Éxodo 6:12 - Qullan Arunaca

¹² Ucampis Moisesajj Tatiturojj saraquïnwa: —Janiw israelitanacas ist'apquituti, ¿cunjämaraqui faraonasti ist'itani? Nayasti janiw suma parlirïcti —sasa.

Aymar Bibliia 1986

¹² Ucampis Moisesajj Tatiturojj saraquïnwa: —Janiw israelitanacas ist'apquituti, ¿cunjämaraqui faraonasti ist'itani? Nayasti janiw suma parlirïcti —sasa.

Qullan Arunaka DC

¹² Moisesasti ukxaruw Tatitur sarakïna: —Janiw israelitanakas ist'apkituti, ¿kunjämarak faraonasti nayar ist'itanisti? Nayax janiw sum parlirïkti —sasa.

Éxodo 6:12 Jak'a apnaqawi uñst'ayäwi

Éxodo 3:11

Ucatsti Moisesajj Diosarojj sänwa: —¿Qhitïtsa nayajja, faraonan ucaru sarasina Egipto marcat israelitanacaru apsuniñataquejja? —sasa.

Éxodo 3:13

Moisesasti Diosarojj saraquïnwa: —Nayatejj sarasina israelitanacarojj säjja: ‘Nayra awquinacaman Diosapaw nayarojj qhithanitu’ sasa. Ucatsti jupanacajj nayaru jisct'apjjetaspa: ‘¿Cunas sutipajja?’ sasa; ucqhasti nayajj, ¿cun säsa jupanacarojja? —sasa.

Éxodo 4:1

Ucatsti Moisesajj Tatitu Diosarojj sänwa —Jupanacasti janiw iyawsapquitaspati, ni arunacajjsa ist'añ munapcaraquispati, jan ucasti sapjjaspawa: ‘Tatitojj janiw jumarojj uñstcpachätamti’ —sasa.

Éxodo 4:10

Moisesajj Tatiturojj sänwa: —¡Ay Tata! Nayajj janiw suma parlirïcti, ni nayrasa, ni jichha naya sirvirimampi parlcta ucqhasa. Cunapachatejj parlcta ucqhajja qhact'irïtwa janiw arunacsa suma arsurïcti —sasa.

Éxodo 6:13

Ucatsti Tatitojj Moisesampi, Aaronampi parlasinjja yatiyäwi arunac churäna israelitanacataqui, uqhamarac Egiptonquir faraonataquisa, jupanacajj israelitanaca Egipto marcat apsuniñapataqui.

Éxodo 6:30

Ucatsti Moisesajj saraquïnwa: —Tata, nayajj janiw sum parlirïcti, ucasti, ¿cunjämaraqui faraonasti nayarojj ist'itaspa?

Éxodo 6:9

Ucatsti Moisesajj israelitanacaruw parläna, ucampis jupanacajja janiw Moisesarojj ist'añ munapcänti, jupanacajj wali mayjt'atäpjjänwa sinti ch'ama lurañanacampi t'akhesiyatajja.

Isaías 6:5

Nayasti saraquïyätwa: “¡Ay, cunaquïcan nayataquejja, jichhajj jiwapunchëjjaya! Nayrajjampiw take ch'amani Tatitu Reyerojj uñjta, nayasti jucharar jakëstjjaya jucha parliriraqui, jucha parliri marca taypinrac jacaractsa” sasa.

Jeremías 1:6

Nayasti saractwa: “¡Ay, Tata! ¡Nayajj wawäsctwa, janiw parlañsa yatcti!” sasa.

Jeremías 6:10

Nayasti saractwa: “¿Qhitirac ist'itani, nayan parlatajjarusti, uqhamaraqui aca yatiyäwi churatajjarusa? Tata, jinchunacapajj lluphantatawa, janiw ist'apcaraquiniti; arunacamatsti larusipjjaraquiwa, Arunacamsti janiw munapcaraquiti.

Jeremías 9:26

Egipto, Judá, Edom, Amón, uqhamaraqui Moab orakenacarusa, take wasara token utjirinacarusa, qhitinacatejj paranacapa qhithurasipqui ucanacarusa. Take uca marcanacasti, uqhamaraqui Israel marcasa, chuymanacapanjja janiw Diosar uñt'apquiti.”

Levítico 26:41

nayasti jumanaca contraw sayt'araquëjja ucatsti uñisirinacaman marcaparuw apapjjaraquïma; ucanwa jan Diosar uñt'iri amuyunacamajj jisc'achata uñjasini, juchanacapatsa mutuyäwi catokapjjaraquini.

Hechos 7:51

“Estebanajj sascaquïnwa: Jumanacajj sinti kala chuyman jakenacäpjjapuntawa. Jinchunacamasa Diosar jan uñt'ir jakenacanjamawa. Jumanacajj Kollan Ajayu conträpjjaractawa, cunjamäcäntejj awquinacamajj uqhamaraquïpjjtawa.

Deuteronomio 30:6

Tatituw jumanacan chuymanacamaru uca suma arust'äwin chimpu uchapjjätam, uqhamarac khepa wawanacamarusa, jumanacan take chuymampi, almamampi munapjjañamataqui, uqhamat walja maranac jacapjjañamataqui.