Éxodo 3:18 - Qullan Arunaca

¹⁸ Israelitanacan jilïrinacapasti arunacam ist'asinjja jaysapjjätamwa. Ucatsti jumajja jupanacampiw saräta Egiptonquir reyin ucaru, sätawa: ‘Hebreonacan Tatitu Diosapawa nanacar jicjjatapjjetu. Jichhasti antutjjapjjita wasararu sarjjañanacajjataqui quimsür sararu, ucana nanacan Tatitu Diosajjaru sacrificionac loktapjjañanacajjataqui.’

Aymar Bibliia 1986

¹⁸ Israelitanacan jilïrinacapasti arunacam ist'asinjja jaysapjjätamwa. Ucatsti jumajja jupanacampiw saräta Egiptonquir reyin ucaru, sätawa: “Hebreonacan Tatitu Diosapawa nanacar jicjjatapjjetu. Jichhasti antutjjapjjita wasararu sarjjañanacajjataqui quimsür sararu, ucana nanacan Tatitu Diosajjaru sacrificionac loktapjjañanacajjataqui.”

Qullan Arunaka DC

¹⁸ Israelitanakan jilïrinakapasti arunakam ist'asax jaysapxätamwa. Ukatsti jumax Egipton reyipan ukaruw jupanakamp saräta, juparusti sätawa: “Hebreonakan Tatit Diosapaw nanakar jikxatapxitu. Ukhamasti, wasarar sarayapxita kimsür sararu, ukan nanakan Tatit Diosaxar wilañchanak luqtapxañaxataki” sasa.

Éxodo 3:18 Jak'a apnaqawi uñst'ayäwi

Génesis 12:1

Mä urusti Tatitu Diosajj Abramarojj aqham sänwa: “Orakem apanucuwayjjam, familianacamsa, uqhamarac awquiman utapsa, cawquïr oraktejj nayajj uñacht'aycäm ucar sarjjañataqui.

Génesis 14:13

Ucampisa mä jakew jaltjjasinjja, hebreo Abramar take ucanac avisiri jutäna, Abramasti Encinas de Mamre ch'uminwa jacasiraquïna, uca Mamresti amorreo jakënwa; Escol, uqhamarac Aner sisqui ucanacan jilaparaqui, jupanacasti Abramat arjjatasipjjaraquïna.

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Génesis 48:3

Josearusti saraquïnwa: —Take ch'amani Diosaw nayarojj Luz sisqui uca marcan uñstitu, Canaán orakena, ucatsti aca arunacampiw bendiciraquitu:

2 Crónicas 30:12

Dios pachparaquiw Judá orakenquir jakenacarojj onjjtayaraquïna reyina, autoridadanacana arunacaparu phokhañataquejja, cunjämtï Tatitojj siscäna uqhamaru.

Salmos 110:3

Marcamajj atipt'añam urunjja, jumaruw catuyasjjätam. Kollan kollunac patjjanjja, willjta sullar uñtataw wayna cancañamajj sapür machakaptani.”

Éxodo 10:3

Ucatsti Moisesampi, Aaronampejj faraonan ucar sarasinjja sapjjänwa: —Hebreonacan Tatitu Diosapasti aqham siwa: ‘¿Cunapachcamasa nayataqui jan llamp'u chuyman tucjjäta? Antutjjam marcajjaru nayar yupaychiri sarjjapjjañapataqui.

Éxodo 17:5

Ucat Tatitojj Moisesarojj saraquïnwa: —Jumasti israelit jakenac nayrakatar pasam, Israelanquir jilïr jakenacampi compañt'ata, uqhamarac jawiraru jisctcayätajj uca jach'a thujrum ayjjarusiwayasin sarantam.

Éxodo 19:1

Israelitanacajj, Egiptot mistuwayapcäna ucat quimsa phajjsitsti Sinaí wasararuw puripjjäna.

Éxodo 25:22

Ucanwa jumampejj jiquisiñäni. Nayajja suma arust'äwi arca patjjancqui uca pä querubines sat angelanac taypitwa israelitanacataquejj arunacajja churanïma.

Éxodo 3:12

Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Éxodo 3:16

Jichhasti jumajj saram, ucatsti israelitanacan jilïrinacap tantachthapisin sätawa: ‘Abraham, Isaac, Jacob uca nayra awquinacaman Tatitu Diosapaw nayarojj uñstasina aqham situ: ‘Nayajj jumanacarojj ist'apjjsmawa uqhamarac uñjaractwa cunjämtejj Egipton jumanacarojj lurapctam ucanacsa.

Éxodo 30:36

Mä chicatsti suma ñut'u q'iyjasinjja arca nayrakataruw uchäta Tatitumpi Jiquisiñ Carpa mankhana, cawqhantejj nayajj jumampi jiquiscañäni uca chekaru; aca inciensosti wali kollanäniwa jumanacataquejja.

Éxodo 30:6

Uca altarjja uchätawa sumar mantäwi arca imt'qui uca velo nayräjjaru, uca chekanwa nayajj jumampi jiquisëjja.

Éxodo 4:1

Ucatsti Moisesajj Tatitu Diosarojj sänwa —Jupanacasti janiw iyawsapquitaspati, ni arunacajjsa ist'añ munapcaraquispati, jan ucasti sapjjaspawa: ‘Tatitojj janiw jumarojj uñstcpachätamti’ —sasa.

