Gálatas 6:1 - Qullan Arunaca

¹ Jilatanaca, jumanacatejj mayniru jucharu tincut jicjjatapjjsta ucajja, jumanacajj Diosanquirinacjamajj yanapt'apjjañamaw jupan sayt'asiñapataquejja. Ucsti llamp'u chuymampi lurapjjañamawa, take amuyumpi, jan jumapachpa juchar jalantañamataqui.

Aymar Bibliia 1986

¹ Jilatanaca, jumanacatejj mayniru jucharu tincut jicjjatapjjsta ucajja, jumanacajj Diosanquirinacjamajj yanapt'apjjañamaw jupan sayt'asiñapataquejja. Ucsti llamp'u chuymampi lurapjjañamawa, take amuyumpi, jan jumapachpa juchar jalantañamataqui.

Qullan Arunaka DC

¹ Jilatanaka, maynirutix kuna juchar tinkutap uñjapxstaxa, jumanakax Diosankirinakjamax jupan sayt'asiñapatak yanapt'apxam, llamp'u chuymampi parlxayapxam, taqi amuyumpiraki. Ukampis sapa mayni amuyaspan, jupas yant'ataw uñjasirakispa.

Gálatas 6:1 Jak'a apnaqawi uñst'ayäwi

2 Samuel 11:2

Mä jayp'usti, Davidajj iquiñapat sartasinjj, palacio terraza patanwa sarnakascäna, ucatpachwa mä suma warmiru jarisisquiri uñjäna.

Salmos 141:5

Asqui jakejj mutuyitpan, suma jakejj tokenoketpan, ucanac catokañataquejj janiw jaltcäti; mutuycatpachas Tatitut mayisiscaquïwa.

Ezequiel 34:16

Chhaktat ovejanacjja thaktasjjäwa, saranucutanacsti cuttayanjjaraquïwa, cawquïrinacatejj cayu p'aquita sarnakapjjani ucanacarusti uca p'aquit cayunacapjja kolljjatt'araquïwa, usutanacarusti yanapt'araquïwa, liq'i ovejanacarusa, t'uqhanacarusa sumwa uñjasiraquëjja. Cunjämatejj uñjañajj waquisqui uqhamarjamaw nayajj uñjasiraquëjja.

Mateo 11:29

Nayan yugojja apapjjam, ucatsti nayat yatekasipjjaraquita. Nayasti llamp'u chuymani, alt'at chuymaniraquïtwa, ucatwa almaman samarañapjja jicjjatapjjäta.

Mateo 26:69

Ucchañcamasti Pedron uta ankäjjan kont'atäsquïpanwa, mä uywat tawakojj jupar jac'achasisin säna: —Jumajj Galileanquir Jesusampïscaraquïyätasä —sasa.

Mateo 26:75

Pedrosti ucqhaquiwa amtasïna Jesusajj cunjämtejj siscatayna ucata: “Janïr wallpa art'quipanwa quimsa cuti nayarojj jan uñt'iri tucüta” sasa. Ucat mistusinjja Pedrojj wal jachäna.

Mateo 9:13

Sarjjapjjam, amuyt'apjjaraquim cuntejj uca arsüwejj sañ munqui uca. ‘Nayajj muntwa jumanacan qhuyapt'ayasirïpjjañama, janiw sacrificionacjja muncti.’ Janiraquiw asqui jakenacaru jawsiri jutcti jan ucasti juchararanacar arrepientisipjjañapataqui jawsiriw jutta —sasa.

Romanos 14:1

Iyawsañapan t'uqhäqui ucarojja, catokaquim janirac jupampejj cuna toketsa jisqhiscamti.

Romanos 15:1

Take qhitinacatejj iyawsañan ch'amanïctan ucanacajja, pisi iyawsañaninacan t'uqhachasitapjja jiwasanacaw apañasa, janiraquiw jiwas pachpataquiqui sumäñasäquiti.

Romanos 8:6

Acapachancquis ucanacat llaquisiñajja jiwañar apiriwa, ucampis Ajayun jacañat llaquisiñajja wiñay jacañaru, uqhamarac sumancañaruw api.

1 Corintios 10:12

Uqhamajja, qhititejj ch'amanïtapa amuyasejja, wal amuyt'aspan ucatarac tincuscaspan.

1 Corintios 14:37

Maynitejj amuyaschi ch'amanïtapa Diosan arunacapa parlañatakejja, jan ucajj amuyaschi Kollan Ajayojj chuymaparu parljjayatapjja, yatiñaparaquiwa cuntejj kellkanipcsma ucajj Diosan camachipätapa.

