Éxodo 3:6 - Qullan Arunaca

⁶ Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Aymar Bibliia 1986

⁶ Nayätwa nayra awquinacaman Diosapajja, Abraham, Isaac, Jacob ucanacan Diosapajja —sasa. Ucatsti Moisesajj ajanupwa imantasïna, jupajja Diosaru uñcatañjja wali ajjsarayasïna uca laycu.

Qullan Arunaka DC

⁶ Nayätwa nayra awkinakaman Diosapaxa. Abraham, Isaac, Jacob jupanakan Diosapätwa —sasa. Uk ist'asasti, Moisesax ajanup imantasïna, jupax Diosar uñkatañ wal axsarayasïna.

Éxodo 3:6 Jak'a apnaqawi uñst'ayäwi

Génesis 12:1

Mä urusti Tatitu Diosajj Abramarojj aqham sänwa: “Orakem apanucuwayjjam, familianacamsa, uqhamarac awquiman utapsa, cawquïr oraktejj nayajj uñacht'aycäm ucar sarjjañataqui.

Génesis 12:7

Ucanwa Tatitojj uñstäna, ucatsti saraquïnwa: “Aca orakjja wawanacamaruw churä” sasa. Ucatsti Abramajj uca chekanjja mä altar Tatitutaqui waquichäna, uca chekan Tatitojj uñstatap laycu.

Génesis 17:3

Ucapachasti Abramajj orakeruw alt'äna ajanupajj oraker puriñcama, Diosasti ucchañcamajj parljjayascaquïnwa:

Génesis 24:12

ucatsti Diosat mayisïna: “Abraham uywirejjan Tatitu Diosapa, jichhajj jumaquiy yanapt'ita, uywirejjampisti sumaqui uñjayita.

Génesis 26:24

Uca arumasti Tatituw uñstäna, saraquïnwa: “Nayätwa Abraham awquiman Diosapajja. Jan ajjsaramti, nayaw jumampïscta. Abraham sirvirejja laycuw jumarojj bendicïma, wawanacamsa mirtayaraquïwa” sasa.

Génesis 28:13

Uqhamarus uñjaraquïnwa Tatitojj ucan jupa jac'ana sayt'atäsquiri, aqham sasa: “Nayätwa Tatitojja, Abraham achachilaman Diosapajja, uqhamaraqui Isaac awquiman Diosapa. Jumampiru, wawanacamampiruw cawqhantejj ict'atäcta uca orake churä.

Génesis 28:17

Wal ajjsaräna, ucatsti saraquïnwa: “Aca chekajj wali ajjsarcañawa. Acanquiwa Diosan utapajja, ¡alajjpachan puncupawa!” sasa.

Génesis 31:42

Janitejj Diosajjajja, Abraham, uqhamarac Isaac awquejjajj yupaychcäna uca Diosajj nayampïcasapäna ucqhajj jumajj jan cunani uqhampachaqui qhitanucutasamänjja. Ucampisa Diosajj t'akhesitajj-jja, uqhamarac irnakatajjsa uñjiwa, ucatwa masayp'ojj uñsttamjja —sasa.

Génesis 32:9

Ucjjarusti Diosat mayisiraquïna: “Dios Tata, Abraham achachilajjan Diosapa, uqhamarac Isaac awquejjan Diosapa, jumaw orakejjar cuttayanistajja, uqhamarac familianacajjan ucarusa, uqhamarac jumaraquiw take cunansa yanapasquistajja.

1 Reyes 18:36

Naqhantayas loktañ horasajja, Elías profetajj jac'achasisinjja art'änwa: “¡Tatay, Abrahamana, Isaacana, uqhamarac Israelan Diosapa: uñacht'ayasim jichhüruna jumajj Israelana Diosapätama, nayasti juman sirvirimätajjaraqui, uqhamarac take acanacjja lurctwa juman arumarjama!

1 Reyes 19:13

Uc ist'asinsti Eliasajj ajanupwa capapampi imantasïna, ucatsti mistunisinjja uca putu mantañawjaruw kheparäna. Uqhamäsquiriruwa mä arojj juparu jutäna, aqham sasa: “¿Elías cuns acan lurasctajja?” sasa.

Nehemías 9:9

Jumajj uñjtawa cunjämsa nayra awquinacajjajja Egiptona t'akhesipjjäna ucjja, uqhamarac ist'aractawa llaquisiñ horasan parlasitanacapjja Mar Rojo sat kota jac'ana.

Ester (hebreo) 3:4

Uqhamsti sapüruraquiw jisqhipjjäna, ucampis Mardoqueojj janiw yäkcänti jupanacarojja. Ucatsti Amán chacharuw yatiyapjjäna Mardoqueojj arsutanacaparojj phokhaspati janicha uca yatiñataqui, ucampis jupanacarojj yatiyjjänwa judío jakëtapjja.

Éxodo 15:2

Tatituw nayan k'ochuñajjajja, juparaquiwa ch'amañchirejjasa, uqhamarac khespiyirejjasa. Jupawa nayan Diosajjajja, ucatwa yupaychäjja; juparaquiw awquejjan Diosapasa, ucatwa jach'añcharaquëjja.

