Éxodo 29:13 - Qullan Arunaca

¹³ Uqhamarac jiphillanacatsa, q'iwchatsa, maymurunacatsa liq'inaca aparasajja altararuraquiw nact'ayaraquïta.

Aymar Bibliia 1986

¹³ Uqhamarac jiphillanacatsa, q'iwchatsa, maymurunacatsa liq'inaca aparasajja altararuraquiw nact'ayaraquïta.

Qullan Arunaka DC

¹³ Ukatsti jiphillanakatsa, k'iwchatsa, maymurunakatsa lik'inakap apaqäta, ukatsti altarxaruw nakt'ayäta;

Éxodo 29:13 Jak'a apnaqawi uñst'ayäwi

Salmos 22:14

Nayasti waranucut umjamätwa, ch'aqhanacajjajj khakhanucutcamaquiwa; chuymajjasti liq'ir uñtataw naya mankhan umatati;

Éxodo 12:9

Ucampis janiw cunsa ch'okpach mank'apjjätati, ni umaru khathitsa, jan ucasti ninaruw cancapjjäta p'ekepsa, chhuchhullinacapsa, jiphillanacapsa.

Éxodo 29:18

Ucatsti uca ovej-jja altar patjjaru naqhantayasinwa Tatitur jach'añchasa loktäta, uqhamata uca ofrendajj suma k'apquir Tatitutacjamäñapataqui.

Éxodo 29:22

“Ucjjarusti apsuraquim ovejan liq'inacapa, wich'inqha, jiphilla, q'iwcha, paypach maymurun liq'inacapa; uqhamarac lanqhu chara aycha, aca ovejasti sacerdotenaca loktañataquïtap laycu.

Éxodo 29:25

Ucatsti amparanacapata apakasinsti altararu naqhantayam, chekat suma k'apquir ovejajj Tatitur loktasa phichhantatäqui ucjjaru; ucasti Tatitur jach'añchañataqui loktata ofrenda naqhantayatäñapawa.

Isaías 1:11

Tatitojj siwa: “¿Cunataquis ucatak wilañchanac loktapjjesta? Karitäjjtwa jumanacan wilañchat orko ovejanac loktapjjatanacamampejja, uqhamaraqui liq'i vaca kallu loktatanacamampisa; orko vacanacana, ovejanacana, cabritonacana wilanacapajj ajjtasiyjjetuwa.

Isaías 34:6

Tatitun espadapajj wilarara, liq'inacampi chhaktayatäniwa, cunjämatejj ovejanacas cabritonacas sacrificiotaqui qharsutajj uqhama. Tatitusti Bosra sisqui uca chekanjja mä sacrificio lurani, Edom sisqui uca chekansti mä jach'a jiwarayäwi.

Isaías 43:24

Janiraquiw suma k'apquir cañsa alctati. Nayatac ofrenda apaniñamataquejja, janiraquiw sacrificiot loktat uywanacan liq'inacapampis cusisiyquistati. Jan ucasti jucha lurañanacamampejj karjayistawa, ñankha luratanacamampisti p'ek usuyaraquista.

Levítico 1:15

Sacerdotew loktani uca palomjja altarana, p'ekep k'ewekasajj wilapjja altarat mä thiyaru ch'aksuyasaw naqhantayaraquini.

Levítico 1:9

Qhititejj loktcani ucasti uca uywan jiphillanacapsa, chhuchhullinacapsa umampiw jarekañapa, ucsti sacerdoteraquiw takpach altarjjar naqhantayani. Tatitutaquejj mä suma k'apquiri ofrendaraquïniwa.

Levítico 16:25

Cawquïri uywatejj jucha luratat sacrificio loktatäcan uca liq'inacapsti altarjjaruw nact'ayjjaraquini,

Levítico 17:6

Sacerdotesti Tatitun nayrakatapancqui uca altarjja wilampiw ch'allt'araquini, cawquïritejj Tatitumpi Jiquisiña Carpa nayräjjancqui ucaru, liq'inacsti mä suma k'apquiri ofrendäcaspasa uqhamwa nact'ayjjaraquini Tatitutaquejja.

Levítico 4:26

Liq'sti takpachwa altarjjaru naqhantayjjaraquini, cunjämatejj sumancthapiñatac loktat liq'jja naqhantayapqui uca quipca, uqhamat sacerdotejj jilïritaquejj juchapat pampachatäña jicjjatañapataqui, juchanacapasti perdonatäjjaraquiniwa.

