Gálatas 4:14 - Qullan Arunaca

¹⁴ Uca ususti nayataquejj mä yant'änwa, ucampis janiw uca laycuti jumanacajj nayarojj apanucupquista, janiraquiw jisc'achapcaraquistasa. Antisas, Diosan angelapäquiristsa uqhamwa catokapjjesta, pachpa Jesucristöquiristsa uqhama.

Aymar Bibliia 1986

¹⁴ Uca ususti nayataquejj mä yant'änwa, ucampis janiw uca laycuti jumanacajj nayarojj apanucupquista, janiraquiw jisc'achapcaraquistasa. Antisas, Diosan angelapäquiristsa uqhamwa catokapjjesta, pachpa Jesucristöquiristsa uqhama.

Qullan Arunaka DC

¹⁴ Uka usuxax jumanakatak mä yant'äkaspas ukhamänwa, ukampis janiw janchin usuta uñjasitax layku jisk'achapkistati, janirakiw apanukupkistasa. Ukatsipana, Diosan angelapäkiristsa, jan ukax, pachpa Jesucristökiristsa ukham katuqapxistaxa.

Gálatas 4:14 Jak'a apnaqawi uñst'ayäwi

2 Samuel 14:17

Aca sirvirimasti suyt'ascaraquiwa juma jach'a reyin arunacapampi chuymachatäña, juma jach'a reyisti take cunsa chekaparupuniw uñjtajja, yatiractawa cunatejj walïqui ucsa uqhamaraqui cunatejj jan walïqui ucsa, mä Diosan angelapjama. ¡Tatitu Diosay juma jach'a reyimpi kheparpan! —sasaw warmejj säna.

2 Samuel 19:27

Ucampisa jupajj jach'a rey nayrakatanwa c'ari arunaca yatiyitu. Ucampisa jach'a reyejj mä Diosan angelapäcaspasa uqhamawa, jupasti cunatejj chekapäqui uqhamaruw take cunsa luraraquinejja.

Job 12:5

Qhititejj take cunsa yatqui ucajj aynacht'ata jakerojj jisc'achiwa; qhititejj aynacht'irjamäqui ucarusa juc'ampiquiw nuct'jjaraqui.

Salmos 119:141

Jan yäkataquïtwa, jisc'achataraquïtwa, ucampis janiw arunacamat armascti.

Eclesiastés 9:16

Ucatsti nayajj sistwa: “Ch'amanïñat sipansa yatiñanïñawa asquejja, pobre jaken yatiñapajj janis yäkatäcchi, ni parlataparus jan ist'atäcchi ucasa.”

Zacarías 12:8

Naya Tatituw imaraquëjja Jerusalenan jaquirinacarojja. Jupanacatjja wali t'uqhäpquis ucanacas rey Davidjam wali ch'amaniw tucupjjanejja, Tatitun angelapjama, qhititejj sarantascaraqui jupanacan nayrakatapa.

Malaquías 2:7

Sacerdotenacan lurañanacapasti jakenacaru nayar uñt'aña yatichañapawa. Ucatsti takeniraquiwa sacerdoten ucaru sarapjjañapa suma yatichäwinaca catokañataqui, jupanacajj take ch'amani Diosan suma arunacap khanañchiri qhitanita jakenacäpjjatap laycu.

Mateo 10:40

“Qhititejj jumanacaru catokapcätam ucanacajj nayaruw katoketu; qhititejj nayar catokquitu ucajja, qhitanquitus ucaruw catoke.

Mateo 18:5

Qhititejj mä wawaru sutejjar aca wawarjam catokqui ucajja, nayaruw catokasquitu.

Mateo 25:40

Reyejj ucjjarojj saraquiniwa: ‘Khanacwa sapjjsma, nayan mä jilajjarutejj take ucanac lurapjjstajja alt'at chuymanïcchi ucasa, nayaruw uqham lurapjjesta.’

Lucas 10:16

“¡Qhititejj jumanacar ist'qui ucajj nayaruw ist'itu; qhititejj jumanacar jan ist'apctam ucasti nayaruw jan ist'quituti; nayaru jan ist'irïqui ucasti qhitanquitu ucaruw jan ist'quiti!.”

Juan 13:20

Khanacwa sapjjsma, qhititejj catokqui nayan qhitatajjaru ucajja nayaruw catoketu; nayaru catokerïqui ucasti, qhitanquitu ucaruw catokaraqui.

1 Corintios 1:28

Diosajj ajllisiw jan yäkatäquis ucanacaru, uqhamarac jisc'achatäquis ucanaca, qhitinacatejj jach'achatäqui ucanacar p'enkachañataqui.

1 Corintios 4:10

Jumanacasti nanacarojj mä pisi chuyma jakenacarjamaw amuyapjjesta Cristoncatanacajj laycu, uqhamaraquiw jumanacajj take cunsa wali yatir yatiriw tucupjjtajja, Cristotjja wals yatipcasma uqhama. Nanacajj pisi ch'amaquïpjjtwa, jumanacasti wali ch'aman ch'amaniw tuct'apjjtajja. Nanacarojj jakejj jisc'achapjjetuwa, jumanacarusti wali jach'a uñjañampiw uñjapjjaractamjja.

2 Corintios 5:20

Uqhamajj Diosan qhitanacapjamawa jumanacar jutapjjsma, Dios quicpas jumanacar achict'apquiristam nanac toke uqhama. Tatitun sutipjjaruw achict'apjjsma: sumancthapjjapjjamay Diosampejja.

Gálatas 3:26

Jumanacajj iyawsañ token takeniw Diosan wawanacapäjjapjjta, Cristo Jesusamp mayachatäpjjatanacam laycu.

Gálatas 3:28

Jupancjjasinjja janiw utjcjjeti judiosa, griegosa, esclavosa, libresa, chachasa ni warmisa. Cristo Jesusar mayachatäjjasinsti take jumanacajj mayaquëjjapjjtawa.

Gálatas 4:13

Niya yatipjjtawa, kalltan jumanacarojj khespiyasiñ arunaca yatichapcsma ucajja, janchin usuta uñjasitajj laycuw yatiyapjjsma.

Gálatas 4:15

¿Cunas camachjje uca cusisiñanacamampejja? Jumanac toke sum arsuriscäyäta ucajja, nayranacamsa apsusipjjasamänwa nayar churañataquejja.

1 Tesalonicenses 2:13

Acanacatjja Diosarojj yuspagarapjjapuntwa, cunapachatejj jumanacajj Diosan arunacap ist'apjjta nanacajj khanañchapcäyäsma ucqhajja, jumanacajj janiw jakenacan arunacapjamti catokapcäyätajja, jan ucasti Diosan arunacapjamwa catokapjjta. Chekpachansa Diosan arunacapawa, jach'a luräwinacaracwa luri jumanac iyawsirinacampejja.

1 Tesalonicenses 4:8

Uqhamajj qhititejj aca yatichäwir jisc'achqui ucajja janiw qhiti jakerus jisc'achquiti, jan ucasti Diosaruw jisc'achasqui, qhititejj Ajayup churquistu ucaru.

Hebreos 13:2

Jan armt'asipjjamti utanacamar visitanac catokañjja, uqham lurasajj yakhepanacajj jan yatisaquiw angelanacs catokapjjäna.