Éxodo 4:23

Nayajja niyaw sisma; wawajjaru qhitjjam, nayaru sirviri sarjjañapataqui, sasa. Ucampis jumajj janiw antutañ munctati uca laycusti nayajja jilïri wawamaruw jiwayäjja’ —sasa.

Éxodo 4:24

Thaqui sarcasinsti cawqhantejj Moisesajj familiapampi arumajj iquipcäna ucqharuw Tatitojj jicjjatasin Moisesarojj jiwayañ munäna.

Éxodo 4:31

Ucanac uñjasinsti israelit jakenacajj iyawsapjjänwa, Tatitojj jupanacata amtasitapa, uqhamarac t'akhesitanacapsa uñjatapa. Ucatsti jupanacajj quillt'asisaw Diosarojj yupaychapjjäna.

Éxodo 5:1

Moisesampi, Aaronampejj Faraonan ucar mantasinjja sapjjänwa: —Israelan Tatitu Diosapajja aqham siwa: ‘Marcajjaru antutam wasararu sarjjapjjañapataqui, ucanwa nayaru cusisita yupaychapjjetani’ —sasa.

Éxodo 5:3

Jupanacasti parlasipcaquïnwa: —Hebreonacan Diosapawa nanacaru jicjjatapjjetu, uca laycusti nanacajj sarjjapjjäwa wasaranjama quimsür sararu, ucanwa nanacan Tatitu Diosajjarojja sacrificionac loktanipjjäjja. Jupasti capasaquiw nanacarojj mutuyapjjetaspa usumpi, jan ucajj espadampi jiwarayasina.

Éxodo 7:16

Ucansti aqham sätawa: ‘Hebreonacan Tatitu Diosapawa nayaru qhithanitu jumaru aca yatiyañataqui: ‘Antutjjam marcajjaru sarjjañapataqui jupanacasti wasaranwa nayaru yupaychapjjetani. Ucampis jumajja jichhacamajj janiw ist'añ munctati.

Éxodo 8:1

Tatitusti Moisesarojj sänwa: —Faraonan ucar sarasinsti sätawa: ‘Tatitojj aqham siwa: Antutjjam marcajjaru nayar yupaychir sarjjapjjañapataqui.

Éxodo 8:20

Tatitusti Moisesarojj sänwa: —Faraonasti arumanthejja jawiraruw sarani, ucampis jumajja wali alwata sartasinjja saram aqham siri: ‘Tatitojj siwa: Antutjjam marcajjaru nayar yupaychiri sarjjapjjañapataqui.

Éxodo 8:23

Nayasti uñacht'ayäwa marcajjajja mayjätapa, marcamat sipansa, acsti arumanthiw luräjja’ —sasa.

Éxodo 9:1

Ucatsti Tatitojj Moisesarojj saraquïnwa: —Faraonan ucaru sarasinsti sanim: ‘Hebreonacan Tatitu Diosapajja aqham siwa: ‘Marcajjaru antutjjam nayaru yupaychiri sarjjapjjañapataqui.

Éxodo 9:13

Tatitusti Moisesarojj sascaquïnwa: —Arumanthisti alwata sartam, ucatsti faraonan ucar saram aqham sasa: ‘Hebreonacan Tatitu Diosapajja aqham siwa: ‘Antutjjam marcajjaru nayar yupaychiri sarjjapjjañapataqui.

Isaías 64:5

Jumasti qhititejj asquinac cusisiñampi lurqui ucanacaruw catoktajja, uqhamaraqui cuntejj jumajj muncta uc lurqui ucarusa. Jumajj nanacataquejj coleratätawa, nanacan jucha lurapjjatajj laycu; nayratpachracwa jumarojj chuymama usuyapjjsma.

Jeremías 2:2

“Saram, ucatsti Jerusalén marcaru parlanim; jach'at art'am sum ist'apjjañapataqui: ‘¡Aqham siw Tatitojja! Amtasisctwa, cunapachatejj tawaköcäyätajj ucapachajj take chuymaw nayataquïyätajja, cunapachatejj jumajj nayan warmejja tucjjäyätajja ucapachasti nayarojj wali munasiraquïyästajja, wasaranjamracwa nayarojj arcanïyästajja, cawqhantejj jan cunas achqui uca orakenjama.

Jeremías 2:6

Nayar thaktañatsti janiw llaquisipcaraquiti, nayaw jupanacarojj Egiptot apsunta, wasaranjam irparacta, sinti waña orakenjama, uqhamarac jach'a jakhe jakhe taypnama, jan umani orakenjama, uca orakesti cunayman jan walt'añanacansa phokhantataraqui, cawqhantejj jan qhitis jacquiti uqhamaraqui, jan qhitis sarnakqui uca orakenjama.

Jeremías 26:5

uqhamaraqui nayar sirviri profetanacan arunacaparusa janiraqui ist'apcaniti, uca profetanacsti nayajj mayampi, mayampwa qhitanta, jumanacasti jupanacarojj janiw ist'apctati,

Números 17:4

Ucanacsti uchaniraquïtaw Jiquisiñ Carparu, sumancayiri arcan uñcatasiparu, cawqhantejj nayajj jumanacampi jiquiscta ucqharu.

Josué 1:17

Cunjamtï Moisesarojj take cunansa jaysapjjäyätjja, uqhamaraquiw jumarojj jaysapjjäma. Nanacasti munapjjtwa Diosajj jumaru yanapañapa, cunjamtï Moisesarojj yanapcäna uqhama.