Levítico 4:31

Uqhamaraquiw takpach liq'jja apsuraquini, cunjämtejj sumancthapiñatac loktäwitjja apakasejja uqhamaraqui, ucatsti uca liq'jja altarjjaruw nact'ayjjaraquini Tatitutac suma k'apquiri ofrendata, uqhamat sacerdotejj uca jaketaquejj juchapat pampachatäña jicjjatani, juchanacapasti perdonatäjjaraquiniwa.

Levítico 4:35

Ucatsti liq'ejj apakatäñapawa takpacha, cunjämatejj sumancthapiñatac loktäwitjja apakasejja uqhama, liq'sti altarjjaruw nact'ayjjaraquini, Tatitutaqui suma k'apquiri ofrendata; uqhamat sacerdotejj uca jaketaquejj juchapat pampachatäña jicjjatani, juchanacapatsti perdonatäjjaraquiniwa.

Levítico 6:12

“Altaran nacqui uca ninasti janipuniw jiwarañapäquiti. Sacerdotew sapärmanthi alwa lawanacjja uca altarjjaru apjjataraquini, uqhamaraqui cawquïri uywatejj sacrificiot loktatäcani ucsa ninjjaru apjjataraquini, sumancthapiñataqui nact'ayata liq'inacampi chica.

Levítico 7:3

Uca uywan take liq'inacapasti: cuna liq'itejj wich'inqhan utjqui, uqhamaraqui jiphillanacansa,

Levítico 7:31

Sacerdotesti uca liq'jja altarjjaruw nact'ayjjaraquini, ucampisa pechojja Aaronampitaqui, wawanacapampitaquëjjaniwa.

Levítico 7:4

paypacha maymuruna, uca maymurunacaru chhaktayiri liq'i, uqhamaraqui jiqhaninacancqui uca, uqhamaraqui q'iwchjjancqui uca liq'imppacha, ucanacasti maymurunacampi chica apakatäjjañaparaquiwa.

Levítico 8:16

Ucjjarusti Moisesajj jiphillanacan take liq'inacapwa caturaquïna, take jiphillanacana utjquis uca liq'inaca, q'iwchjjan utjquis uca liq'inaca, paypacha maymurjjancquisa uca liq'inaca, ucatsti take uca liq'inacjja altarjjaruw nact'ayjjaraquïna.

Levítico 8:25

Ucat Moisesajj liq'i caturaqui wich'inqhampi, uqhamaraqui take liq'i jiphillanaca, cuna liq'itejj q'iwcha patjjancqui ucanaca, uqhamaraqui paypacha maymurunaca, liq'inacapamppacha, cupi charampi cuna.

Levítico 9:10

Ucjjarusti janc'aquiw altarjjaru nact'ayjjaraquïna take liq'inaca, maymurunaca, uqhamarac cawquïri uywatejj juchata sacrificio loktatäcän uca uywan liq'ipsa, cunjämtejj Tatitojj Moisesar siscatayna uqhamarjama phokhasa.

Levítico 9:19

Uca quipcaraquiw wawanacapajj uca orko vacana uqhamaraqui uca orko ovejampina liq'inacapa, wich'inqha liq'inaca, jiphilla liq'inaca, maymurunaca, uqhamarac q'iwchjjancqui uca liq'inaca catuyjjapjjaraquïna,

Números 18:17

Ucampisa janiraquiw vacanacana, cabritonacana, ovejanacana nayra wawachat kallunacapjja cutsuyasipcaniti, ucanacasti nayatac yakhachatawa, ucanacsti jiwarayaraquïtawa, wilapsa altararuw warjjataraquïta, liq'ipsa naqhayaraquïtawa, nayatac mä suma k'apquiri ofrendjama.

1 Samuel 2:16

Ucata uca sacrificio loktiri jakejj saraquïnjja: “Nayrakatajj liq'i naqhantayañajjawa, ucatwa sacerdotejj cawcjtejj munqui uca apakasiscani” sasajja. Ucjjarusti sacerdoten uywatapajj saraquïnwa: “Janiwa, jichhpacha churita, jan ucasti ch'amampiw aparawayäma” sasa.