Éxodo 32:27 - Qullan Arunaca

²⁷ Moisesasti jupanacarojj sänwa: —Israelan Tatitu Diosapajj aqham siwa: ‘Sapakat mayni jumanacasti espada apjjarusiwayasinjja mantapjjam campamentoru, utat uta mantasinjja jiwarayanipjjam jilanacamaru, amigonacamaru; uqhamarac uta jac'anacamarusa.’

Aymar Bibliia 1986

²⁷ Moisesasti jupanacarojj sänwa: —Israelan Tatitu Diosapajj aqham siwa: “Sapakat mayni jumanacasti espada apjjarusiwayasinjja mantapjjam campamentoru, utat uta mantasinjja jiwarayanipjjam jilanacamaru, amigonacamaru; uqhamarac uta jac'anacamarusa.”

Qullan Arunaka DC

²⁷ Moisesasti jupanakar sänwa: —Israelan Tatit Diosapax akham siwa: “Jumanakat sapa mayni espada ayxarusin campamentor kuttapxpan, ukatsti utat uta sarasin jilaparusa, masiparusa, uta jak'apankirirus jiwaypan” —sasa.

Éxodo 32:27 Jak'a apnaqawi uñst'ayäwi

2 Reyes 10:25

Jehú reyejj nact'at ofrendanaca loktañ tucuyjjasinjja, guardianacarusa, oficialanacarusa sänwa: “¡Mantanipjjam, ucatsti jiwarayapjjam! ¡Jan qhitis jaltpanti!” sasa. Jehú reyin jakenacapasti espadan puntapampiwa jupanacar jiwarayäna, ucatsti jaksunipjjänwa. Ucatjja Baal diosan templopan santuarioparuwa mantapjjäna.

Éxodo 32:26

Ucat Moisesajj campamentoru mantañäqui ucqhar sayt'asisajj sänwa: —Qhitinacatejj Tatitumpïpcta ucanacajja nayampi mayachasipjjam —sasa. Ucatsti takpach Leví sat chachan wawanacapaw Moisesampi mayachasipjjäna.

Éxodo 32:28

Levitanacajj Moisesan arunacaparojj phokhapjjänwa, uca urojja quimsa waranka chachanacawa jiwarapjjäna.

Éxodo 32:29

Ucat Moisesajj saraquïnwa: —Jichhüruwa jumanacajj loktasisa Tatitut jilïrïña catokapjjtajja mayninacajj wawanacamaru yakhepanacajj jilanacamaru jan jaysapjjatam laycu. Ucatawa jichhürojj Tatitojj jumanacarojj bendicipjjätam.

Ezequiel 9:5

Ucatsti mayni jakenacaru parljjayiri ist'aracta: “Jupan khepap sarapjjam Jerusalén marca uñatateri, ucatsti nayan templojjat kalltasina, jan qhuyapt'ayasisa jiwarayapjjam awquinacaru, waynanacaru, tawakonacaru, wawanacaru uqhamaraqui warminacarusa. Ucampisa cawquïritejj mä señalanïcani ucarusti janipuni llamct'apjjamti” sasa. Uqhamasti jupanacajj cawquïri awquinacatejj templo nayräjjancapqui ucanacatwa kalltapjjäna.

Números 25:5

Moisesajj Israelitanacan juezanacaparojj sänwa: —Sapakat mayniw jumanacatjja tribunacaman, cawquïrinacatejj Baal-peor diosar yupaychapqui uca jakenacaru jiwarayapjjañama —sasa.

Lucas 14:26

“Maynitejj nayar jutchi, ucatsti awquiparu, taycaparu, warmiparu, wawanacaparu, jilanacaparu, cullacanacaparusa, uqhamaraqui jacañaparusa juc'ampi munaschi nayat sipansa, ucajja janiw nayan discipulojjäcaspati.

2 Corintios 5:16

Ucataracwa nanacajj jan qhititsa cunjämäquitejj aca orakenjja uqhamar lup'cjjapjjti. Nayrajj aca oraken Cristor janchin uñt'apcchïyät ucasa, janiw jichhajj lup'cjjapjjti cunjämäcäntejj jupajj uqhama.

Deuteronomio 13:10

Kalampi c'upjam jiwayañcama, jumar Tatitu Diosamata armasiyaña munatap laycu, cawquïri Diosatejj Egipto marcat irpsuntam, cawqhantï esclavot sarnakascäyäta ucata.

Deuteronomio 13:6

“Jan ucajj pachpa jilamasa, yokall wawamasa, imill wawamasa, uca munat warmimasa, uqhamaraqui uca wali munat amigomasa, jan qhitin ist'caya yakha diosanacar yupaychañ amtayätamjja, cawquïri Diosarutejj jan uñt'apcta ni jumasa ni wawanacamasa,