Éxodo 38:9 - Qullan Arunaca

⁹ Ucjjarusti Bezaleel chachajj luraraquïnwa Tatitumpi Jiquisiñ Carpan patiopa. Patio aynach toke cortinasti pusi tunca pheskan metronïnwa lino sat hilo c'anthitat lurata.

Aymar Bibliia 1986

⁹ Ucjjarusti Bezaleel chachajj luraraquïnwa Tatitumpi Jiquisiñ Carpan patiopa. Patio aynach toke cortinasti pusi tunca pheskan metronïnwa lino sat hilo c'anthitat lurata.

Qullan Arunaka DC

⁹ Ukxarusti Besalel chachax Tatitump Jikisiñ Carpan utänqap luräna. Aynach tuqirusti cortinax pusi tunka phisqan metronïnwa, ukasti lino k'anthitat luratänwa.

Éxodo 38:9 Jak'a apnaqawi uñst'ayäwi

1 Reyes 6:36

Patio mankhëjj-jja lurayänwa quimsa seke c'uthata kalanacampi, maya sekëqui ucsti cedro madera vigampiraquiw lurayäna.

Salmos 100:4

Puncunacapar jac'achasipjjam, kollan utapar mantapjjam, yuspagar churapjjam, sutip jach'añchapjjaraquim.

Salmos 84:10

Mä uruquis utaman kamañajj juc'amp sumawa, warank urunac ankancañat sipana. Nayajj Diosan templopancañ munta, ñankha lurañ chekawjan jacañat sipana.

Salmos 84:2

Takpach almajjampiw temploman uyupancañ munta, takpach chuymajjampiw jacquir Diosar cusisit k'ochta.

Salmos 89:7

Take ch'aman ajjsarcay Diosätawa, alajjpachanquirinacamp muyuntatätawa.

Salmos 92:13

Tatitun utapan ayruntatäpjjewa, Diosasan uyupan pankarapjje;

Éxodo 26:1

“Tatitumpi Jiquisiñ Carpsti tunca cortinani luräta, uca cortinanacajja lino sat hilonaca c'anthitata luratäñapawa, suma azul telata, morado telata, uqhamarac wila telata, ucasti querubines sat angelanacampi suma bordatäñapawa.

Éxodo 38:10

Uca quipcaraqui pä tunca poste lawanaca luraraquïna, uqhamarac pä tunca tacnokañanaca bronceta luraraquïna aynach mankheru uchañataqui, ucampis ganchonacapsa, anillonacapsa kollketa luraraquïnjja.

Éxodo 40:33

Ucjjarusti Moisesajj patio sayt'ayaraquïna kollan chekaru, uqhamarac altararusa cortinanacampi muyuntayasa; uca quipcaraqui patio puncu mantañarusti cortinaraqui warccataraquïna. Uqhamwa Moisesajj Tatitumpi Jiquisiñ Carpa lurañjja tuct'ayänjja.

Éxodo 40:8

Ucjjarusti patiorojj cortinampiw muyuquipayaraquïta, uqhamarac patio puncurusa cortinampiraquiw ucharaquïta.

Números 3:26

Uqhamarac cortina pation utjqui ucata, patior mantañansa cortinajj utjqui ucata, cawquïritejj kollan chekana altararu muyuntqui ucanacata, uqhamaraqui cawquïri cuerdanacatï uchatäqui ucanacampita.

Números 4:26

uqhamaraqui pation cortinanacapa, cawquïri cortinatejj patior mantañancqui uca, altararu muyuntqui uca, uqhamarac cuerdanacapa, take cunanacatejj loktañataquïqui uqhamaraqui lurañanacataquis waquisqui ucanaca.