Génesis 1:21 - Qullan Arunaca

²¹ Ucatsti uqhampunïnwa. Diosasti kotan jaquir jach'a animalanacwa uscuraquïna, take casta kotan utjir animalanaca, uqhamaraqui take casta jamach'inaca. Diosasti ucjja wali sumätapwa uñjäna.

Aymar Bibliia 1986

²¹ Ucatsti uqhampunïnwa. Diosasti kotan jaquir jach'a animalanacwa uscuraquïna, take casta kotan utjir animalanaca, uqhamaraqui take casta jamach'inaca. Diosasti ucjja wali sumätapwa uñjäna.

Qullan Arunaka DC

²¹ Arsutapasti ukhamapuniw phuqhasïna. Diosasti qutan jakir wali jach'a axsarkay animalanak usküna, qutan kunayman jakir animalanakampi, ukhamarak kunayman jamach'inakampi. Diosasti ukanakan wali sumätap uñjäna.

Génesis 1:21 Jak'a apnaqawi uñst'ayäwi

Génesis 1:18

urusa, arumasa, uqhamaraqui khanaru ch'amacat yakhachañapataqui. Uqham lurasinsti Diosajj sumätapwa uñjäna.

Génesis 1:20

Ucjjarojj Diosajj saraquïnwa: “Umanjja take casta animalanac utjpan, uqhamarac orakenjja altokata thoknakeri jamach'inacas utjaracpan” sasa.

Génesis 1:22

Take uca animalanac usccatayna ucanacarusti aca arunacampiw bendiciraquïna: “Mirantapjjam kotanacar phokhantañcama, uqhamarac jamach'inacas mirantapjjpan take acapachar phokhantañcama” sasa.

Génesis 1:25

Diosasti take aca animalanacwa uscüna, ucatsti take cunansa sumätapwa uñjäna.

Génesis 1:31

Diosasti take cuntejj lurcän ucanacan sumätapwa uñjäna. Uqhamatwa sojjtïri urojj phokhasïna.

Génesis 2:19

Tatitu Diosasti lak'atwa take pampanquir animalanac luräna, uqhamarac jamach'inacsa; ucatsti jaken ucaruw apäna sutichañapataqui. Jakesti sutinac uscüna take uywañ animalanacarojja, take jamach'inacaru, uqhamaraqui pampan utjir animalanacarusa, ucatsti uca sutimpipuniw kheparjjapjjäna. Ucampisa uca animalanacatjja janiraquiw cawquïrisa jakeru yanapt'irjamajj utjcänti.

Génesis 6:20

Jumampi chekasti arcarojj take castatjja mantapjjaniwa pä animalanaca: Jamach'inacatsa, uqhamarac uywañ animalanacatsa, orakenjam katatnaktir animalanacatsa, uqhamat jacasipcañapataquiqui.

Génesis 7:14

Jupanacampi chicasti take casta pampanquir animalanaca, uywasiñ animalanaca, orakenjam katatnaktir animalanaca, uqhamarac jamach'inacasa mantapjjäna.

Génesis 8:17

Jumampi cheka ucanquir animalanacsa ansjjaraquim, jamach'inaca, uywañ animalanaca, orakenjam katatnaktir animalanaca, aca oraker aywitatjjapjjañapataqui, uqhamat wali mirantapjjañapataqui” sasa.

Génesis 8:19

Uqhamaraqui animalanacatsa, uywañ animalanacatsa, pampanquir animalanacatsa, orakenjam katatnaktir animalanacatsa, thoknaker animalanacatsa, takeniw mistunjjapjjäna.

Génesis 9:2

Aca orakenquir take animalanacasti jumanacataquejj ajjsarañatsa qhathatiraquiniwa. Take animalanacasa, thoknaker animalanacasa, wañanquir animalanacasa, kotanquir animalanacasa jumanacan apnakatäniwa.

Génesis 9:7

Ucampis jumanacajj ¡walja wawanacanïpjjam, aca orakpacharu phokhantapjjaraquim!” sasa.

Job 12:7

Jichhajj jamach'inacaru, jan ucajj animalanacarus jisct'asim, jupanacasti yatichapjjeristamwa.

Job 26:5

“Jach'a kota mankhana utjiri jiwatanacajj uca jach'a kota mankhanjja qhathatipjjewa,

Job 7:12

¿Nayasti jach'a kotanquir ajjsarcañ animalätti, uqham nayar uñch'uquiñamataquisti?

Salmos 148:7

Tatiturojj oraketpach jach'añchapjjam, lamar kotanquir chawllanaca, ajjsarcañ animalanaca.

Éxodo 1:7

Israelan wawanacapajja jiltasinjja waliw mirantapjjänjja, ucampis waljanïsajja wali ch'amaniraquiw tucupjjäna, ucatsti uca orakenjja jupanacaquiw phokhantjjapjjäna.

Éxodo 8:3

Jawiratsti c'ayranacaw mistsunini, ucanacawa mantapjjani palaciomaru, iquiña utamaru, iquiñanacam patjjaru, sirvirinacaman utanacaparu, take jakenacaman utanacaparu, uqhamarac t'ant'anaca lurapcta uca hornonacarusa.

Ezequiel 32:2

“Egipto marcanquiri Faraón reyitaqui aca alma imäwi k'ochu k'ochurapim: ‘Marcanacan leonanacapjamätawa; kotanquiri jach'a ajjsarcañ lak'or uñtatätawa, jawiraman umapan sunt'isiractajja, cayunacamampisti uca umjja konchuptaytawa, jalir umsti tirctayaractawa, sasa.

Jonás 1:17

Uccañcamasti, Tatitojj mä wali jach'a chawllwa waquichäna Jonasar mank'antañapataqui. Uqhamaw Jonasajj quimsa urumpi quimsa arumampi chawlla purac mankhancascäna.

Jonás 2:10

Ucatsti Tatitojj waquicharaquïnwa chawllajj waña orakeru Jonasar wak'sjjañapataqui.

Mateo 12:40

Cunjämtejj Jonasajj mä jach'a chawllan puracapancän quimsürumpi quimsa arumampejja, uca quicparaquiw Jaken Yokapajj quimsürumpi quimsa arumampi orak mankhancani.