Éxodo 32:11 - Qullan Arunaca

¹¹ Ucat Moisesajj Tatitu Diosaparuw mayïna aqham sasa: —Tatitu, ¿cunatsa colerasïta jakenacamataquejja? Juma pachpajjay Egipto marcatjja irpsunstajja jach'a ch'amamampi, uqhamarac jach'a cancañamampejja.

Aymar Bibliia 1986

¹¹ Ucat Moisesajj Tatitu Diosaparuw mayïna aqham sasa: —Tatitu, ¿cunatsa colerasïta jakenacamataquejja? Juma pachpajjay Egipto marcatjja irpsunstajja jach'a ch'amamampi, uqhamarac jach'a cancañamampejja.

Qullan Arunaka DC

¹¹ Moisesasti aka arunakampiw Tatit Diosapar sumachañ munäna: —Tatay, ¡janikiy aka markatak q'apisimti! Juma pachpaxay Egipto markat jupanakar jach'a ch'amamampi, jach'a kankañamamp irpsunstaxa.

Éxodo 32:11 Jak'a apnaqawi uñst'ayäwi

Génesis 18:27

Ucampis Abrahamajj sascaquïnwa: —Perdonit nayan uqham jumar parlatajjata, jumasti Diosätawa, nayasti mä jisc'a jakequïtwa;

1 Reyes 8:51

Jupasti marcamawa, jumancaraquiwa; jumaraquiw Egiptotjja apsuniractajja, uca orakesti hierro umatatayañ hornjamänwa.

Nehemías 1:10

“Nanacawa juman uywatanacamäpjjta, uqhamarac marcamasa, qhitinacarutejj jach'a ch'amamampi, jach'a luräwinacampi khespiyapjjestajja.

Salmos 106:23

Diosajj jupanacar tucjañ munäna; jupan ajllit Moisesasti, nayrakatapan achict'äna, ucat k'apisiñap t'acurayäna.

Éxodo 32:7

Ucatsti Tatitojj Moisesarojj sänwa: —Sarakawayam ucatsti uñjanim, Egiptota irpsuncta uca jakenacamajj jan walt'añaruw puripjje.

Éxodo 6:6

Jichhasti saram, israelitanacarojj aqham sätawa: ‘Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Éxodo 8:8

Ucatsti faraonajj Moisesampiru, Aaronampir jawsayanisajja sänwa: —Tatitur mayipjjam c'ayranaca apakañapataqui nayata, uqhamarac jakenacajjata, nayasti jakenacamarojj antutjjäwa Tatitur sacrificio loktir sarjjapjjañapataqui.

Isaías 63:17

¿Tata, cunatrac thaquimat saranucupcta ucqhasti jan jarct'apjjesta, cunatrac chuymanacajjsti kalarayapjjesta jumar jan jaysañataquisti? Sirvirinacamar munatam laycusay sum tucuyapjjeta cawquïri tribunacatejj jumancqui ucanac laycusaya.

Jeremías 15:1

Tatitusti saraquituwa: “Moisés, uqhamaraqui Samuel, ucanacasay nayan nayrakatajjaru uñstaniscpan, ucqhas janipuniw nayajj aca jakenacat qhuyapayasquiristti. Nayan nayrakatajjatsti mistupjjpan, jayar sarapjjpan.

Lamentaciones 2:20

Tatay, nanacar uñtanipjjeta, amuyt'araquim, janipuniw qhitirusa nanacarjamajj lurjctati. ¿Taycanacansti waquisipunpachati ñuñusquiri wawanacaparu mank'antasiñapasti? ¿Sacerdotenacansa, profetanacansa kollan utaman jiwarayatäñapapuniti waquispacha?

Ezequiel 20:9

Ucampisa sutejjan jach'añchäwip laycuw luraracta, uqhamat yakha marcanac nayrakatan jan mayjt'ascañataqui, cawquïri marcanac taypintejj jupanacajj jacapcän uca marcanac nayrakatana, uca marcanac nayräjjanracwa jupanacaru uñstäyätjja, uqhamaraqui Egiptot apsjjañataquis arsuraquïyätjja.

Daniel (hebreo) 9:15

“Nanacan Diosajja, jumaw jach'a ch'amam uñacht'ayapjjesta, marcamaru Egiptot apsusajja, uqhamat juman jach'a sutimjja uca urunacatpachwa wali jach'aru tucuyaractajja, jichhürcama; ucampisa nanacajj juchanacaqui lurasipctjja, jan walinacaqui lurasipcaractjja.

Joel 2:17

Sacerdotenacasti jachapjjpan, Tatitur sirvirinacasa Tatitun altarap nayräjjansti sapjjaracpan: “Dios Tata, marcamarojj perdonam; janirac munamti marcamatjja qhitin larusiñapsa, uqhamaraqui jan munamti yakha nacionanacan marcamar apnakañapsa, Diosar jan uñt'ir jakenacana jan sasipcañapataqui: ‘¿Cawquincarac Diosapasti?’ ” sasa.

Números 11:11

ucatsti Tatiturojj sänwa: —¿Cunatsa sirvirimaru jan wal uñjta? ¿Cunas juchäjje nayan aca marcampi acatak ch'am tucuñajjataquejja?

Números 14:13

Ucampis Moisesajj Tatiturojj sänwa: —Jumaw jach'a ch'amamampi Egiptot aca marcar irpsunipjjesta. Cunapachatejj egipcionacajj cuntï lurcäta uc yatipjjani ucqhajj,

Números 16:22

Ucampis jupanacajj ajanunacap oraker puriyañcamaw alt'apjjäna, ucatsti sapjjaraquïnwa: —Dios Tata, jumaw take jakenacarus jacañ churta, ¿takpach marcampiti colerasïta mä sapa jaken juchapatjja? —sasa.

Números 21:7

Ucatwa jakenacajj Moisesan ucaru sarapjjäna, aqham sasa: —Jucha lurapjjta Dios contra, uqhamarac juma contra parlasajja. Tatituruy mayim aca catarinac apakjjañapataqui —sasa. Ucatwa Moisesajj Tatitur mayïna israelitanacar perdonañapataqui.

Números 27:4

Ucampisa janiw asquïquiti nanacan awquejjan sutipa chhaktayañajja, jach'a familiapatjja jan jupan yokall wawanïtap laycojja. Nanacarusti churapjjetay mä jisc'a orake, awquejjan jilanacapan taypiparu” sasa.

1 Samuel 15:11

“Saúl chachar reyit utt'ayatajjatsti walpun amtta, nayatsti jithektituwa, arsutanacajjsti janiraquiw phokquiti” sasa. Samuelosti uca ist'asajj wali mayjt'ataw kheparäna, ucat uca aruma pakariraquiw Tatituru mayïna.