Éxodo 29:41 - Qullan Arunaca

⁴¹ Uca quipcaraquiqui jayp'u horasarojja maynïr ovej-jja loktaraquiquïta jac'u, vino ofrendanacampi cuna. Uqhamata uca ofrendanacajja suma k'apquir Tatitutaqui loktas naqhantayatäñapataqui.

Aymar Bibliia 1986

⁴¹ Uca quipcaraquiqui jayp'u horasarojja maynïr ovej-jja loktaraquiquïta jac'u, vino ofrendanacampi cuna. Uqhamata uca ofrendanacajja suma k'apquir Tatitutaqui loktas naqhantayatäñapataqui.

Qullan Arunaka DC

⁴¹ Jayp'thapirusti uka kipkarak maynïr urqu ovejampix luräta, ukhamarak jak'umpita, vinompitsa, ukhamat uka waxt'anakan Tatitutak suma q'apkir nakt'ayat luqtäñapataki.

Éxodo 29:41 Jak'a apnaqawi uñst'ayäwi

1 Reyes 18:29

Chica urusti pasjjänwa, ucampisa jupanacajja arnakasipcaquïnwa, lokhenacjamaraquiw thoknacapjjaraquïna sacrificio loktañ horascama, ucqhacamasti janiw cuna arusa utjcänti. ¡Janiw qhitis ist'ancänti, ni jayscaraquïnsa!

1 Reyes 18:36

Naqhantayas loktañ horasajja, Elías profetajj jac'achasisinjja art'änwa: “¡Tatay, Abrahamana, Isaacana, uqhamarac Israelan Diosapa: uñacht'ayasim jichhüruna jumajj Israelana Diosapätama, nayasti juman sirvirimätajjaraqui, uqhamarac take acanacjja lurctwa juman arumarjama!

2 Reyes 16:15

Ucatsti Urías sacerdoterojj yatiyänwa, jach'a altarana alwa nact'at loktäwi naqhantayañapataqui, uqhamarac jayp'u granonacat ofrendanacsa, uqhamarac nact'ayat loktäwinacsa, reyin granonacat ofrendapamppacha, uqhamaraqui granonacat vino toket loktäwinacsa take jakenacataqui. Ucjjarusti yatiyaraquïnwa uca altar patjjaru naqhantat sacrificionacan take wilanacapa warjjatañataqui, ucampis broncet lurat altarajj jupana Tatitumpi parlañaquïtapa yatiyäna.

2 Crónicas 2:3

Ucatsti Salomonajj Tironquir Hiram reyirojj yatiyänwa qhitanacap tokejja, aqham sasa: “Jumajj cunjämtï David awquejjampejja lurcäyätajja uqhama luraraquim, jumajj awquejjarojj cedro madera apayanïyätajja, reyi utap lurayascän ucapachajja.

Salmos 141:2

Mayisitajjajj inciensor uñtat nayrakatamar maqhatanpan, lokatatat amparanacajjasti, jayp'u loktäwjamäpan.

Éxodo 12:6

Acsti aca phajjsi tunca pusin urucamaw imapjjäta, ucatsti uca jayp'ojja take israelitanacaw uca uywa qharinucupjjäta.

Éxodo 29:40

Nayrïr ovejampi chicsti loktätawa, pä kilo suma jac'u mä litro oliva sat aceitempi chaputa, ucjjarusti suma ofrendäñapataquejja mä litro vinompiraquiw warjjataraquïta.

Éxodo 29:42

Aqhama ofrendanaca nayaru jach'añchasa naqhayañataquejja awquita, wawanacapan wawanacapataquejja wiñayäniwa nayan nayrakatajjana. Ucsti loktapjjaniwa Tatitumpi Jiquisiñ Carpäqui uca puncu nayrakataru. Ucawja chekanwa nayajj jumampi jiquisëjja, jumaru parlañataqui.

Daniel (hebreo) 9:21

Uqhama mayisquipansti, Gabriel sat angelawa cawquïritejj unañchäwi uñjcäyät ucan uñstquitäna ucaw cawqhancäyättejj ucqharu juti. Uca horasasti niya Diosar jayp'u sacrificio loktañ horasänwa.