Gálatas 4:1 - Qullan Arunaca

¹ Acampejj aqhamwa sañ munta: Cunapachatejj herencia catokerejj wawäsquejja, janiw cunans mayjäquiti esclavotjja, chekpachansa take cunasa jupancchi ucasa.

Aymar Bibliia 1986

¹ Acampejj aqhamwa sañ munta: Cunapachatejj herencia catokerejj wawäsquejja, janiw cunans mayjäquiti esclavotjja, chekpachansa take cunasa jupancchi ucasa.

Qullan Arunaka DC

¹ Akampix akham sañ munta: Yänak katuqiritix wawäskchixa, utankir uywatampi sasiwa, taqi yänakax jupankchi ukasa.

Gálatas 4:1 Jak'a apnaqawi uñst'ayäwi

2 Reyes 11:12

Ucatsti Joiada sacerdotejj irpsunïnwa reyin wawaparu, ucat p'ekeparojj corona uchäna, uqhamarac churäna reyin leyinacapa, ucatsti p'ekepata aceite warjjatasinjja reyitwa utt'ayäna. Ucjjarusti takeniwa amparanacap t'ajjllirasipjjäna, aqham sasa art'asisaraqui: “¡Reyejj jacpan!” sasa.

2 Reyes 12:2

Joasan luratanacapasti chekapänwa Tatitun nayrakatapana, jupasti Joiada sacerdoten suma yatichatätap laycu.

Gálatas 3:29

Jumanacatejj Cristoncapjjsta ucajja, Abrahaman wawanacapäpjjaractawa, cuntejj Diosajj arsuwaycäna ucsa catokapjjaraquïtawa.

Gálatas 4:2

Utjiwa uywiri jakenacajja, lurañanacapata phokerinacajja, cunürcama sischiy awquipajj ucürcama.

Gálatas 4:23

Uywatan wawapajj janchin munañapatwa naci, ucampis warmipan wawapajja Diosan arsüwipajj phokhasiñapataquiw naci.

Gálatas 4:29

Cunjämatejj qhä tiemponjja janchin munañapat nascäna uca wawajj Ajayun munañapat nascäna uca wawar uñisis arcnakäna, uca pachparaquiw jichhajj jiwasanacampejj lurasisqui.

1 Juan 5:10

Qhititejj Diosan Yokaparojj iyawsqui uquïrejj jacäwipampiw khanañchi. Qhititejj Diosar jan iyawsquejja c'arit uñt'ayi, Diosajj Yokapjjat khanañchatapjja jan iyawsatap laycu.