Éxodo 34:20 - Qullan Arunaca

²⁰ Ucampis asnona nayrïr kallupa lantsti mä oveja jan ucajj mä cabrito churapjjäta, ucampis jan churapcäta ucasti uca asno kallurojj jiwayapjjañamawa. Uqhamarac jilïr wawanacamatsti churapjjañamaraquiwa mä suma ofrenda. Uqhamasti janiwa qhitisa nayan ucarojj jutañapäquiti jan cunsa apanisajja.

Aymar Bibliia 1986

²⁰ Ucampis asnona nayrïr kallupa lantsti mä oveja jan ucajj mä cabrito churapjjäta, ucampis jan churapcäta ucasti uca asno kallurojj jiwayapjjañamawa. Uqhamarac jilïr wawanacamatsti churapjjañamaraquiwa mä suma ofrenda. Uqhamasti janiwa qhitisa nayan ucarojj jutañapäquiti jan cunsa apanisajja.

Qullan Arunaka DC

²⁰ Ukampis qachu asnon tayna qallup lantxa, mä oveja, jan ukax mä cabrito churapxäta; jan churapkäta ukasti, uka asno qallurux kunkat q'iwinukupxäta. Ukxarusti jilïr wawanakamat mä suma waxt'a churapxarakïta. Ukhamasti janiw khitis nayan ukarux ch'usa amparak jutañapäkiti.

Éxodo 34:20 Jak'a apnaqawi uñst'ayäwi

2 Samuel 24:24

Reyisti saraquïnwa: —Janiw luratajjajj Diosatacjamäcaspati. Jan ucasti take aca orakemjja alañajjapuniwa, kawkhäquitejj alapajj uca pagasa, janiraquiw Tatiturojj cunatejj jan alanïqui uca ofrendanac churcaraquiristti —sasa. Uqhamaw Davidajj uca orake aläna, uqhamaraqui uca orko vacanacatsa alapa pagaraquïna pheska tunca sencillo kollkenaca,

Éxodo 13:10

Uca laycuwa jumanacajj aca fiesta sapa mara lurapjjäta.’

Éxodo 13:12

loktjjapjjätawa take jilïr yokall wawanacama, uqhamarac uywanacan nayrïr orko kallunacapsa, take ucanacajja Tatitunquiwa uca laycu.

Éxodo 13:13

Ucampis asnona nayrïr kallupa lantsti mä orko ovej kallu churapjjäta, jan mä oveja churapcäta ucajja uca asno kalljja cuncat k'ewinucjjäta. Uqhamarac sapa mayni jilïr wawanacam lantjja mä ofrenda churapjjaraquïta uqhamat khespiyañataqui.

Éxodo 13:15

Faraonajja chuymapa kalarayascäna jan jiwasar antutaña munatapatsti Tatitojj egipcionacana jilïr tayna wawanacapwa jiwarayäna, uqhamarac uywanacapan nayrïr kallunacapsa. Ucatwa jiwasanacajj animalanacasana nayrïr orko kallunacapjja Tatiturojj loktjjtan, uqhamarac jilïr tayna wawanacas spiyañataquejja mä ofrenda loktaractanjja.

Éxodo 22:29

“Janiw khept'ätati nayatac ofrendanac apaniñjja take cosechanacamata, take vinonacamata. “Jilïr wawamjja nayaruw catuyjjaraquïtata,

Éxodo 23:15

Lurätawa jan levaduran t'ant'a mank'añ fiesta, ucsti lurätawa cunjämtejj nayajj siscsma uqhamarjama. Aca fiesta lurasinsti pakallko uruwa jan levaduran t'ant'jja mank'äta. Uqhamsti lurätawa Abib sat phajjsina, uca phajjsinwa Egiptota mistuntajja. Ucampis aca fiestanjja janiw qhitisa jan cunsa apanisajj uqhamaqui nayar uñstirejj jutañapäquiti.

Números 18:15

“Take israelitanacan jilïri wawanacapa, uqhamaraqui uywanacan nayrïri wawachat kallunacapa loktapquitani, ucanacajj jumataquïniwa. Ucampisa jakenacan jilïri wawanacapata, uqhamarac k'añu uywanacan nayrïri wawachat kallunacapatjja mayïtawa alapa cutsuyasjjañapataqui.

Deuteronomio 16:16

“Take chachaw Tatitu Diosamarojj maran quimsa cuti uñstani, cawqha chektejj jupajj ajllisqui uca chekana, aca fiestanacanwa uñstapjjani: Jan Levaduran T'ant'a Mank'añ fiestana, Semananaca sat fiestana, uqhamaraqui Enramada fiestansa. Janiraquiw cawquïri jakes Diosarojj jan cunani uñstcaniti,