Éxodo 32:17 - Qullan Arunaca

¹⁷ Josué chachasti jakenacan arnakasitanacap ist'asinjja Moisesarojj sänwa: —Campamentotjja nuwasirinacjam arnakasirinacaw ist'asi —sasa.

Aymar Bibliia 1986

¹⁷ Josué chachasti jakenacan arnakasitanacap ist'asinjja Moisesarojj sänwa: —Campamentotjja nuwasirinacjam arnakasirinacaw ist'asi —sasa.

Qullan Arunaka DC

¹⁷ Josué chachax jaqinakan arnaqasitanakap ist'asax Moisesar sänwa: —Nuwasïwin arnaqasitanakjamaw campamentot ist'asi —sasa.

Éxodo 32:17 Jak'a apnaqawi uñst'ayäwi

Job 39:25

Trompeta phust'asipansti warariwa, jayatpachwa guerran nuwasiñsa munt'araqui, jilïrinacana arunacapsa, arnakasitanacsa ist'araquiwa.

Salmos 47:1

Takpach marcanaca, ampar t'ajjllirasipjjam, cusisiñat art'asiñamp Diosar jach'añchapjjam:

Éxodo 17:9

Ucatsti Moisesajj Josué chacharojj sänwa: —Israelitanacatjja mä kawkha chachanaca ajlliwayasinsti, amalecitanacamp nuwasiri saram. Nayasti arumanthejja kollu pataruw mistöjja Diosan jach'a thujrupasa amparajjaru apt'ata —sasa.

Éxodo 24:13

Moisesajj Diosan kolluparojj maqhatänwa Josué yanapiripampi chica.

Éxodo 32:16

Dios pachpawa tablanaca luräna, jupa pachparaquiw uca tablanacarojj kellkaraquïna.

Éxodo 32:18

Ucat Moisesasti saraquïnwa: —Janiw atipjirinacan cusisiña k'ochunacapjamäquiti, ni atipjatanacan llaquit k'ochunacapjamäquisa, jan ucasti nayajj yakha casta k'ochunacwa ist'tjja —sasa.

Éxodo 32:6

Ucat khepa arumarjisti sartasinjja sacrificionac nact'ayasinwa loktapjjäna sumancthapiñataqui. Ucatsti jakenacajj wal mank'apjjäna, umapjjäna; uqhamarac wali cusisipjjaraquïna.

Jeremías 51:14

Take ch'amani Tatitu Diosasti pachpa jacañapjjaruw juramentompi arsuraqui: “¡Uñisirinacamampisti t'ijut'iju lak'onacampjamaw phokhantäma, jupanacasti jumaru atipjasinjja jach'at arnakasipjjani!.”

Amós 1:14

Ucatwa ninampi phichcatäjja Rabá marcan uyunacapjja, uca ninasti k'alwa palacionacapsa, guerran arnakasitanacapampi naqhantani mä thaya uruna.

Amós 2:2

Ucatwa ninampi phichcatäjja Moab orakerojja, uca ninasti Queriot marcan palacionacapsa k'alwa naqhantanejja, moabitanacajj jiwarapjjaniwa trompeta ist'asa guerran warariñanacampi.

Josué 6:10

Josué chachasti israelitanacarojj sänwa: “Janiw cuna arus ist'asiniti janiraquiw cunsa parlapjjätati, nayaw sasipcäma cuna horasatejj jach'at art'apcäta ucjja” sasa.

Josué 6:16

Cunapachatejj sacerdotenacajj pututunacap phust'apjjäna pakallko cutina ucqhajj, Josué chachasti takpacha Israel marcaruw säna: “¡Jichhasti jach'at art'apjjam! Diosasti Jericó marcjja jumanacaruw catuyapjjtam.

Josué 6:20

Uqhamaw takpach Israel marcajj jach'at art'apjjäna, sacerdotenacas pututunacap phust'apjjaraquïna, ucatsti mayac Jericó marcan perkanacapajj tincjjäna. Ucatsti take Israel jakenacaw marcarojj catuntañatac chhuqhuntapjjäna.

Josué 6:5

Cunapachatejj pututu phust'iri ist'apjjät ucqhajj, jumanacaw wali jach'at art'apjjäta, ucatsti take Jericó marcan perkanacapajj tincuraniwa. Ucatwa take jumanacajj chekaqui Jericó marcar mantapjjäta” sasa.

Jueces 15:14

Cunapachatejj Lehi sat chekaru puripcäna ucqhajja filisteonacajj cusisiñata wali arnakasisaw jutapjjäna. Ucampis Diosan ajayupaw Sansón chachajjar jutäna. Ucatsti Sansón chachajj amparanacapan ñach'antatäqui uca wiscanacjja jan cunaquiw t'akaräna, mä lino sat pita naqhantataru uñtata.

1 Samuel 17:20

Khepärmanthisti Davidajj wali alwatwa sartasïna, ovejanacap mayniru jaytawayasinsti, cunanactejj Isaí awquipajj churcatayna ucanac apt'ataw sarawayäna. Campamentor purcän ucapachasti, ejercitojj nuwasiri mistuñataquiw waquichasiscäna, uqhamarac guerrar mistuñataquiw arnakasipjjaraquïna.

1 Samuel 17:52

Uqhamasti israelita jakenacajja, uqhamarac Judá ucanquir jakenacasa, filisteonacan jaltjjatanacap uñjasinsti, wali jach'at arnakasisaw filisteonacarojj arctapjjäna, Gat sisqui uca mantañcama, Ecrón marcan puncupcamaraqui. Thaquinsti Saaraim sisqui ucat, Gat uqhamarac Ecrón sisqui ucacamajja filisteo soldadonac jiwaratajja walipunïnwa.