Éxodo 29:45

Uqhamaraqui nayajja israelitanac taypinwa jacäjja, nayawa jupanacan Diosapäyäjja.

Éxodo 3:16

Jichhasti jumajj saram, ucatsti israelitanacan jilïrinacap tantachthapisin sätawa: ‘Abraham, Isaac, Jacob uca nayra awquinacaman Tatitu Diosapaw nayarojj uñstasina aqham situ: ‘Nayajj jumanacarojj ist'apjjsmawa uqhamarac uñjaractwa cunjämtejj Egipton jumanacarojj lurapctam ucanacsa.

Éxodo 33:20

Ucampis sismawa: ‘Janiwa ajanojj uñcatquitasmati, qhiti jakesa uñcatquitaspati, uqhamata jacasipcaquiñapataqui.’

Éxodo 4:5

—Uqhamatwa iyawsapjjani Abraham, Isaac, Jacob uca nayra awquinacaman Tatitu Diosapajj jumaru uñstatapatjja.

Jeremías 24:7

Jupanacarusti mä suma amuyu churaraquï nayan Tatitütajja yatipjjañapataqui; jupanacasti marcajjäniwa, nayasti jupanacan Diosaparaquïyäwa, nayaru take chuymampi cuttanjjapjjatapata.

Jeremías 31:33

Cuna arust'äwtejj qhaya urun Israelampi lurcä ucajj aqhamäniwa: Nayan leyinacajjsti chuymanacaparuw uscü, p'ekenacaparuw kellkantaraquï. Nayasti jupanacan Diosapäyäwa, jupanacasti nayan marcajjaraquïniwa. Naya Tatituw ucjja arsta.

Jeremías 32:38

Jupanacasti nayan marcajjäniwa, nayasti jupanacan Diosaparaquïyäwa.

Ezequiel 11:20

Ucapachaw jupanacajj nayan leyinacajjarjama, uqhamaraqui arsutanacajjarjama jacapjjaraquini. Jupanacasti nayan marcajjäpjjaniwa, nayasti jupanacan Diosaparaquïyäwa.

Zacarías 8:8

apanjjaraquïwa Jerusalenaru ucan jacasjjapjjañapataqui. Jupanacasti ucqhajj marcajjäjjaniwa, nayasti Diosaparaquïyäwa, take chuymampi, chekapar taripañampiraqui.”

Mateo 17:6

Uc ist'asinjja discipulonacapajj oraker ajanup puriyañcamaw quillt'asipjjäna, walrac ajjsarapjjäna.

Mateo 22:32

‘Nayajj Abrahaman, Isaacan, Jacobompin Diosapätwa’ sasa. ¡Diosajj janiw jiwatanacan Diosapäquiti, jan ucasti jaquirinacan Diosapawa!

Marcos 12:26

Jiwatanacan jactañapatsti ¿janit leet'apcta Moisesan kellkatapanjja, cunjämatejj Diosajj mä nacquir ch'aphi taypitjja parläna: ‘Nayätwa Abrahaman, Isaacan, Jacobon Diosapajja’ sasajja?

Lucas 20:37

Moisés pachpaw ch'aphirar alis naccäna ucanjja yatiyistu jiwatanacan jactañapatjja. Qhayansti siwa: ‘Tatitojj Abrahaman Diosapawa, Isaacampina uqhamarac Jacobompina.’

Lucas 5:8

Uc uñjasinjja Simón Pedrojj Jesusan nayrakatapar quillt'asisinwa saraqui: —Saraket, Tata. Nayajj juchararätwa —sasa.

Hechos 7:32

‘Nayajj Abraham, Isaac, Jacob awquinacaman Diosapätwa’ sasa. Ucapachasti Moisesajj ajjsarañatwa qhathatïna, janiraquiw juc'amp uñjañ muncänti.

Hechos 7:34

Nayajj Egiptonquir wawanacajjan t'akhesitapwa uñjta. Ist'aractwa jupanacan jachatanacapsa. Ucatwa nayajj sarakanta jupanacar khespiyañataqui. Jichhajj jutam, nayaw jumarojj Egipto marcaru qhitäma’ sasa.

Deuteronomio 6:3

Uca laycu ist'apjjam israelit jakenaca, ch'amañchasipjjaraquim uca arunac phokhañataqui. Uqhamatwa cusisita sarnakapjjäta, ucatsti mä jach'a marcaw uca oraken tucupjjaraquïta, cawqhantï leches misq'is umjam jalasqui, cunjämatï awquinacaman Diosapajj arupampi arsuwaycän uqhama.

Hebreos 11:16

Ucampis jupanacajj mä suma orak munapjjäna, ucasti alajjpach marcawa. Ucatwa Diosajj jan p'enkasquiti, jupanacan Diosapa sayasiñjja, jupanacataquisti mä marcaw waquichata utji.

Hebreos 12:21

Cunja ajjsarcañänsa take cunatejj uñstcän ucajja, Moisés pachpaw säna: “Ajjsarañatwa qhathatiscta” sasa.

Apocalipsis 1:17

Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.

Jueces 13:22

Manoa sat chachajj warmiparojj saraquïnwa: —Chekpachapuniw jiwasajj jiwañäni Diosaruw uñjtan —sasa.