Éxodo 29:14 - Qullan Arunaca

¹⁴ Ucampis vaca kallun aychapsa, lip'ichipsa, uqhamarac guanonacapsa campamentot ankäjjaruw naqhantayanjjäta, ucasti jucha luratanacata sacrificio loktatätap laycu.

Aymar Bibliia 1986

¹⁴ Ucampis vaca kallun aychapsa, lip'ichipsa, uqhamarac guanonacapsa campamentot ankäjjaruw naqhantayanjjäta, ucasti jucha luratanacata sacrificio loktatätap laycu.

Qullan Arunaka DC

¹⁴ ukampis vaca qallun aychapsa, lip'ichipsa, phurupsa campamentot anqäxaruw nakhantayanxäta, jucha luratanakat wilañcha luqtatätap layku.

Éxodo 29:14 Jak'a apnaqawi uñst'ayäwi

2 Crónicas 29:24

Ucjjarusti sacerdotenacajj ucanacar jiwayasinjja wilapjja wart'apjjänwa altar patjjaru, juchata ofrenda loktasina, take Israelana juchanacapata perdón jicjjatañataqui, reyejj uca loktäwjja Israel marcpachatac loktatäñapataquiw arsüna.

Esdras 8:35

Ucjjarusti jayar apayatanacajj cutt'anjjapjjäna ucanacasti, churapjjänwa nact'at loktäwinaca Israelan Diosaparu loktatäñapataqui, uqhamarac take israelitanacan sutiparuraqui, churapjjänwa tunca payan vaca kallunaca, llätunc tunca sojjtani qhariñ ovejanaca, pakallk tunca pakallkoni mä maran ovejanaca, uqhamarac tunca payan chivonaca juchata ofrenda loktañataqui. Take ucanacasti Tatitutaqui nact'ayatänwa.

Éxodo 30:10

Aca altarasti Tatitur loktatäniwa, uca laycusti Aaronajj maranjja maya cutiw wajjranacaru sacrificio loktata uywan wilapampi jawt'ani jucha luratanacat pampachatäña jicjjatañataqui. Uqhamsti sapa marawa wiñaya uca altararojj sacrificio loktapjjañamajja juchat pampachasïwi jicjjatañataquejja.”

Ezequiel 43:21

Ucat uca orko vaca sacrificiot loktatäquis uca catusinsti, templot ankäjjanwa naqhantayjjaraquïta, cawqhatejj ucanacataqui uscutäqui uca chekaru.

Levítico 16:11

“Uca khepatsti Aaronajj orko vaca sacrificiot loktjjaraquini, ucasti pachpa juchapata sacrificio loktäwiwa, uca orko vacsti jupan pachpa juchapata, uqhamarac familiapan juchanacapata pampachatäña catokañataquiw loktaraquini.

Levítico 16:27

“Cawquïri orko vacatejj, uqhamarac cawquïri cabritotejj jucha luratata sacrificio loktatäqui ucanacan wilanacapasa kollana chekaru apatäcaraquïna juchanacat pampachasïwi jicjjatañataqui, ucanacasti campamentot ankäjjaru apatäjjañapawa, lip'ichinacapasa, aychanacapasa, cuna jilt'anacapasa takpacha naqhantayatäjjaraquiniwa.

Levítico 16:3

Aaronajj uca kollan chekaru mantañataquejj mä orko vaca, apani jucha luratat sacrificio loktañataqui, uqhamarac mä orko oveja aparaquini takpacha nact'ayasa loktañataqui.

Levítico 4:21

Ucatsti uca orko vacajj, campamentot ankäjjaru apsusin naqhantayatäjjaniwa, cunjämatejj nayrakat orko vacajj naqhantayatäcän uqhamaraqui, take israelit jaken juchapata sacrificiot loktatätap laycu.

Levítico 4:25

Ucjjarusti sacerdotejj juchat sacrificio loktat cabriton mä juc'a wilamp luc'anaparu juricht'asajj, naqhantatäñatac loktaña altaran esquina wajjranacapwa jawirt'araquini; ucatsti wila jilt'jja pachpa altaran cayuparuw wartjjaraquini.

Levítico 4:29

Uca kachu cabran p'ekepjjaru amparapa lokjjatasawa qharinucjjani, cawqhantejj naqhantayañatac uywanacajj qharinucutäqui ucqharu,

Levítico 4:3

“Jucha lurirïqui ucatejj jilïr sacerdotënejja, jakenacjjaru juchapajj puritap laycojja, mä c'umara orko vaca uca jucha luratapatjja loktañapawa.

Levítico 4:32

“Uca jaketejj mä oveja apaninejja juchapat loktañataqui, ucapachajj mä c'umara kachu oveja apanini,

Levítico 5:6

ucatsti jucha luratapatjja mä kachu oveja Tatitur loktani, jan ucajj mä kachu cabräpasa, uca loktäwimpiw sacerdotejj uca jaken juchapataquejj pampachatäña jicjjatani, juchapasti perdonataraquïniwa.

Levítico 5:8

Sacerdoteruw catuyani, sacerdotesti nayrakatajja juchat loktäwïquisa ucwa loktaraquini, cuncat k'ewt'araquini ucampisa janiraquiw p'ekjja k'ewekcaniti.

Levítico 6:25

“Aaronampiru uqhamaraqui sacerdote wawanacapampirojj, jucha luratat sacrificio loktañjjatjja aca yatichäwinaca churaraquim: Cuna uywtejj Tatitun nayrakatapar apanisin loktapcani ucajj Tatitun nayrakatapan qharinucutäjjañapawa, cawqha chekantejj naqhantayatäñataqui loktäwejj lurasqui uca chekana, ucasti wali kollanapuniwa.

Levítico 8:17

Ucampisa uca vacat jilt'anacsti, lip'ichipa, aychapa, uqhamarac yakha jilt'anacjjarusti, campamentot ankäjjanwa ninampi naqhantayjjaraquïna, cunjämtejj Moisesajj Tatitut arunac catokcatayna uqhamarjama.

Levítico 9:2

ucat Aaronarojj saraquïna: “Jichhajj mä orko vaca kallu irpjjarum, uqhamaraqui mä orko ovejampi, ucanacasti jan cuna camacht'ata c'umara uywanacäñapawa, ucanacsti k'ala naqhantayatäñataqui sacrificiot Tatitur loktaraquim.

Malaquías 2:3

“Nayaw yapunacamarus ñankhacharaquï, take ch'amanacamsa apakapjjaraquïmawa, ucatsti cawquïri uywanactï sacrificio loktañataqui apanipcäta uca uywanacan wanupampiraquiw ajanuta khallcatapjjäma. Ucatsti uca quicpa wanumpi chicaraquiw pichanucutäpjjäta.

Números 19:5

Ucatsti uca vacjja jupan uñjcataw naqhantayapjjani lip'ichipsa, aychapsa, wilapsa, uqhamarac guanupsa.

Números 7:16

Uqhamarac mä cabrito juchanacat sacrificio loktañataqui,