Éxodo 30:25 - Qullan Arunaca

²⁵ Take ucanacatwa aceitjja luräta loktañataqui, cunjämtejj mä perfume lurirejj lurqui uqhama. Ucatsti uca aceitejja kollanäniwa loktäwinacana warjjatañataqui.

Aymar Bibliia 1986

²⁵ Take ucanacatwa aceitjja luräta loktañataqui, cunjämtejj mä perfume lurirejj lurqui uqhama. Ucatsti uca aceitejja kollanäniwa loktäwinacana warjjatañataqui.

Qullan Arunaka DC

²⁵ Taqi ukanakampiw luqtañ qullan aceite luräta, kamisatix suma q'apkir qullanak luririx wakichki ukhama.

Éxodo 30:25 Jak'a apnaqawi uñst'ayäwi

1 Reyes 1:39

Sadoc sacerdotejj Tatitump Jiquisiñ Carpata mä keru aceite aptasinwa ucampi Salomonaru reyïñapataqui loktäna. Ucjjarusti phust'apjjänwa orko ovejan wajjrapata, ucatsti take jakenacawa jach'at art'apjjäna: ‘¡Salomonajj jach'achatäpan!’ sasa.

1 Crónicas 9:30

Sacerdotenacatjja mä kawkhaniwa yatipjjäna suma k'apquir kollanaca waquichaña.

Salmos 133:2

Ucajj k'apquir kollar uñtatawa, sacerdotenacan p'ekepat llumekasin sunqhap chek sarakqui, cunca isipawjcam purqui uqhamawa.

Salmos 89:20

¡David uywatajjaruw jicjjatta! kollan aceitemp jawintasaw reyit utt'ayta;

Éxodo 28:41

“Uca isinacampiw isintayäta Aarón jilamaru, uqhamarac wawanacaparusa. Ucatjja aceitempiw p'eket warjjatäta uqhamat jilïr cancaña churasa, uqhamarac loktaraquïta nayan sacerdotejjäpjjañapataqui.

Éxodo 29:21

Ucjjarusti altar patjjan jilt'qui uca wilampi, uqhamarac loktañ aceitempejja Aaronarojj isipampiru ch'allsum, uca quipcarac wawanacaparusa, isinacaparusa ch'allsuraquim. Uqhamata Aaronajj, wawanacapampi, uqhamarac isinacapamppacha Diosaru suma loktatäpjjañapataqui.

Éxodo 29:7

Loktañ aceite aptasinjja, ucampiw Aaronan p'ekepat warjjatäta, uqhamata Diosar loktat sacerdotëñapataqui.

Éxodo 30:24

Mä sojjta kilo casia sat koka, kollan chekancqui uca tupuparjama; uqhamarac quimsa litro chicatani aceite oliva sata.

Éxodo 30:32

Janipuniw jumanacajj aca aceitempejj qhiti jakerus warjjatapjjaquïtati, ni aca kollana aceiteru uñtatsa yakha aceitjja waquichapjjaraquïtati. Aca aceitejja kollanawa uca laycusti jumanacajj kollanatwa uñjapjjañamaraquejja.

Éxodo 30:35

Take ucanacata waquicht'am suma kollan incienso jayun cuna. Ucanacsti suma pitthapïta cunjämtejj mä perfume lurirejj lurqui uqhama.

Éxodo 35:15

incienso naqhayañ altarsa callañapamppacha, loktañ aceite, suma k'apquir incienso, cortina kollana chekar mantañawjataqui,

Éxodo 37:29

Ucjjarusti Bezaleel chachajj luraraquïnwa loktañataqui kollan aceite, uqhamarac suma k'apquir incienso, cunjämatejj suma k'apquir perfumenaca lurirejj lurqui uqhamaraqui.

Éxodo 40:9

“Ucjjarojj loktaña aceitempiw uca carpar ch'allsüta, uqhamarac cunanacatejj uca mankhencqui take uca yänacarusa, uqhamatwa uca chekajj kollanäni.

Eclesiastés 10:1

Mä chhichhillanqha jiwatajj thujsiwa, ucasti suma k'aphirojj mayjt'ayiwa. Mä juc'a pisi amuyt'ajj yatiñ cancañarusa, jach'ar aptatäñarusa atipaspawa.

Levítico 8:10

Ucjjarusti Moisesajj catuyañ aceitwa aptaraquïna, ucatsti cawqhatejj kollanäqui uca patjjaruw warjjataraqui, uqhamaraqui cunanacatejj uca mankhan utjcän ucanacarusa, uqhamatwa take ucanacjja Tatitur catuyjjaraquïna.

Levítico 8:2

“Jichhajj Aaronampiru, wawanacapampiru irpjjarum, uqhamaraqui sacerdotenacan isinacapsa caturaquim, uca quipcaraqui catuyaña aceitsa, uca quipcaraqui cuna orko vacatejj jucha luratata Tatitur loktasqui ucanacsa, uqhamaraqui paypacha orko ovejanacsa, uca quipcaraqui cawquïri canastillotejj jan levaduran t'ant'anaca churañataqui uscutäqui ucanacsa,

Números 35:25

Marcan jakenacaw khespiyapjjani jake jiwayir jakerojja cawquïritejj jiwayañatac arcnakqui ucatjja, ucatsti jupanacajj jan juchañchatäñatac imantasiñ marcaruw catuyjjapjjani, cawqharutejj imantasiñatac thakcatayna ucaru. Cawquïritejj jiwayqui ucajj ucanwa kheparani, jilïri sacerdoten jiwañapcama.

Hebreos 1:9

Cunatejj chekäqui ucwa muntajj, jan walïqui ucsti uñistawa; ucatwa juman Diosamajj chhijllastam, jumjjarojj juc'amp jila cusisiñjj churtamjja mayninacat sipansa.