abramajj sobrinopan preso catutätap yatïn ucqhasti take cawquïri uywatanacatejj Abraman utapan nacipcatayna ucanacaruw tantacht'i, jupanacasti quimsa pataca tunca quimsakallkoni jakenacänwa junturojja, ucatsti ucanacampiw reyinacar arctäna, Dan sisqui uca marccama.

Génesis 14:21

Ucatsti Sodomanquir reyejj Abramarojj saraquïnwa: —Jakenacajj churjjeta, ucatsti yänacampi jumajj kheparam —sasa.

Génesis 28:10

Jacobojj Beerseba chekat mistuwayasinjja Harán toker sarquis uca thaquinjamwa sarjjäna.

Génesis 36:6

Esaú chachasti warminacapa, wawanacapa, take qhitinacatejj jupampi jaccän ucanac irpjjarusiwayasinsti yakha chekaruw sarjjäna, Jacob jilapat jithektjjañataqui. Take uywanacapwa anaquisjjäna, uqhamaraqui cunanactejj Canaán oraken jicjjatascatayna ucanacsa k'alwa apasjjäna.

Levítico 22:11

“Sacerdotetejj mä esclavo kollkepampi alasini, ucapachasti uca esclavojj uca kollana yänacat mank'ascaraquiniwa. Uqhamarac cawquïrinacatejj sacerdoten utapana nacipqui ucanacasa uca kollana yänacatjja mank'ascaraquiniwa.

Hechos 7:4

Abrahamasti: ‘Iyaw’ sasaw, Caldea chekatjja mistuwayäna. Ucatsti Harán sata chekar jaquiriw sarawayjjaraquïna. Awquip jiwjjepansti, Diosajj aca orakeruw irpanjjaraquïna cawquintejj jichhajj jumanacajj jacapcta ucqharu.