Éxodo 4:27 - Qullan Arunaca

²⁷ Ucañcamasti Tatitojj Aaronaruraquiw saraquïna: “Wasararu saram Moisés jilamar catokañataqui” sasa. Aaronasti iyaw sasawa saräna Diosan kolluparu puriñcama, ucansti Moisés jilapar jicjjatasinjja jamp'att'asinwa aruntäna.

Aymar Bibliia 1986

²⁷ Ucañcamasti Tatitojj Aaronaruraquiw saraquïna: “Wasararu saram Moisés jilamar catokañataqui” sasa. Aaronasti iyaw sasawa saräna Diosan kolluparu puriñcama, ucansti Moisés jilapar jicjjatasinjja jamp'att'asinwa aruntäna.

Qullan Arunaka DC

²⁷ Ukchañkamasti Tatitux Aarón chacharuw sarakitayna: “Moisés jilamamp jikisir wasarar saram” sasa. Aaronasti iyaw sasaw saräna, Diosan qullupan Moisesarux jikxatäna, ukansti jamp'att'asaw jupar aruntäna.

Éxodo 4:27 Jak'a apnaqawi uñst'ayäwi

Génesis 29:11

Ucatsti Raquelarojj jamp'att'asaw aruntaraqui, jacht'asisa.

1 Reyes 19:8

Eliasasti sartasisinjja mank'äsinwa, umt'asiraquïnwa. Ucatjja uca mank'ajja ch'amwa churäna pusi tunca uru, pusi tunca arumampi sarañataqui, Diosan Horeb sat kolluparu puriñcama.

Salmos 105:26

Diosasti Moisés uywataparuw qhitäna, Aarón ajllit loktiriparuw qhitaraquïna,

Éxodo 18:5

Moisesasti wasaranjja campamentopjja Diosan kollupa jac'aruw lurasïna. Ucatsti Jetro awcch'ipajj ucaruw jutäna Moisesan warmipampi, uqhamarac wawanacapampi.

Éxodo 18:7

Moisesasti awcch'ipar catoker mistsunisinjja p'ekepa alt'asinwa aruntäna, jamp'att'araquïnwa. Ucatsti aruntasa catokasinsti carpaparuw mantapjjäna.

Éxodo 19:3

Ucansti Moisesajj, Diosampi jiquisiñataquiw kollur maqhatäna, ucatsti Tatitojj kollutwa parlanïna: —Yatiyam aca arunaca Jacobon israelita wawanacaparu:

Éxodo 20:18

Takpach israelitanacaw uñjapjjäna llijullijunacsa, ist'apjjaraquïna khejjokhejjonaca, trompetanacan suenanacapsa, uqhamarac kollut wali jiwk'enac mistursa; ucatsti jupanacajj wali ajjsarayasisajj jayatacwa uñch'uquipjjäna.

Éxodo 24:13

Moisesajj Diosan kolluparojj maqhatänwa Josué yanapiripampi chica.

Éxodo 3:1

Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Éxodo 4:26

Ucatsti Tatitojj Moisesarojj sarjjañapataquiw jaytjjäna. Ucat Séfora sat warmipajj Moisesarojj sänwa: “Jumasti chekpachana wila toke chachajjätawa circuncisión toke” sasa.

Eclesiastés 4:9

Mayni sapat sipansa paniniw juc'amp asquejja, uqhamatwa juc'amp luratas utjaraqui.

Hechos 10:20

Sartam, sarakaraquim. Jupanacamp sarañsti janirac pächasimti, nayaw jupanacarojj qhitanta” sasa.