Éxodo 3:4 - Qullan Arunaca

⁴ Tatitusti Moisesar jutir uñjasinjja zarza sat ch'aphinac taypitwa jawsäna: —¡Moisés, Moisés! —sasa. Ucatsti Moisesajj: —¡Acäsctwa nayajja —sasaw saraquïna!.

Aymar Bibliia 1986

⁴ Tatitusti Moisesar jutir uñjasinjja zarza sat ch'aphinac taypitwa jawsäna: —¡Moisés, Moisés! —sasa. Ucatsti Moisesajj: —¡Acäsctwa nayajja —sasaw saraquïna!.

Qullan Arunaka DC

⁴ Tatitusti Moisesar jutir uñjasin zarza ch'aphi ali taypit art'äna: —¡Moisés, Moisés! —sasa. Moisesasti sänwa: —Akankasktwa —sasa.

Éxodo 3:4 Jak'a apnaqawi uñst'ayäwi

Génesis 22:1

Mä kawkha tiempo pasatatsti Diosajj Abrahaman iyawsañapwa yant'äna. Sutipatwa art'anïna, jupasti saraquïnwa: —Acanctwa —sasa.

Génesis 22:11

Tatitun angelapajj alajjpachat art'anïna: —¡Abraham, Abraham! —sasa. —Acanctwa —sasaw Abrahamajj saraquïna.

Génesis 28:16

Cunapachatejj Jacobojj samcat sartjjän ucqhasti, amuyaraquïnwa: “Chekpachapuniw Tatitojj aca chekancascpacha, nayasti janiw ucjja yatcayätti” sasa.

Génesis 46:2

Uca arumasti Diosajj Israelarojj mä visionan uñstäna, Jacob sutipat jawsasa. Ucat Jacobojj saraquïna: —Acancasctwa, Tata —sasa.

Salmos 62:11

Diosan arsutap ist'ta, jupan arsut arup yatta: “Diosajj ch'amaniwa, ch'amasa, munasiñas jupanquiwa, jupaw sapa maynirojj lurataparjam wajjt'i” sasa.

Éxodo 19:3

Ucansti Moisesajj, Diosampi jiquisiñataquiw kollur maqhatäna, ucatsti Tatitojj kollutwa parlanïna: —Yatiyam aca arunaca Jacobon israelita wawanacaparu:

Éxodo 3:2

Ucansti Tatitun angelapaw uñstäna mä ninjama zarza sat ch'aphi alinac taypina. Ucampis Moisesajj uñjänwa ch'aphinacan nina akasquiri, ch'aphisti janiw naqhantcänti.

Éxodo 33:12

Moisesasti Tatiturojj sänwa: —Jumasti nayarojj, ‘aca jakenaca irpam’ sistawa, ucampis janiw sisquistati qhitimpiw jumar qhithäma sasajja. Uqhamarac saractawa: ‘Jumaruw confiasma’ sasa, ucampis jumajj nayataquejj colerataquëjjtawa.

Éxodo 4:5

—Uqhamatwa iyawsapjjani Abraham, Isaac, Jacob uca nayra awquinacaman Tatitu Diosapajj jumaru uñstatapatjja.

Levítico 1:1

Tatitojj Moisesaruw jawsäna Diosamp Jiquisiñ Carpatpacha, ucatsti aqham saraquïnwa:

Hechos 10:13

Ucatsti Pedrojj mä aru ist'i, aqham siri: —Pedro, sartasim, jiwarayam, ucatsti mank'araquim —sasa.

Hechos 10:3

Mä urusti, niya quimsa horasarjamaw Diosan mä angelapajj uñstäna. Ucatsti samcanjama jupan ucar mantasinwa, saraquïna: —¡Cornelio! —sasa.

Hechos 9:4

Ucspachaw Saulojj oraker jaknoktäna. Ucatsti ist'araquïnwa mä aru jupar sasquiri: —Saulo, Saulo, ¿cunats arcnakesta? —sasa.

Deuteronomio 33:16

Suma achunacajj aca orake phokt'quis ucanacampi, take chuymapampi jacpan ch'aphinac taypin jacquis ucataqui. Take acanac José chachataquejj jutpan, cawquïritejj jilanacap taypit ajllitäqui ucataqui.

1 Samuel 3:10

Ucatsti Tatitojj puriniraquïnwa, sayt'asisinsti cunjämtejj nayrakatajj jawscatayna uqhamwa jawsaraquiquïna: —¡Samuel! ¡Samuel! —sasa. —Parlascaquim, sirvirimajj ist'asctamwa —sasaw Samuelojj saraquïna.

1 Samuel 3:4

Ucatwa Tatitojj jawsäna: “¡Samuel!” sasa. —¡Acancasctwa! —sasaw jupajj ucjjarojj saraquïna.

1 Samuel 3:6

Ucampisa Tatitojj wasitat jawsascaquïnwa: —¡Samuel! —sasa. Ucat Samuelojj sartasin Elí sacerdoten ucaruw sararaqui, ucatsti saraquïnwa: —Acajj juttwa. ¿Cunataquis jawsista? —sasa. —Janiw nayajj jawscsmati, wawa. Iquiñamar sarjjam —sasaw Elí sacerdotejj saraquïna.

1 Samuel 3:8

Ucampisa quimsa cutinjja Tatitojj jawsascaquïnwa, ucatsti Samuelojj sartasin Elí ucan ucaruraquiw sararaqui, —Acajj juttwa. ¿Cunataquis jawsista? —sasa. Ucampisa Elí sacerdotejj amuyjjänwa qhititejj Samuelor jawsascäna ucjja. Tatitun jawsascatapwa amuyäna.