1 Corintios 2:15

Ucampis qhititï Diosan Ajayupanïqui ucajj sumwa amuyt'aspa, janiraquiw juparojj qhitis juchañchcaspati.

1 Corintios 3:1

Take ucanacatsti jilatanaca, janiw jumanacarojj Ajayun irpata jakenacarjama parlapcäyäsmati, jan ucasti aleka jakenacarjamaquiwa parlapjjäyäsma, Tatitu tokenjja wawanacäpcasmas uqhama.

1 Corintios 4:21

¿Cunsa jichhajj jumanacajj jutcä ucqhajj munapjjta? Purinisinjja, ¿mutuyapjjämati, jan ucajj sumampiquicha purinëjja?

1 Corintios 7:5

Jan maynis maynis “janiw” sasipjjamti, jan ucasti oración lurañ laycu, jumanac pura arust'asipjjasma mä tiempo jan jac'asiñataqui ucqhaquiw “janiw” sasipjjasmajja. Uca pasatatsti wasitatwa jumanacajj juntasjjapjjañama, inampis maynejj janchipar jan atipirjamäsajj Supayampi yant'atajja juchar purispa.

2 Corintios 10:1

Naya Pablow jumanacarojj Tatitun munasiñap laycu achict'apjjsma. Cunapachatï jumanacampïcta ucqhajja: “Wali llamp'u jakew” sapjjetuwa. Ucampis jumanacat jayancjjta ucqhajja: “Khoru jakew” sapjjaraquituwa.

2 Corintios 2:7

Jichhajj uca jakerojj perdonjjapjjam chuymachapjjaraquim inampis llaquisiñatjja sinti mayjt'asispa.

2 Corintios 2:8

Ucatpï achict'apjjsmajja, jichhajja wasitat uñacht'ayapjjam cuna munasiñatï jumanacan utjquis ucjja.

Gálatas 5:23

llamp'u chuymanïña, janchin munañapar atipjaña. Acanac contrasti janiw cuna leyis utjquiti.

Gálatas 6:18

Jilatanaca, Tatit Jesucristosajj take jumanacar bendispan. Uqhamäpan.

1 Tesalonicenses 4:1

Jichhajj jilatanaca, achict'apjjsmawa, ewjjt'apjjaracsmawa acjja Tatit Jesusan sutipana: cunjämatejj nanacajj yatichapjjsmajja Diosar cusisiyquiri sarnakañjjatjja, uqhamarjama lurasipcaquim juc'amp juc'ampi.

2 Tesalonicenses 3:15

Ucampis jan uñisirit uñt'apjjamti, jan ucasti mä jilatarjama yanapt'apjjam.

2 Timoteo 2:25

Jan ist'asirinacarusti llamp'u chuymampi ewjjt'añaparaquiwa, inampis Diosajj jan wali luräwinacapat cuttayasincaspa, uqhamat jupan cheka arunacap uñt'apjjañapataqui.

Hebreos 12:13

Chekap thaqui thakapjjam, ucatsti cojo cayüquis ucajj waliptjjaniwa, janiraquiw mayampsa k'ewsuscjjaniti.

Hebreos 13:3

Amtasipjjaraquim presonacata, jumanacajj jupanacampïpcasmas uqhamäpjjam. Amtasipjjaraquim qhitinacatejj chhojjriñchjatäpjje ucanacatsa, jumanacajj uqham t'akhesir janchinïpjjaractawa.

Santiago 3:13

Jumanac taypintejj maynejj wali yatiñan utjchejja amuyt'asiriraqui, uñacht'aypan uca yatiñapjja suma sarnakatapampi, llamp'u chuymampiraqui cunjämtï uca yatiñapajj churqui uqhamarjama.

Santiago 3:2

Takeniw walja pantjasïwinac lurtan, ucampis maynitejj arsutapanjja jan pantjascchejja, ucajj cheka jakewa, take janchipsa frenompjamaraquiw apnake.

1 Pedro 3:15

Jan ucasti Tatitur jach'achapjjam chuymanacamanjja. Ucatsti waquicht'atäpjjaraquim qhitinacatejj jumanacaru suyt'añanacamjjat jisct'apcätam ucanacar sañataquejja ucampis sapjjam suma chuymampi.

1 Juan 5:16

Maynitejj jilaparu jiwañar apir juch jan lurquir uñjcchi ucajja, Diosar mayiñapawa. Diosasti jilaparojj jacañjj churaniwa, janitejj uca juchajj jiwañar apcchi ucqhajja. Utjaraquiwa jiwañar apir juchajja, janiw ucatjj siscti: “Aca juchatjja Diosar mayiñäspaw” sasajja.