Éxodo 31:13 - Qullan Arunaca

¹³ “Jumasti israelitanacarojj aqham sasa yatiyam: ‘Jumanacasti nayan samarañ urunacajj-jja imapjjätawa, ucasti mä unanchawa wiñayataqui nayampi jumanacampitjja, uqhamatwa jumanacajj yatipjjäta naya Tatitojj jumanacaru ajllisitajja.

Aymar Bibliia 1986

¹³ “Jumasti israelitanacarojj aqham sasa yatiyam: ‘Jumanacasti nayan samarañ urunacajj-jja imapjjätawa, ucasti mä unanchawa wiñayataqui nayampi jumanacampitjja, uqhamatwa jumanacajj yatipjjäta naya Tatitojj jumanacaru ajllisitajja.

Qullan Arunaka DC

¹³ “Israelitanakar parlam jupanakarusti sarakim: ‘Jumanakax nayan sábado urunakax imapxätawa, ukax wiñayatak nayampi, jumanakamp taypinkir chimpuwa, ukhamat yatipxäta naya, Tatitun jumanakar ajllisitaxa.

Éxodo 31:13 Jak'a apnaqawi uñst'ayäwi

Nehemías 9:14

Jupanacarojj yaticharactawa samarañ uru jumatac imapjjañapataqui, ucatjja Moisés sirvirim tokejj churaractawa camachi arunaca, leyinaca, uqhamarac yatichäwinaca.

Éxodo 31:12

Tatitusti Moisesaru parlasinjja sänwa:

Éxodo 31:17

Ucasti mä unanchawa nayampi israelitanacampitjja.” Tatitusti sojjta urunwa alajjpachsa, uqhamarac aca oraksa luräna, ucampis pakallko urunsti lurañanaca jaytasawa samaräna.

Isaías 56:2

Cusisiñaniw cawquïri jaketejj aca camächinac take chuymampi phokqui ucajja, samarañ ursa sum imaraqui jan taquisisa, ñankha lurañanacatsti jaltaraquiwa janiw cuna jan walsa lurquiti.”

Jeremías 17:22

Uqhamaraqui samarañ urunjja jan carganac utanacamatjja apsupjjamti, janiraqui uca urojj cuna casta irnakäwsa lurapjjamti. Samarañ ursti nayaru loktanipjjeta, cunjämtejj nayra awquinacamaru siscäyätjja uqhama.

Ezequiel 20:12

Uqhamaraquiwa jupanacarojj yatiyta nayan samaraña urojj toketsa, ucasti mä unañchäwiñapänwa nayampi jupanacampi cuna arust'äwtejj lurapcta uca toketa, uqhamaraqui mä amtasïwiñapänwa naya Tatitojj jupanacaru nayataqui yakhachasitajjata.

Ezequiel 20:20

nayan samarañ urunacajjsti wali ajjsart'añampi uñjapjjam, uqhamat uca urunacajj mä unañchawïñapataqui cuna arust'äwinactejj nayajj jumanacampi lurcta uca tokenacatjja, uqhamatwa jumanacajj yatipjjäta nayajj jumanacan Tatitu Diosamätajja.

Ezequiel 37:28

Cunapachatejj nayan kollan templojjajj jupanac taypin wiñayataqui ucancani ucapachaw yakha marcanacajj nayan Israel marcaru ajllisitajja yatipjjani, nayataquejja mä suma kollana ajllisitajjäcaspas uqhama.’ ”

Ezequiel 44:24

Ch'ajjwanacansti jupanacaw juesat sayt'apjjaraquini, ch'ajjwañanacjja nayan leyinacajjarjamaw t'akjapjjaraquini. Fiestanac toketsti take leyinacajja, uqhamaraqui yatichäwinacajjwa phokhapjjaraquini, nayan samaraña urunacajjsti kollana urunacäcaspas uqhamwa wali ajjsart'añampi uñjapjjani.

Levítico 19:3

“Sapa maynisa awquiparu uqhamarac taycaparu ajjsarasa sarnakpan. Nayan samaraña urunacajjarusa imapjjaraquim. Nayätwa jumanacan Tatitu Diosamajja.

Levítico 19:30

“Samarañ urunacajjarusti imapjjapunim. Nayan utajjataquisti wali ajjsartañajj utjaracpan. Nayätwa Tatitu Diosajja.

Levítico 20:8

Nayan leyinacajjsti phokhapjjapunim, ucarjamaraqui sarnakapjjam. Nayätwa Tatitojja, nayaw jumanacarojj nayataqui yakhachasipjjaracsma.

Levítico 21:8

Jupanacarusti yakhachatpuni utjayaraquim, jupanacajj Tatitun t'ant'apa loktirïpjjatap laycu. Jupanacasti jumataqui yakhachatäpjjaraquiniwa; naya Tatitusti kollanätwa, nayaraquiw jupanacarojj kollana tucuyaractjja.

Levítico 23:3

“Sojjta uruw irnakañamjja lurasïta, ucampisa pakallko uru puripansti uca urojj janipuniw cuna luräwsa lurätati; uca urojj samaraña urüniwa, uca urusti suma kollana tantachasïwi lurasaw tantacht'asipjjaraquïta. Cawqhansa jacascam, uca urojj Tatitun urupapunïniwa, Tatituta amtasiraquïta.

Levítico 25:2

“Israelitanacarusti aqham saraquim: Cunapachatejj jumanacajj cuna oraktejj churapcäma ucaru mantjjapjjäta ucapachasti orakejj samaraniwa, uca samaräwisti Tatitutaquiraquïniwa.

Levítico 26:2

Samarañ urunacajjsti suma uñjapjjaraquim, nayan kollanawja cheksti suma wakaychapjjaraquim. Nayätwa Tatitojja.

Amós 8:5

Jumanacajj sapjjtawa: “¿Cunapachas wawa phajjsi fiestasti pasani trigo aljasiñasataquejja? ¿Cunapachas pasjjani samarañ urusti, tupunac jisc'aptayasa, balansa pesanac jisc'aptayasina, jila alaru aljañataquejja?

Mateo 23:17

¡Jan amuyun juyqhunaca! ¿Cunas juc'amp wali waquisirejja, koriti, jan ucajj uca koriru kollana tucuyquisa uca templocha?

Juan 17:17

Cheka cancañampi k'omacham juma pachpataqui, arunacamasti chekawa.

Juan 17:19

Jupanac laycuwa nayapachpas catuyasiracta, jupanacajj asquitaqui catuyasipjjañapataquiraqui.

Deuteronomio 5:12

‘Amtasïtawa samarañ urutjja, Tatitu Diosaru uca urun yupaychañamataqui, cunjämatï Diosamajj ewjjawayctam uqhama.

1 Tesalonicenses 5:23

Pachpa sumancañ Diosajj jumanacarojj phokhat k'omachäwimp k'omachpan, uqhamarac imaracpan ajaysa, almsa, janchissa, jan acch'a juchani Tatit Jesucristosan jutañapcama.

Judas 1:1

Naya Judas, Jesucriston sirviripa, Jacobon jilaparaquiw aca carta kellkta qhitinacarutï Dios Awquejj jawsqui, uqhamarac yakhachqui jupancapjjañapataqui ucanacaru. Ucanacasti imatäpjjewa Jesucristompi mayachatätap laycu.