Gálatas 2:12 - Qullan Arunaca

¹² Nayrakatajj jan judiöpquis ucanacampejj mank'aquirïnwa. Cunapachatejj Santiagon qhitatanacapajj purinjje ucqhasti, jan judiöpquis ucanacatjja jithektjjewa, janiraquiw jupanac chica mank'cjjänti, circuncidat castanacaru ajjsarasina.

Aymar Bibliia 1986

¹² Nayrakatajj jan judiöpquis ucanacampejj mank'aquirïnwa. Cunapachatejj Santiagon qhitatanacapajj purinjje ucqhasti, jan judiöpquis ucanacatjja jithektjjewa, janiraquiw jupanac chica mank'cjjänti, circuncidat castanacaru ajjsarasina.

Qullan Arunaka DC

¹² Pedrox jan judiöpkis ukanakampix manq'akirïnwa; ukampis Santiagon khithanit judionakan purinitapatsti, jan judiöpkis ukanakat jithiqtxänwa, janiw jupanak chika manq'kxänti, circuncisión katuqayirinakar axsaratap layku.

Gálatas 2:12 Jak'a apnaqawi uñst'ayäwi

Proverbios 29:25

Jakenacar ajjsarañajj sipitar uñtatawa, ucampis qhititejj Tatitur iyawsqui ucawa imatäni.

Isaías 57:11

“¿Qhitiraqui uca diosanacasti, cawquïrinacarutejj jumajj ajjsarcayäta, jach'añchcaraquïyäta nayar apanucusa, uqhamat nayat k'ala armt'asiñamataquisti? Cunapachatejj jumajj nayaru jan jach'añchquïyästa ucqhajja, nayajj amuquïscayätwa, jan amuyiriquiw tucuraquïyätjja.

Isaías 65:5

Sapjjaraquiwa: ‘Ucar kheparam, janiraqui llamct'istati, sinti kollanaraquïtwa jaken llamct'atäñataquejj’ sasa. Uca jakenacasti jornal naqhir ninar uñtatäpjjewa; nasatsa jek'epajj ch'isintayaraquituwa.

Lucas 15:2

Ucatwa fariseonacampi, ley yatichirinacampejj juparojj c'umipjjäna: —Aca jakejj juchararanacaruw catoke, ucanacampiraquiw mank'e —sasaw sapjjäna.

Lucas 5:38

Ucatwa chhuyu vinojj machak lip'ichit lurat wayakar imañajj waquisi, paypach suma imatäñapataqui.

Hechos 10:28

Pedrosti jupanacarojj sänwa: —Jumanacajj yatipjjtawa, mä judío jaketaquejj jan walïtapa mä yakha marcanquir jakempi parlañapajja, uqhamarac utapar mantañapasa. Ucampis Diosaw nayarojj yatichitu jan qhitirus: ‘Jan wali jakëtaw’ saña, uqhamarac jan qhitirus jisc'achañataqui.

Hechos 12:17

Ucampis jupajj amparap aytasaw amuct'ayäna. Ucatsti jupanacarojj yatiyänwa cunjämtejj Tatitojj jupar carcelat irpsuncatayna uca. Saraquïnwa: —Acanacjja Jacobor yatiyanipjjam maynïr jilatanacampiru —sasa. Uc sawayasinjja jupajj mistuwayjjänwa, yakha tokeruw sarawayjjaraquïna.

Gálatas 2:14

Ucampis nayaw uñjtjja jan Tatitun arunacaparjama sarnakatanacapa, ucatwa Pedrorojj ajanuparu sista take jilatanacan nayrakatapan, aqham sasa: “Jumajj judiöcasin jan judiöpquis ucanacjamaquiw sarnaktajja, ucampis ¿cunjämsa jan judiöpqui ucanacarojj judiöpcaspas uqham sarnakayañ muntajja?” sasa

Gálatas 2:9

Ucatwa Santiagompi, Pedrompi, Juanampejj jilïrinacäsinjja uñjapjje Diosajj nayaru aca luräwi churquitu ucjja. Ucatsti ampara churapjjetu nayaru uqhamaraqui Bernabearu cuna. Acjja lurapjjänwa mayaquïctansa uca amtäwimpi, jan judiöpquis uca taypin nanacan irnakañajj-jja: “Waliquiw” sapjjaraquiwa, jupanacasti judionac taypin irnakapjjañaparaquïnwa.

Efesios 2:15

Cristojj pachpa janchipanwa leyejj cuntejj siscäna ucjja tucuyawayi. Paypach marcsti mä sapa machak marcaruquiw tucuyaraqui, juparu mayachataraqui. Uqhamwa sumancañjja utjayawayi.

Efesios 3:6

Uca jan amuyt'caña imantatajja acawa: Tatitun khespiyasiñ arunacap tokew jan judiöpquis ucanacajj judionacamp chica pachpa herencia catokapjjani, uqhamarac mä cuerporu tucutaquïpjjewa, Cristo Jesusar Diosajj arsuwaycäna ucsa catokapjjaraquiniwa.

1 Tesalonicenses 5:22

Take jan walinacat saraktapjjam.