Éxodo 9:18 - Qullan Arunaca

¹⁸ Uca laycusti, nayajja arumanthi aca horasarusti walpunwa chhijchhintayäjja, janiw cunapachas uqhama purirïquiti aca Egipto marca kalltat jichhacamajja.

Aymar Bibliia 1986

¹⁸ Uca laycusti, nayajja arumanthi aca horasarusti walpunwa chhijchhintayäjja, janiw cunapachas uqhama purirïquiti aca Egipto marca kalltat jichhacamajja.

Qullan Arunaka DC

¹⁸ ¡Walikiwa!, nayax arumanthix walpun chhijchhintayä, ukham chhijchhix janiw Egipto markan utjatapat jichhakamax kunapachas utjirïkiti.

Éxodo 9:18 Jak'a apnaqawi uñst'ayäwi

1 Reyes 19:2

Ucatsti Jezabel warmejj mä yatiyirwa Eliasan ucaru qhitäna yatiyaniñapataqui, aqham sasa: “¡Jumatejj Eliasästajja, nayajj Jezabelaraquïtwa! Ucatsti diosanacajj nayarojj walipuni mutuyitpan, kharürojj janitejj aca pachpa horasaru jumar lurcaraquïma, cunjämtï uca profetanacampi lurctajja uqhama ucqhajja” sasa.

1 Reyes 20:6

Ucjjarusti sascacsmawa, kharüru aca pachpa horasaruwa oficialanacajja qhitanëjja palacioma uñarañapataqui, uqhamarac yanapirinacaman utanacapsa, ucatjja cunanacatejj jupanacatac sumanacäcani ucanacwa catuntasipjjani’ ” sasa.

2 Reyes 7:1

Eliseosti ucjjarojj sänwa: —Ist'am Tatitun arupa. Tatitusti aqham siwa: ‘Kharürusti aca pachpa horasanwa Samaria marca mantañana pakallk kilo jac'uw alasiñajj utjani mä sapa kollketaquiqui, uqhamarac tunca pheskan kilo cebadasti mä sapa kollketaquiquiraquiw alasiñajj utjaraquini’ sasa.

2 Reyes 7:18

Uqhamawa phokhasïna cuntï profetajj reyir siscäna aqham sasa: “Samaria marcar mantañanjja aljasiniwa pakallk kilo jac'usa, jan ucajj tunca pheskan kilo cebadasa mä sapa kollkeruqui”.

Job 37:13

Diosajj take ucanacjja acapachar t'akhesiyañataquiw utjayi, qhuyapayasiñapa uñacht'ayañataqui.

Job 38:22

“¿Jumajj uñjtati cawqharutejj qhunsa, chholloksa imcta ucanacjja,

Job 38:23

take ucanacjja jan walt'añ urunacana nuwasiña guerra tiemponacana apayaniñataqui?

Salmos 83:15

Thayanacamamp jupanacar arctam, tutucanacamamp ajjsarayaraquim.

Éxodo 10:14

Uca t'ijut'ijunacajja Egipto orakpacharu wali phokhantasawa take mank'süna. Uqhamasti janiw nayrajj utjiricänti, ni uca khepatsa utjcänti, walja t'ijut'ijunacajja uca urunacjamajja.

Éxodo 10:6

Ucatsti phokhantapjjaraquiniwa palacionacamaru, sirvirinacaman utanacaparu, uqhamarac take jakenacaman utanacaparusa. Uqhämsti janiw cunapachas uñjapjjerïcänti awquinacamajja, ni achachilanacamasa jacapqui uca uruta jichhürcamajja’ —sasa. Faraonar uqham sasinsti Moisesajj janc'aquiw cutstawayjjäna.

Éxodo 11:6

Ucatsti take Egipto marcpachanwa wali jachañanacampi warariñanacampejj utjani, ucanacasti janiw cunapachas utjiricänti, ni acat kheparus mayampi utjcaniti.’

Éxodo 9:17

Ucampis jumajj janiw munctati marcajjaru sarjjañapatac antutañjja.

Apocalipsis 16:21

Alajjpachatsti jach'a chhijchhiraquiw jakenacjjarojj purinitayna, uca chhijchhinacasti yakhepanacajj pusi tunca kilow pesapjjäna. Jakenacasti walpun Dios tokejj arusipjjäna jan wali arunaca arsusa uca t'akhesïwin jutatapata.